Romu 9:16 - ALLALA KUMƐ

¹⁶ Woletɔ wo bɛɛ tɛgɛnɛ Allatalata kinikinɛ le ma. Wo tɛgɛni ma mɔgɔ diyana-koe anubɛ ala ko-ladan-nya ma.

Romu 9:16 ပူးပေါင်းရင်းမြစ်များ

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Aiseya 65:1

Mari ko a ara a nyɛrɛ yira mɔgɛ donu na minnu sa a nyinina lefan! Minnuna ko sa ala ko rɔ, a sɔnta ko wonu fɔlɔn fɔlɔn ni a yen. Sibole minnu sa a batola, a ya a fɔ wonu ye ko, “Wo ma n yen? Nde le ye wo dɛnbɛna.”

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 4:8

Wo kɔma, Setanɛ ya Yisa bi ka ta a la kɔnkɔ-layan-bɛ kuma ka duninya-mansayɛ bɛɛ yira a la anubɛ anuna gbiliyɛ.

Luka 10:21

Wo wati, Yisa fara sewɛ la Allata Ni-Sɛnimɛ baraka rɔ. A ko, “E, n Fa, san-kole anubɛ dugu-kole Mari, n bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na. Ɔnde, n Fa, ado wo bɛɛ mara iko a di i ye nya min.

Yɔni 3:8

Kan tinɛ min di fɔnyɔ ye, a ye tala nyɔ le. I ye a kan lamɔɛnna kɔnɔ i ma a bɔ-tinɛ lɔn, i ma a ta-tinɛ lɔn. Min bɛɛ sɔrɔnnɛ Allata Ni-Sɛnimɛ bolo, anu bi wo nya le.”

Romu 9:11

Alla ya a fɔ Rebɛka ye ko, “Ala den-kei-sarɛ si wɔlɛ kɛ a dɔgɛ ye.” Alla ya wo fɔ ka a yira ko a ya dan min yatɔnbɔn, a ye nyinina wo le nyɛrɛ ma. Yanni anu ni sɔrɔn wati min, a ya kɛ fɔ, ado yanni anu ni hɛnkili sɔrɔn, a ya wo fɔ. Woletɔ Alla ya dan min yatɔnbɔn, a ma wo ma ka a tɛgɛ dan wola ko-ladan-nya ma. A ya wo ma bawo dan wo di a ye.

Kalesiya 2:2

N tara bawo Alla le ya a lagbɛ n ye ko n ni ta. Mabɛ chɔchi-mɔgɔ-banu ya ma kun nayigi. N ya kibara-nyimɛ-kawandili bɔ sibolo-gbɛrɛnu ye nya min, n ya wo faranfasi anu ye ladɛn wo rɔ. N bara wɔlɛ min kɛ fɔlɔ-nun wo, n bi min kɛla kaka wo, n sa a fɛ, wo fenfen ni ma fuyi la.

Ɛfɛsa 2:8

Woletɔ ma kisinɛ Allata hinɛ le fɛ dɛnkɛninyɛ baraka rɔ, ado male tɔrɔ-gba ma wo la. Allata kɔ-fan le wo la.

Filipai 2:13

Ado nfan, Alla ye wɔlila wole rɔ wati bɛɛ alako a ni diya wo ye ka a sako kɛ, ado a ye sɛnbɛ dila wo ma ka wo ma.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!