Romu 8:6 - ALLALA KUMƐ

⁶ Ka i niyi sa hadama-dan diyana-koenu kuma, wo si a laban sayɛ ma. Ka i niyi sa Allata Ni-Sɛnimɛ diyana-koenu kuma, wo si a laban nimayɛ anubɛ yisi-kimɛ ma.

Romu 8:6 ပူးပေါင်းရင်းမြစ်များ

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 17:5

E, n Fa, n bi i fɛ wati min yanni duninya ni dan, gbiliyɛ min bi n bolo wulɔn, i ni wo lasɛgi n ma kaka.

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

Romu 6:21

Wo ya koe minnu ma fɔlɔ-nun, wo miliyanɛ minnu na kaka, wo ya nfen tɔnɛ sɔrɔn wonu tɔ? Wonuna ban le sayɛ la.

Romu 6:23

Hakɛ sarɛ le sayɛ la kɔnɔ Allala sanbɛ le habadan-nimayɛ la ma Mari Yisa, Allata-Mɔgɔ-Yabɔnɛ baraka rɔ.

Romu 7:11

bawo hakɛ ya fɛrɛ sɔrɔn ka n yanfa tɔn wara-koe fɛ. Ka a tɛgɛ tɔn wara-koe ma, hakɛ ya n kan natɛgɛ.

Romu 7:5

Ma ye ma sɔn-kɔrɛnu da kun tɔ tumɛ min, tɔn-kitabu wara-koe le ya a ma, nata-yogomɛnu wulita ma yisi rɔ. Anu tora wɔlila ma bagbuyinu tɔ ka a laban sayɛ ma ma bolo.

Romu 8:13

Ni wo tora ko ladanna iko wo kɛ-nya-kɔrɛnu bi nya min, wo ye fagala le. Kɔnɔ ni Allata Ni-Sɛnimɛ ya wo dɛnbɛ ka hakɛ-koe faga wo rɔ, wo si ni-bɛrɛ sɔrɔn serr!

Romu 8:27

Min bi mɔgɔ yisi rɔ, Alla min ya wo lɔn, wo le ya ata Ni-Sɛnimɛ miriya fanan lɔn. Allata Ni-Sɛnimɛ ye madiyali kɛla ata mɔgɛnu ye iko Alla ye nyinina a ma nya min.

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Kalesiya 6:8

Ni a bilara fɛrɛ-bɔnku-nata fɛ ka ko-yogomɛ kɛ, a si ko-yogoma-kɛ-sarɛ sɔrɔn min si a laban sayɛ ma a bolo. Ni a ya ko-nyimɛ le kɛ Allata Ni-Sɛnimɛ baraka rɔ, a si habadan-nimayɛ le sɔrɔn ka bɔ ata Ni-Sɛnimɛ bolo.