Romu 8:36 - ALLALA KUMƐ

³⁶ Iko a sɛbɛnɛ Allala kitabu rɔ nya min ko, “Nta Alla, ma ye saya-masibɛ rɔ ila ko la tuma-wo-tuma. Anu bi ma bira boloko-yogomɛ-kɛla iko saga kan-natɛgɛtɛ.”

Romu 8:36 ပူးပေါင်းရင်းမြစ်များ

Yaburi 141:7

Anu kolenu takerikerinɛ si to kanba-dɛ la iko bɔnku-daga-ratiinɛ.

Yaburi 44:11

I sɔnta ma kan-natɛgɛ-koe ma iko sagɛ. I wara ma ranyɛnsɛn nyamanɛ doinu tɔ.

Yaburi 44:22

Kɔnɔ anu bi ma fagala ile lela ko la tuma-wo-tuma, anu bi ma bira boloko-yogomɛ-kɛla iko saga-kan-natɛgɛtɛ.

Aiseya 53:7

A ma kuma-wo-kuma fɔ a latifi-tafilɛnu ma. A madenɛ iko anu bi nala saga-dan min mala sarakɛ la. A radenɛ don, iko anu bi nala sagɛ min siyi matɛgɛla. Hali da-nya-fa kelan, a ma tɛgɛ.

Yɛrɛmaya 11:19

N mani de anu yala nun iko anu bi saga-den-makimanɛ min kan-natɛgɛ-koe rɔ. N ma a lɔn nun ko anu si yanfɛ don n ma. Anu bi a fɔla ko, “Ma ni kɔlɔma kɛ anubɛ a gbɔɛ kasara. Ma ni a faga. Wo si a ma, mɔgɛnu ni nyina a ko salon!”

Yɛrɛmaya 12:3

Mari, ile ya n burɛ lɔn. Ile le ye n miriya lakɔrɔsila. I ni karagbɛlɛ kɛnu sagan dugi la iko saga-bosotɛ. Anu namara a dan na kan-natɛgɛ-telela ko la.

Yɛrɛmaya 51:40

Mari ko a si ta anu na anu kan natɛgɛ tinɛ iko kolo-fannu. Mari kan le kɛ la.

Yɔni 16:2

Wo yogenu si wo gben anuna dina-bɔnnu na, ado wo wati si na, wo fagalɛnu si anu miri ko anu bi Allala wɔli le kɛ tinɛ.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 8:32

A ye min karanna nun Allata kitabu rɔ, wo le kɛ la. A sɛbɛnɛ ko, “A madenɛ iko anu bi nala saga-dan min mala sarakɛ la. A radenɛ don iko anu bi nala sagɛ min siyi matɛgɛla. Hali da fa kelan, a ma tɛgɛ.

1 Kɔrɛnti 15:30

Nba, male don? Ni furinu na ti wuli, nfenna worɔ, tuma-wo-tuma, ma ye ma nyɛrɛ donna gbalo kɛ kɔrɔ wola ko la?

1 Kɔrɛnti 15:31

N na-kelen-nyɔgɛnu, tele-wo-tele, n bi saya-masibɛ kɔrɔ, ado n wasinɛ wole Kɔrɛnti kɛnu na ka a tɛgɛ ma Mari Yisa, Allata-Mɔgɔ-Yabɔnɛ ara min ma wo ye.

1 Kɔrɛnti 4:9

ado nde yala, Alla ara sɔ-tina-dɔgɔmanɛ di male kilayɛnu ma iko mɔgɔ min fisa ka faga. Male manyimanɛ duninya mumɛ bɛɛ yala, a melika wo, a mɔgɔni-gbu wo.

2 Kɔrɛnti 1:9

Ma ya ma miri ko sayɛ la ara tɛgɛ ma ma. Kɔnɔ wo mara alako ma kana la ma nyɛrɛ la fɔ Alla min bi furinu nawulila.

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 6:9

Ma malɔnnɛ wole bolo kɔnɔ ma malɔnni ma donu bolo. Ma ye saya-masibɛ kɔrɔ kɔnɔ yaga, ma ye ma niyi la. Hali ma tɔrɔnɛ, ma fagani ma.

Filipai 3:10

N bi nyinina min ma gbɛ, wo le ko n ni Kirasiti lɔn anubɛ a lawuli-sɛnbɛ. N bi a fɛ, n ni tɔrɔ iko ale tɔrɔta nya min anubɛ ka faga iko ale fagara nya min.