Romu 8:28 - ALLALA KUMƐ

²⁸ Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

Romu 8:28 ပူးပေါင်းရင်းမြစ်များ

Ko-Dabirɛnu 50:20

Wole ya ko-yogomɛ sigi n na kɔnɔ Alla ya a yɛlɛma n ye a nyimɛ la alako mɔgɔ siyaman ni kanan n fɛ.

2 Samuwɛli 16:12

Tumado Mari si nta tɔrɔyɛ kɛ yen ka ala mɔɛn wo yɛlɛma duwɛ la n ye.”

Nihɛmaya 1:5

“E, Mari Alla-makawanɛ min bi san-kole rɔ, i kolo, ado ma ye i gbiliyala. Ma sarata min ma, i ye itɛ wo lakandanna ita mɔgɛnu ye, i di minnu ye, kɔni. Anu si i sako kɛ fanan.

Yaburi 69:36

Nyɔ si ma a batolɛnu kegeyɛ halalɛ la. A kenintenu denu si sigi nyɔ.

Bɔ-Koe-Iyipiti 20:6

Kɔnɔ ni min ya n keni ka nta tɔn kɛnu bira, hali wonu bɔnsɔn matiinu, n si nta keninteyɛ yira wonu na.

Yɛrɛmaya 51:29

Duninya ra si maga ka pirinkan bawo Mari miriya bɛnni ma fenfen ma fɔ ka Babilɔn ma wula-da-rakolɔn la, mɔgɔ ti sigi kan min tun!

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Maraka 12:30

I ni ita Mari keni i yisi bɛɛ la anubɛ i sɔndɔmɛ bɛɛ, i hɛnkili bɛɛ, anubɛ i sɛnbɛ bɛɛ la.’

Kɛwɔlɛnu 13:48

Sibolo-gbɛrɛnu ya wo lamɔɛn tumɛ min, anu sewara. Anu ya Marita kumɛ gbiliya kati! Minnu yabɔnɛ habadan-niyi-sɔrɔn-koe la, wonu dɛnkɛninyara Yisa ma.

Romu 11:29

ado Alla ara minnu yatɔnbɔn ka ata duwɛ layigi min kuma, a miriya ti yɛlɛma wonuna ko la.

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

Romu 9:11

Alla ya a fɔ Rebɛka ye ko, “Ala den-kei-sarɛ si wɔlɛ kɛ a dɔgɛ ye.” Alla ya wo fɔ ka a yira ko a ya dan min yatɔnbɔn, a ye nyinina wo le nyɛrɛ ma. Yanni anu ni sɔrɔn wati min, a ya kɛ fɔ, ado yanni anu ni hɛnkili sɔrɔn, a ya wo fɔ. Woletɔ Alla ya dan min yatɔnbɔn, a ma wo ma ka a tɛgɛ dan wola ko-ladan-nya ma. A ya wo ma bawo dan wo di a ye.

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.

1 Kɔrɛnti 1:24

Kɔnɔ Alla ara male minnu kele, a mara Yahudiya la wo, a mara sibolo-gbɛrɛ la wo, Allata sɛnbɛ anubɛ ata hɛnkili le ale Kirasiti la,

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

2 Kɔrɛnti 5:1

Ma ya a lɔn ko ma ye fani-bɔn kɛ minnu burɔ duninya kɛ rɔ, ma bagbuyi, kɔni, wonu ba wayan tumɛ min, bɔn ye Alla bolo Arinyɛni tɔ ma niyi ye, ado hadama-den ma bɔn wo sɔ. Wo si ma habadan-bɔn la ma ye.

Kalesiya 1:15

Kɔnɔ yanni n ni sɔrɔn, Alla le ya n yabɔ ata hinɛ fɛ. A ya n kele ko n ni wɔlɛ a ye.

Kalesiya 1:6

N kawanɛ wole Kalesiya kɛnu ma! Wo ara Allata kilɛ boloka tiriya, ado ale le ya wo yabɔ ata hinɛ fɛ kɔnɔ wole lara ko-gbɛrɛkɛ la, anu bi min kelela ko kibara-nyimɛ.

Kalesiya 5:8

Alla min ya wo kele hɔrɔyɛ ma, wo ma mɔgɛ wo sɔ de! Wo ni wo yɛ lakalan!

Ɛfɛsa 3:11

Alla ya wo ma Mari Yisa, Allata-Mɔgɔ-Yabɔnɛ baraka rɔ iko a ara a latɛgɛ nya min nun kebi fɔlɔfɔlɔ.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Filipai 3:14

Alla wa n kele ko n ni yɛlɛ san ma ka habadan-nimayɛ kɛ Yisa Kirasiti baraka rɔ, nta barayi le wo la. Woletɔ n bi n burila ka n telen dan wo la, yɔ!

1 Tɛsalonaika 5:9

Alla ma a latɛgɛ ko ma ni ala diminyɛ sɔrɔn kiti-tɛgɛ-lunyɛ. A ye a fɛ, ma ni kisi-koe sɔrɔn ma Mari Yisa, Allata-Mɔgɔ-Yabɔnɛ baraka rɔ.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

1 Pita 3:9

Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

1 Yɔni 4:10

Keninteya-bɛrɛ le kɛ la—ka a fɔ ko ma ya Alla keni, wo ma, fɔ ko ale ya male keni. A ya ala den Yisa lana alako a ni ma sarakɛ la min ya mala hakɛ makoto.

1 Yɔni 4:19

Ma si ma nyɔgɔn keni bawo Alla fɔlɔn ya male keni.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.