Romu 8:26 - ALLALA KUMƐ

²⁶ Allata Ni-Sɛnimɛ fanan bara na ka male sɛnbɛbɔnɛnu dɛnbɛ wo nya na le, ado ma si madiyali kɛ minna ko la, ma ma wo lɔn. Ata Ni-Sɛnimɛ ye kurunna Alla madiya tinɛ, ma ma min fɔ-nya lɔn.

Romu 8:26 ပူးပေါင်းရင်းမြစ်များ

Yobu 37:19

Nba Yobu, ma si min fɔ Alla ye, ma labila wo la bawo ma ye pinpi le tɔ kɛ la. Ma sa ko-wo-ko kalama.

Yaburi 10:17

E, Mari, i si i wɔlɔ matɔlɔ mɔgɔ-famayiginɛnuna madiyalɛ la. I si anu yigi sigi.

Yaburi 102:20

A ye wo mafɛlan kun na tumɛ min, a ya mɔgɔ-biranɛnu kurun-kan lamɔɛn. Minnu faga-ko-lɔgɔ la ara ban tɛgɛla, a ya wonu kunyɛ bɔ fagalɛ kɔrɔ.

Yaburi 102:5

N bi kurɔn min kɛla n kan-mayɛlɛnɛ la, wo ara a ma, n bara bara wonkan!

Yaburi 6:3

N sɔndɔmɛ lafinnɛ n ma. Mari, i si to n dɛnbɛn-koe masigila ha wati nyamintan?

Yaburi 6:9

N dira n dɛnbɛn-koe rɔ min kɛ, Mari ara sɔn nna madiyalɛ ma.

Yaburi 69:3

N bara bandan dila n dɛnbɛn-koe rɔ. N kan la ara sa diyi kɛ bolo. N yɛ ma ara gbala kila-mafɛlan rɔ n dɛnbɛn-koe la kasa!

Nimisa Koe 3:56

N ya i madiya n dɛnbɛn-koe la tumɛ min, i ya a lamɔɛn de, yɔ!

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 10:20

bawo wo ye min fɔla, wota kuma ma wonu na. Kumɛ wonu bi bɔla wo Fa Allala Ni-Sɛnimɛ le bolo min bi kumala wo rɔ.

Matiyu 20:22

Yisa ya a fɔ anubɛ ala dannu ye ko, “I ye n tarala min ma, i ma wo lɔn. N bi nala tɔrɔyɛ minnu sɔrɔnna, wo si kɛ wo munna wonu kɔrɔ?” Anu ya a yabi ko, “Ɔn, ma si ke le.”

Luka 22:44

Yisa tɔrɔta bɛrɛkɛ min kɛ, a ya madiyali kɛ bɛrɛkɛ! Wusi bɔra a ma iko yele ka tinti dugi ma.

Yɔni 14:16

N si n Fa Alla matara. A si dɛnbɛnɛ-kɛlɛ-dogbɛrɛ lana, Allala Ni-Sɛnimɛ, kɔni, ado a si to wo fɛ habadan! A si Alla wara-koe lagbɛ wo ye. Dɛnkɛninyabɛlɛnu ti ke a sɔrɔnna bawo anu ti ke a yenna, ado anu ti ke a lɔnna lefan! Kɔnɔ wole ya a lɔn bawo a ye wo rɔ, ado a siginɛ si to wo yisi rɔ.

Romu 15:1

Sɛnbɛ ye male min na dɛnkɛninyɛ la, a bɛnta, min tafaganɛ, ma ni wonu sɛnbɛ don ka anu dɛnbɛ anuna dunɛnu bila. Ma kana bila ma nyɛrɛ diyana-koenu dɔrɔn fɛ.

Romu 7:24

E, mɔgɔ-tɔrɔnɛ le nde la feu! Yon si n nakanan hakɛ ma min bi n halakila n fɛrɛ-bɔnkɛ kɛ rɔ?

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

2 Kɔrɛnti 5:2

Kɔnɔ ma ye kurunna fani-bɔn kɛnu tɔ kaka, ma bagbuyinu, kɔni. A sɔgɛ ye ma la ko ma fɛrɛ-bɔnku-kurɛ minnu bi Arinyɛni tɔ, wonu ni bila ma kan na iko duruki.

2 Kɔrɛnti 5:4

Ma tenbi duninya-fani-bɔn kɛ la, ma ye kurunna iko mɔgɛ tenbi dunu-belebele-wɛ kɔrɔ. Ma sa a fɛ, ma ni bɔ ma fɛrɛ-bɔnkɛ kɛnu tɔ fɔ ka Arinyɛnɛtɛ fanan bila ma kan na. Woletɔ ma fɛrɛ-bɔnku-fagamatoe kɛnu si yɛlɛma nimayɛ la.

Kalesiya 4:6

Ka a yira ko Allata dan le male la, Alla ya ala danta Ni-Sɛnimɛ sɔ ko a ni sigi ma yisi rɔ. A ye a lagbɛla ma ye ko Alla le ma fa la.

Ɛfɛsa 2:18

I mara Isirɛla mɔgɛ la wo, i mara sibolo-gbɛrɛ la wo, Kirasiti le si a ma, ma ni sɔ ma Fa Alla yakɔrɔ ata Ni-Sɛnimɛ baraka rɔ.

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

Hiburunu 5:2

Nba, saraka-masɔlɛ-yisi rafaganɛ nya siyaman ma min kɛ, a si ke ka dinyɛ yira a hadama-den-nyɔgɛnu na. Anu hɛnkili sa, ado anu si sama iko ale.

Yemesi 4:3

ado wo wa Alla tara, wo ti a sɔrɔn bawo wo sɔndɔmɛ lafinnɛ. Wo ye fan tarala wo nyɛrɛ diyana-koenu kɛ-koe le la dɔrɔn.