Romu 8:24 - ALLALA KUMƐ

²⁴ Ma ara ma yili-madiyɛ sa Alla kuma min kɛ, wo le ya ma lakisi. Ma yili-madiyɛ sanɛ fan min kuma, ni ma ara ban wo sɔrɔnna, ma ti wo kele tun, “Yili-madiyɛ.” Yon si a nyɛrɛ yili-madiya fan do kuma, a ara ban min sɔrɔnna?

Romu 8:24 ပူးပေါင်းရင်းမြစ်များ

Yaburi 146:5

Mɔgɔ-sewanɛ le mɔgɛ wo la, Yakobata Alla ye min dɛnbɛna, ado a yigi bɛnnɛ ata Mari Alla le ma.

Yaburi 33:18

Mari kolan bɛnnɛ a gbiliyalɛnu ma. Minnu bara la Mari la ka anu yigi sa ata keninteya-dannatɛgɛbɛlɛ rɔ, a kolan bɛnnɛ wonu fanan ma.

Yaburi 33:22

Mari, ma wa ma yigi sa i rɔ, alamɛ ila keninteya-dannatɛgɛbɛlɛ tora ma fɛ.

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Yɛrɛmaya 17:7

Kɔnɔ a ko mɔgɛ min lanɛ ale Mari la, duwɛ ye wo tigi fɛ, ado a yili latɛgɛnɛ Mari ma.

Sakaraya 9:12

Yigi ye wole mɔgɔ-biranɛ minnu bolo, wo ni wo sɛgi tun wola so-latankanɛnu tɔ. Wo ara min bɛɛsi nyɔgɔn tɔrɔyɛ dunu, a ko a si wo nyɔgɔn fila duwɛ di wo ma.

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

Romu 4:18

Yigi-wo-yigi sa Iburayima ma wati min den-sɔrɔn-koe rɔ, a dɛnkɛninyara, ado a ya a yigi sa Allata lanyiri-kirinɛ kuma. Woletɔ a mara “sibolo-siyaman benba la.” Iko a sɛbɛnɛ Allala kitabu rɔ nya min, a ko, “I kegeyɛ si siyaya iko lolenu.”

Romu 5:2

Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Romu 8:20

Dali-fan min bɛɛ ye duninya kɛ rɔ, wonu bi Allala dankɛ kɔrɔ. Anu nyɛrɛ sako ma wo la fɔ Alla. Hali wo, yigi ye ma bolo

1 Kɔrɛnti 13:13

Nba, kɛ sawɛ le tonɛ, dɛnkɛninyɛ wo, yigi wo, anubɛ keninteyɛ kɔnɔ keninteyɛ le kolo kɛ bɛɛ ko.

2 Kɔrɛnti 4:18

Fan minnu si yen, ma sa ma yɛ sɔla wonu na, fɔ mɔgɛ ti ke minnu yenna. Ma ye min yenna, wo si wati-kundu-ni-dɔrɔn bɔ kɔnɔ min ti ke yenna, wo si to a la tɛban!

2 Kɔrɛnti 5:7

Ma ye ko-ladanna mala dɛnkɛninyɛ le fɛ. Ma sa ko-ladanna iko ma ye a yenna nya min.

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

Kɔlɔsi 1:5

ado kebi wo ya kibara-nyimɛ kɛ lamɔɛn a fɔlɔtɛ rɔ, wo tora lala wo la ka wo yigi sa a kuma gben! Wo ye wo mala bawo wota sewɛ maranɛ wo ye Arinyɛni tɔ.

1 Tɛsalonaika 5:8

Kɔnɔ teleta-mɔgɛ le male la, woletɔ fɔ ma ni ma hɛnkili masɔ. Ma ni dɛnkɛninyɛ anubɛ keninteyɛ don iko kɔgɔ-matanka-fan. Alla ara lɔnnɛ min di ma ma ko ma ara kisi, wo ni ma mala kɛlɛ-kɛ-fulɛ la.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

Taita 3:7

Woletɔ ma lanɛ a la ko ma si habadan-nimayɛ sɔrɔn. Yigi wo ye ma bolo bawo ma la ara telen Alla ye Allata hinɛ fɛ.

Hiburunu 11:1

Minnu dɛnkɛninyanɛ Alla ma, anu lanɛ a la ko anu yigi sanɛ fan min kuma, Alla le si wo di anu ma. Anu ma min yen bɛ, anu lanɛ wo la ko Alla le si wo di anu ma feu!

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Yɔni 3:3

Yigi kɛ ye mɔgɛ min bɛɛ bolo, wo tigi si a nyɛrɛ sɛninyanɛ mara iko Kirasiti sɛninyanɛ nya min.