Romu 8:19 - ALLALA KUMƐ

¹⁹ A sɔgɛ ye dali-fannu na ka a lɔn ala dannu bi minnu na! Anu bi Alla makɔnɔna ka wonu yira anu na.

Romu 8:19 ပူးပေါင်းရင်းမြစ်များ

Aiseya 65:17

Mari ko a si san-kolo-kurɛ anubɛ dugu-kolo-kurɛ dan. A ko mɔgɛ ti a miri a kɔrɔmɛnu ma tun. Anu yili ti to anu ko tun.

Hoseya 1:10

Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na.

Matiyu 5:9

Mɔgɔ-sewanɛ le wo mɔgɛ la min bi yisi-kimɛ lanala mɔgɛnu tɛma bawo Alla si ale kele ko ata mɔgɛ!

Yɔni 1:12

Kɔnɔ donu ya a rabira ka dɛnkɛninya a ma. Woletɔ a ya sɛnbɛ di wonu ma ka anu ma Allatalata dannu na.

Kɛwɔlɛnu 3:21

Kɔnɔ fɔ a ni to Arinyɛni tɔ ha fan-bɛɛ-kuraya-wati ni ke iko Alla ya a fɔ ala nɛbi-sɛnimɛnu fɛ nya min fɔlɔfɔlɔ.

Romu 8:14

Allata Niyi ye kilɛ yirala minnu na, Allata dan le wonu na.

Romu 8:16

Allata Niyi ye ma yisi rɔ alako a ni a yira ma la ko Allata dan le ma la.

Romu 8:18

N lanɛ a la ko ma ye tɔrɔyɛ min sɔrɔnna kaka, wo ti sanka gbiliyɛ wo ma min si na bɔ gbɛ rɔ ma ye.

Romu 8:23

Kɔnɔ dali-fan dɔrɔn ma. Allala sanba fɔlɔtɛ le ata Ni-Sɛnimɛ la. Hali wo taranta ma bolo, ma ye Alla makɔnɔna tumɛ min, male fanan bi kurunna alako ma ni ma ala dannu na. Min tenbira wo la, a si ma hɔrɔya ka fɛrɛ-bɔnku-kurɛ di ma ma.

Romu 9:26

A fɔra anu ma kan min ko nna mɔgɔ ma anu na, anu si anu kele nyɔ rɔ ko, ‘Alla-nimɛta dannu.’ ”

1 Kɔrɛnti 1:7

Wo le ya a to, wo tenbi Mari Yisa, Allata-Mɔgɔ-Yabɔnɛ makɔnɔna ko a ni na duninya kɛ rɔ tun, wo sa dasala nirɔ-kɔ-fen kelen bɛrɛn na.

1 Kɔrɛnti 1:8

A si wo mara alako fɛɛ kana taran wola dɛnkɛninyɛ la, ha ma Mari Yisa, Allata-Mɔgɔ-Yabɔnɛ wa na tumɛ min.

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

Kɔlɔsi 3:4

Ka Kirasiti ma i Mari la, wo si ma nimaya-bɛrɛ la wo ye worɔ. Nba, Kirasiti wa bɔ gbɛ rɔ tumɛ min, wo dama si gbiliyɛ sɔrɔn wo nyɔgɔn fɛ.

Hiburunu 12:27

Alla wa a fɔ ko, “iko kelen tun,” wo ye a yirala ka a gbɛ ko fan min bɛɛ danta, wonu na si yɛrɛyɛrɛn ka bɔ anu gbɛ rɔ. Kɔnɔ fan minnu ti maga anu gbɛ rɔ, wonu si to anu gbɛ rɔ tolon!

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Yɔni 3:1

Ma Fa Alla ara ma keni nya min, wo mafɛlɛn! Ala keninteyɛ kolo kati! A kolo ha, a ara ma kele ko ata dannu, ado male le wo la serr! Wo le wara a ma, duninya ma male lɔn bawo a ma Alla fɔlɔn lɔn.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.