Romu 8:17 - ALLALA KUMƐ

¹⁷ Alla ara duwɛ min mara ala dan, Yisa ye, mabɛ Kirasiti si wo sɔrɔn ma nyɔgɔn fɛ bawo ala dan le male fanan na, ado ni ma tɔrɔta Yisa fɛ, ma bɛɛ si gbiliyɛ sɔrɔn ma nyɔgɔn fɛ.

Romu 8:17 ပူးပေါင်းရင်းမြစ်များ

Matiyu 16:24

Wo kɔma, Yisa ya a fɔ ala karan-dannu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Luka 24:26

Ko Allata-Mɔgɔ-Yabɔnɛ ni tɔrɔ, wo kɔma, a ni don ata gbiliyɛ rɔ, wo ma bɛn, wa?”

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Kɛwɔlɛnu 20:32

“Nba kaka, n bara wo dantɛgɛ Alla ma. Wo yili ni to ala hina-kumɛ ko min si ke wo sɛnbɛ donna ka ata duwɛ di wo ma, ado a ara duwɛ wo lamara ala mɔgɛ bɛɛ ye.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Romu 5:17

Tonyɛ le, ka a tɛgɛ mɔgɔ kelan wola hakɛ ma, sayɛ ya mansayɛ kɛ ma kuma. Kɔnɔ Yisa, Allata-Mɔgɔ-Yabɔnɛ ya min ma, wonubɛ kɛ ti sanka anu nyɔgɔn ma. Male ara Allala hinɛ sɔrɔn Yisa baraka rɔ, ado a ya ma sanba telenbagayɛ la fanan. Woletɔ Kirasiti baraka rɔ, male si nɔ-ko sɔrɔn hakɛ ma.

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

2 Kɔrɛnti 1:5

Iko Kirasiti ya tɔrɔya dan-natenbinɛ min bɛɛ kɛ mala ko la, ma ya dɛnbɛnɛ sɔrɔn Alla bolo ka a tɛgɛ Kirasiti ma wo nya na le.

2 Kɔrɛnti 1:7

Woletɔ ma yigi ma tɛgɛ wola ko la mumɛ! Ma ya a lɔn ko wo ye tɔrɔyɛ sɔrɔnna nya min, wo si dɛnbɛnɛ fanan sɔrɔn wo nya na le Alla bolo iko male.

Kalesiya 3:29

Ni Kirasititɛ le wole la, Iburayima bɔnsɔn le wole la worɔ, ado Alla ara lanyiri kiri Iburayima ye min na, wo si wotɛ sɔrɔn lanyiri wo rɔ.

Kalesiya 4:7

Woletɔ wo sa yɔɔnya la tun nyina-kun-tigi wonu kɔrɔ fɔ wo ye Allata denyɛ min na. Nba, ala dan ye wo la min kɛ, fan min bɛɛ latɛgɛnɛ Alla bolo ala dannu ye, a si wonu di wole ma.

Ɛfɛsa 3:6

Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

Filipai 1:29

Wo ara fɛrɛ sɔrɔn ka dɛnkɛninya Kirasiti ma. Kɔnɔ a ma dan wo dɔrɔn ma. Wo ara fɛrɛ sɔrɔn ka tɔrɔ fanan ala ko la.

Filipai 3:10

N bi nyinina min ma gbɛ, wo le ko n ni Kirasiti lɔn anubɛ a lawuli-sɛnbɛ. N bi a fɛ, n ni tɔrɔ iko ale tɔrɔta nya min anubɛ ka faga iko ale fagara nya min.

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

Taita 3:7

Woletɔ ma lanɛ a la ko ma si habadan-nimayɛ sɔrɔn. Yigi wo ye ma bolo bawo ma la ara telen Alla ye Allata hinɛ fɛ.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Hiburunu 1:2

kɔnɔ tele-laban kɛnu tɔ, a kumara male ye ala dan le baraka rɔ. Alla ya duninya kɛ dan ale le baraka rɔ. Tɔ-a-la, fan bɛɛ si ma atɛ la.

Hiburunu 6:17

Ni Alla ye a fɛ ka a gbɛ minnu ye ko ala lanyiri-latɛgɛnɛ wo ti tinya, a si kelili sa lanyiri wo kuma,

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

1 Pita 1:4

Wo le ya a to, ma yɛ ye kilɛ la duwa-belebele wo sɔrɔn-koe la. Alla ara wo lamara wole, ala mɔgɛnu ye. Wo bɛɛ maranɛ wole ye Arinyɛni tɔ. A ti tuli nyɔ, a ti tinya, a ti bɔ a su la.

1 Pita 4:13

Kɔnɔ wo ni sewa ko wo ye tɔrɔyɛ sɔrɔnna Kirasiti le fɛ. Wo si a ma, ala gbiliyɛ wa bɔ gbɛ rɔ tumɛ min, wole bɛrɛn si fa sewɛ la wulɔn.

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.