Romu 8:14 - ALLALA KUMƐ

¹⁴ Allata Niyi ye kilɛ yirala minnu na, Allata dan le wonu na.

Romu 8:14 ပူးပေါင်းရင်းမြစ်များ

Yaburi 143:10

N ni min ma, wo fɔ n ye bawo nta Alla le ile la. Ila nyimayɛ ni n bila kila-nyimɛ fɛ.

Hɛnkilimaya-Kumɛnu 8:20

N bi tagamana telenbagɛnuna kilɛ le fɛ. N bi lafisaya-kilɛ le ma.

Hoseya 1:10

Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na.

Matiyu 5:9

Mɔgɔ-sewanɛ le wo mɔgɛ la min bi yisi-kimɛ lanala mɔgɛnu tɛma bawo Alla si ale kele ko ata mɔgɛ!

Yɔni 1:12

Kɔnɔ donu ya a rabira ka dɛnkɛninya a ma. Woletɔ a ya sɛnbɛ di wonu ma ka anu ma Allatalata dannu na.

Romu 8:19

A sɔgɛ ye dali-fannu na ka a lɔn ala dannu bi minnu na! Anu bi Alla makɔnɔna ka wonu yira anu na.

Romu 8:5

Ado nfan, minnu bi ko ladanna iko anu kɛ-nya-kɔrɛ ye wɔlila anu tɔ nya min, wonu niyi sanɛ hadama-dan diyana-koenu denu kuma. Minnu bi ko ladanna iko Allata Ni-Sɛnimɛ ye a fɔla anu ye nya min, wonu niyi sanɛ Allata Ni-Sɛnimɛ diyana-koenu denu kuma.

Romu 8:9

Kɔnɔ wo sa ko ladanna tun iko wo kɛ-nya-kɔrɛ ye a fɔla wo ye nya min. Ni Allata Ni-Sɛnimɛ ye wo yisi rɔ, wo si ko ladan iko ale Ni-Sɛnimɛ ye min fɔla wo ye. Kɔnɔ Kirasitita Niyi sa mɔgɛ min tɔ, Kirasitita ma wo la.

Romu 9:26

A fɔra anu ma kan min ko nna mɔgɔ ma anu na, anu si anu kele nyɔ rɔ ko, ‘Alla-nimɛta dannu.’ ”

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Kalesiya 4:5

alako male min fanan bi tɔn-kitabu wo kɔrɔ, ma ni hɔrɔya ka ma Allala dan la.

Kalesiya 4:6

Ka a yira ko Allata dan le male la, Alla ya ala danta Ni-Sɛnimɛ sɔ ko a ni sigi ma yisi rɔ. A ye a lagbɛla ma ye ko Alla le ma fa la.

Kalesiya 5:16

N bi min ma, wo le kɛ la. Ni wo bilara Allata Ni-Sɛnimɛ fɛ, wo ti wo fɛrɛ-bɔnkɛ diyana-koenu kɛ worɔ.

Kalesiya 5:18

ado ni wo tora bilala ata Ni-Sɛnimɛ fɛ, wo sa Nɛbi Musata tɔn-kitabu kɔrɔ tun.

Ɛfɛsa 1:5

Alla ara ban a latɛgɛla ko ma ni ma a halala-dannu na Yisa Kirasiti baraka rɔ, ado a nyɛrɛ diyana-koe le wo bɛɛ la.

Ɛfɛsa 5:9

Minnu bi waan rɔ, wonu si to ko-nyimɛnu kɛla ka ko-telennɛnu ma ka tonyɛ fɔ mɔgɛnu ye.

1 Yɔni 3:1

Ma Fa Alla ara ma keni nya min, wo mafɛlɛn! Ala keninteyɛ kolo kati! A kolo ha, a ara ma kele ko ata dannu, ado male le wo la serr! Wo le wara a ma, duninya ma male lɔn bawo a ma Alla fɔlɔn lɔn.

1 Yɔni 3:24

Min ba Allala tɔnnu bira, wo ye Alla le tɔ. Alla ye ale fanan tɔ. Nba, ma ya a lɔn kɛ le fɛ ko Alla ye male rɔ. Ma ya wo lɔn bawo a ara ata Ni-Sɛnimɛ di ma ma nun.

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.