Romu 7:18 - ALLALA KUMƐ

¹⁸ N ya a lɔn ko ko-nyima wo ko-nyima sa nta hadama-denyɛ rɔ, ado hali ko-nyimɛ kɛ-sɔgɛ ye n na, n ti ke a mala.

Romu 7:18 ပူးပေါင်းရင်းမြစ်များ

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Yobu 14:4

Fen-sɛninyanɛ ti bɔ hadama-dan rɔ min sɛninyabɛlɛ.

Yobu 25:4

Mɔgɔ ye nyɔ min telennɛ Alla yala, wa? Hadama-dan do ye nyɔ fɛɛ sa min na Alla yala?

Yaburi 119:173

I rabɛnnɛ le n dɛnbɛn-koe ma wati bɛɛ bawo n bi ita tɔnnu birala.

Yaburi 119:176

Ni n tora yilan-yilanna iko saga-tununɛ, i ni i kolan layigi nde, ila wɔli-kɛlɛ ma alako n ni kanan bawo n ma ita tɔnnu boloka mumɛ!

Yaburi 119:32

I wara n hɛnkili ya maka min kɛ, ita sereyanu bira-sɔgɛ ye n yisi la dɔgɔma-ma-de!

Yaburi 119:40

Ila tɔnnu-bira-sɔgɛ ye n na gben gben! Ni-kurɛ keni n ye bawo telenbagɛ le i la.

Yaburi 119:5

N bara a latɛgɛ n yisi rɔ ko fɔ n ba ila labilalɛ bɛɛsi bira lanayɛ rɔ!

Yaburi 51:5

Kebi n na ya n buyi bi tumɛ min, n bi nta sɔn-yogoyɛ kɛ la n bolo.

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Matiyu 15:19

Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.

Luka 11:13

Hali wole min sɔn yogo, wo ya a lɔn ko a kin ka fen-nyimɛ di wola dannu ma. Wo Fa min bi Arinyɛni tɔ don, wo ti fen di wo ma min tenbira wo la, wa? Minnu bi a tarala, ale le sa Allata Ni-Sɛnimɛ dila wonu ma, wa?”

Yɔni 3:6

Mɔgɔni-finyɛ si mɔgɔni-finyɛ sɔrɔn. Kɔnɔ Allata Ni-Sɛnimɛ le si niyi di mɔgɛ ma.

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

Romu 7:15

N bi min mala, n ma wo lɔn, ado n bi a fɛ ka min ma, n sa wo mala, ado min ma di n ye, n bi wo le mala.

Romu 7:19

N bi a fɛ ka ko-nyimɛ minnu ma, n sa wonu mala. Kɔnɔ n sa a fɛ ka ko-yogomɛ minnu ma, n bi wonu denu mala.

Romu 7:25

Tabarakala Alla ma, a si n nakanan ma Mari Yisa, Allata-Mɔgɔ-Yabɔnɛ baraka rɔ! I ma a yen? A sɔgɛ ye n na, n ni ma Allala yɔɔn la n yisi rɔ kɔnɔ nta hadama-denyɛ rɔ, n bi yɔɔnyɛ la hakɛ kɔrɔ.

Romu 7:5

Ma ye ma sɔn-kɔrɛnu da kun tɔ tumɛ min, tɔn-kitabu wara-koe le ya a ma, nata-yogomɛnu wulita ma yisi rɔ. Anu tora wɔlila ma bagbuyinu tɔ ka a laban sayɛ ma ma bolo.

Kalesiya 5:17

Ma fɛrɛ-bɔnkɛ ye min fɛ, anubɛ Allata Ni-Sɛnimɛ ye min fɛ, kelen ma wonu na. Wonu bi anu nyɔgɔn kɛlɛla wati bɛɛ. Wo ye a fɛ ka min kɛ, wo ti ke wo kɛla,

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Filipai 2:13

Ado nfan, Alla ye wɔlila wole rɔ wati bɛɛ alako a ni diya wo ye ka a sako kɛ, ado a ye sɛnbɛ dila wo ma ka wo ma.

Filipai 3:12

N ma a fɔ ko n kɔntɛ ara kɛ n ye. N da fani ma wɛ kɔnɔ n bi n tayala dɛɛ, ado Yisa ara ban nde rabirala ka n ma atɛ la.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

1 Pita 4:2

Nba, ka a dabira bi ma, ha ka a sigi wo siyi-toe la, wo ni to Alla sako kɛla. Wo kana to wo diyana-koenu dɔrɔn kɛla,