Romu 7:15 - ALLALA KUMƐ

¹⁵ N bi min mala, n ma wo lɔn, ado n bi a fɛ ka min ma, n sa wo mala, ado min ma di n ye, n bi wo le mala.

Romu 7:15 ပူးပေါင်းရင်းမြစ်များ

1 Mansɛnu 8:46

“Mari, ni ila mɔgɛnu ya hakɛ kɛ i la tumɛ min, ado mɔgɔ-wo-mɔgɔ sa nyɔ min ti hakɛ kɛ, tumado i si diminya anu ma ha i ni anu don anu yogenu bolo. Wonu ni anu bira ka ta anu na anu barɛnu tɔ hali anu taranta wula-yan la.

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Yaburi 101:3

Ka ko-yogomɛ-mafɛlɛn, wo ma di n ye muk! Minnu kan-kɔ sɔnɛ ile Alla la, wonu kɛ-nya gbo n ye kosɛbɛ! Ka tenbi wo la, nta sa anu bara-koe rɔ.

Yaburi 119:104

Ita karan ya a ma, n ya ko lɔn. Ko-yogomɛ bɛɛ gbo n ye tɛrr!

Yaburi 119:113

Lanayabɛlɛnu gbo n ye kɔnɔ ita tɔnnu keninɛ n bolo.

Yaburi 119:128

Ita sereya bɛɛ biranɛ n bolo. Ko-korɔn bɛɛ gbo n ye.

Yaburi 119:163

Foninya-sɔgɔ labɔnɛ le n na lass! Kɔnɔ ita tɔnnu di n ye kati!

Yaburi 119:32

I wara n hɛnkili ya maka min kɛ, ita sereyanu bira-sɔgɛ ye n yisi la dɔgɔma-ma-de!

Yaburi 119:40

Ila tɔnnu-bira-sɔgɛ ye n na gben gben! Ni-kurɛ keni n ye bawo telenbagɛ le i la.

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Yaburi 36:4

A tenbi sani, a ye a mirila ko-yogomɛnu-tabɛn-koe ma. A ti ko-wo-ko ladan min kin. A ti a ban ko-yogomɛnu kɛ-koe ma.

Yaburi 65:3

ka a tɛgɛ anu hakɛnuna ko ma. Ma hakɛnu ba nɔ-ko sɔrɔn ma ma, i si ma makoto.

Yaburi 97:10

Kɔnɔ n na-kelen-nyɔgɛnu, karagbɛlɛyɛ gbo minnu ye, wonu di Mari ye. A ye ala mɔgɛnu niyi lakananna. A ye anu nakananna karagbɛlɛnu masibɛ ma.

Hɛnkilimaya-Kumɛnu 13:5

Foninyɛ ma di mɔgɔ-latelennɛ ye kɔnɔ karagbɛlɛla kumɛ si na miliyɛ anubɛ yarabiyi la a ma.

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Makawandili Kumɛnu 7:20

Mɔgɔ-wo-mɔgɔ sa nyɔ min si to ko-telennɛ kɛla tuma-wo-tuma, tele-kelen-bɛrɛni, a ma sama.

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Nehami 1:7

Mari nyimayanɛ feu! A si ala mɔgɛnu kumafunfan tɔrɔya-wati rɔ. Ni mɔgɛ min ya a ya-lamunun a la, a si to wo kumafɛlɛnna.

Luka 11:48

Wo ya anuna kanbɛnu nadan tumɛ min, wo nyɛrɛ ara sɔn ko wo benbanu ya min ma nɛbinu faga tinɛ, wole ara sɔn wonu ma.

Yɔni 15:15

N ti wo kele tun ko wɔli-kɛlɛnu bawo wɔli-kɛlɛ ma a lɔn ala kun-tigi ye min kun na. N si wo kele n diyana-mɔgɛnu bawo n bara min bɛɛ lamɔɛn n Fa Alla bolo, n bara wonu fɔ wo ye.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Romu 14:22

Wo lanɛ min na koe kɛnu tɔ, wo ni wo lamara wo nyɛrɛ anubɛ Alla tɛma. Ni mɔgɛ ya a lɔn ko a ye ko-latelennɛ le mala, ado a ma sika a nyɛrɛ rɔ, wo tigi sewanɛ le.

Romu 7:16

N sa a fɛ ka min ma, n ba wo ma tumɛ min, wo si a yira ko n bara sɔn ko Allata tɔn-kitabu telenta.

Kalesiya 5:17

Ma fɛrɛ-bɔnkɛ ye min fɛ, anubɛ Allata Ni-Sɛnimɛ ye min fɛ, kelen ma wonu na. Wonu bi anu nyɔgɔn kɛlɛla wati bɛɛ. Wo ye a fɛ ka min kɛ, wo ti ke wo kɛla,

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Hiburunu 1:9

Ko-latelennɛ di i ye. Ko-radunɛ gbo i ye. Woletɔ nde ita Alla ya ile yabɔ. N bara i lasewa i ta-nyɔgɔ-mansɛ-bɛɛ ko.”

Yemesi 3:2

Ma dama si sama tuma siyaman. Mɔgɛ min ti sama kumɛ rɔ hali doni, wo tigi kanbalinɛ le feu! A si ke a nyɛrɛ matankala le fanan. Fɛɛ ti taran a la ko-wo-ko rɔ.

Yude 1:23

I ni donu fɔrɔn ka anu bɔ tɛ rɔ alako wonu ni kisi. Wo ni kinikini donu ma fanan hali wo kilannɛ anu na. Kɔnɔ hali anu bi kurɛ min donna anu fɛrɛ ma hakɛ-kɛ-tinɛ, wonu ni gboya wo ye. Wo kana wo gbɛrɛn mɔgɔ-su wonu ma.