Romu 6:19 - ALLALA KUMƐ

¹⁹ (N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

Romu 6:19 ပူးပေါင်းရင်းမြစ်များ

Saraka-Masɔlɛnuta Tɔnnu 13:40

“Ni mele bɔra kei do kunyɛ kɔma, ni wo ma, a yarɔ, wo ti a ma kei-sɛninyabɛlɛ la.

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Romu 15:1

Sɛnbɛ ye male min na dɛnkɛninyɛ la, a bɛnta, min tafaganɛ, ma ni wonu sɛnbɛ don ka anu dɛnbɛ anuna dunɛnu bila. Ma kana bila ma nyɛrɛ diyana-koenu dɔrɔn fɛ.

Romu 3:5

Ni mala telenbɛlitayɛ ya Allala telenbagayɛ labɔ gbɛ rɔ, wo ye kama? Ma si nfen fɔ worɔ? Mɔgɛnu bi kɛ le fɔla, yɔ! Ni Alla ya ma yiliki, ma si a fɔ ko a ma telen, wa?

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

Romu 7:23

Kɔnɔ ko do ye wɔlila nde rɔ, min bi Allala tɔn wara-koe kɛlɛla n yisi rɔ. Wo ara n ma yɔɔn la hakɛ kɔrɔ, ado wo si n mara.

Romu 8:26

Allata Ni-Sɛnimɛ fanan bara na ka male sɛnbɛbɔnɛnu dɛnbɛ wo nya na le, ado ma si madiyali kɛ minna ko la, ma ma wo lɔn. Ata Ni-Sɛnimɛ ye kurunna Alla madiya tinɛ, ma ma min fɔ-nya lɔn.

1 Kɔrɛnti 5:6

Wola wasinteyɛ ma bɛn mumɛ! Wo ma a lɔn ko ni mɔgɔ kelen tora hakɛ kɛla wo tɛma, tɔrɛ si nyɛnsɛn wo bɛɛ tɛma, wa? Wo ya kumɛ wo lɔn ko, “Biredi-yɛlɛ-fan doni si a ma, biredi wo bɛɛ ni yɛlɛ.”

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

1 Kɔrɛnti 9:8

N sa kɛ fɔla hadama-danta hɛnkili la bawo a sɛbɛnɛ tɔn-kitabu rɔ wo nya na le fanan.

Kalesiya 3:15

N na-kelen-nyɔgɛnu, n bi a fɛ ka Allata lanyiri sanka koe do ma min bi mala tuma-wo-tuma. Mɔgɔ fila wa sara min ma, mɔgɔ-wo-mɔgɔ ti sarama-kan wo tinya, ado mɔgɔ ti fenfen kofu wo ma tun. A sa wo nya na le?

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.