Romu 6:14 - ALLALA KUMƐ

¹⁴ ado nɔ-wo-nɔ sa hakɛ bolo wo kuma tun bawo wo sa Nɛbi Musata tɔnnu kɔrɔ tun fɔ Allata hinɛ.

Romu 6:14 ပူးပေါင်းရင်းမြစ်များ

Maika 7:19

I si kinikini ma ma tun. Ma ara hakɛ minnu kɛ nun, i si wonu bi ka anu sa i tontɛ kɔrɔ ka anu matɛn ka anu nafili kɔgɔ-yi-dumɛ-kuri la.

Matiyu 1:21

A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Yɔni 8:36

Ni nde, Allala dan ya wo hɔrɔya, wo si hɔrɔya feufeu!

Romu 11:6

Alla ya wonu yatɔnbɔn ala hinɛ le fɛ. A ma tɛgɛ anuta kɛwɔlɛnu ma, ado ni wonu yatɔnbɔnta anuna kɛwɔlɛnu denuna ko la nun, hinɛ wo ti ma hina-bɛrɛ la feu!

Romu 4:16

Alla ya lanyiri min kiri, mɔgɛ si wo tɔnɛ sɔrɔn dɛnkɛninyɛ fɛ. Wo mara le alako lanyiri wo ni ma di-ma-le la. Lanyiri wo kirita Iburayima anubɛ a bɔnsɔnnu ye kɔnɔ a sa tɔn-biralɛnu dɔrɔn ye. Minnu bara dɛnkɛninya Alla ma iko Iburayima ya a ma nya min, a ye wonu fanan ye, ado ma dama benba le Iburayima la dɛnkɛninyɛ fɛ.

Romu 5:17

Tonyɛ le, ka a tɛgɛ mɔgɔ kelan wola hakɛ ma, sayɛ ya mansayɛ kɛ ma kuma. Kɔnɔ Yisa, Allata-Mɔgɔ-Yabɔnɛ ya min ma, wonubɛ kɛ ti sanka anu nyɔgɔn ma. Male ara Allala hinɛ sɔrɔn Yisa baraka rɔ, ado a ya ma sanba telenbagayɛ la fanan. Woletɔ Kirasiti baraka rɔ, male si nɔ-ko sɔrɔn hakɛ ma.

Romu 5:18

Nba, hakɛ kelan wo ya yilikiyi lana mɔgɛ bɛɛ kuma. Ko-latelenni kelan kɛ ara mɔgɛ bɛɛ hɔrɔya ka habadan-nimayɛ di bɛɛ ma.

Romu 6:12

Wo kana sɔn, hakɛ ni nɔ-ko sɔrɔn wo ma alako wo ni to wo nyɛrɛ wasala wo diyana-koenu tɔ.

Romu 6:15

Nba, a ye kama worɔ? Ma ye Allala hinɛ kɔrɔ min kɛ, ma sa tɔn kɔrɔ tun, ma ni to hakɛ kɛla worɔ, wa? Ade!

Romu 8:12

N na-kelen-nyɔgɛnu, wo kana to ko ladanna iko wo kɛ-nya-kɔrɛnu bi nya min hali!

Romu 8:2

bawo Allata Ni-Sɛnimɛ min bi niyi dila ma ma, wo ara ma hɔrɔya Yisa Kirasiti baraka rɔ. A ya ma hɔrɔya ka ma bɔ hakɛta sɛnbɛ kɔrɔ min si na sayɛ la ma kuma.

Kalesiya 3:23

Ado nfan, yanni wati ni ke ka dɛnkɛninya Yisa ma, Nɛbi Musata tɔn-kitabu ya ma dama mara iko yelela-mɔgɛnu ha Alla ya a yira mɔgɛnu na, anu ni dɛnkɛninya Yisa ma tumɛ min,

Kalesiya 4:21

Wole minnu bi a fɛ ka to Nɛbi Musata tɔn-kitabu kɔrɔ, n ni wo manyinika koe do ma. Tɔn-kitabu ya min fɔ, wo ma wo lamɔɛn, ba?

Kalesiya 5:18

ado ni wo tora bilala ata Ni-Sɛnimɛ fɛ, wo sa Nɛbi Musata tɔn-kitabu kɔrɔ tun.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.