Romu 6:13 - ALLALA KUMƐ

¹³ Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

Romu 6:13 ပူးပေါင်းရင်းမြစ်များ

2 Ko-Kɔrɔta-Karan 30:8

Wo kana wo tole gbere iko anu denu. Wo ni Marita kumɛ bira. Wo na Marita Bon-sɛnimɛ la Yerusalɛm soe burɔ, wota Mari Alla ara min ma kan-tina-sɛnimɛ la, kɔni. Wo ni to Mari batola, woletɔ a ti to diminyala wo ma.

Yaburi 37:30

Hɛnkilimayɛ ye mɔgɔ-nyimɛta kumɛ rɔ. A ti lafisayalɛ kɛ.

Hɛnkilimaya-Kumɛnu 12:18

Kuma-yogoma-fɔlɛla kumɛ si to mɔgɔ-sɔn sɔgɔla a rɔ kɔnɔ hɛnkilimɛta kumɛnu si to mɔgɔ yisi-kimɛla.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Isikiyɛli 18:4

Nde leta ye mɔgɛ bɛɛ niyi la, a denba wo, a den wo. Min bi hakɛ kɛla, wo le ye fagala.

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Luka 15:24

bawo nna dan kɛ ara faga nun kɔnɔ kaka, a ye a niyi la. A tonɛ-a-rɔ nun kɔnɔ kaka, n bara a yen.’ Nba, anu ya ladiyɛ kɛ a kilɛ fɛ.

Luka 15:32

Kɔnɔ a bɛnta ma sewanɛ ni ladiyɛ kɛ bawo i dɔgɔ faganɛ le nun kɔnɔ kaka, a ye a niyi la. A tonɛ-a-rɔ nun kɔnɔ kaka, ma ara a yen tun.’ ”

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Romu 1:29

Karagbɛlɛyɛ wo, nata wo, gboyanayɛ wo, ko-yogoma-su bɛɛ wo, anu burɛ lafanɛ wo bɛɛ la. Keliyɛ wo, mɔgɔ-fagɛ wo, sɔsɔlɛ wo, yanfanteyɛ wo, anubɛ yogoyɛ, anu burɛ lafanɛ wonu fanan na. Anu bi nafigiyɛ kɛla

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 6:11

Wo ni wo miri wo nyɛrɛ ma iko wo faganɛ, woletɔ hakɛ ti nɔ-ko sɔrɔn wo ma. Wo ni Alla sako kɛ kaka Kirasiti baraka rɔ.

Romu 6:16

Ado nfan, wole ya a lɔn ko wo wa wo nyɛrɛ lasɔnnaya iko yɔɔn ka mɔgɛ dola kumɛ bira, wo ara ma yɔɔn la kun-tigi wo ye. Ni wo tora hakɛ kɛla, wo si ma yɔɔn la hakɛ kɔrɔ, min si a laban sayɛ ma, ni wo ma, wo si ma Allala yɔɔn la ala kuma-birɛla ko la, min si a laban ko-latelennɛ ma Alla ye.

Romu 6:19

(N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

Romu 7:23

Kɔnɔ ko do ye wɔlila nde rɔ, min bi Allala tɔn wara-koe kɛlɛla n yisi rɔ. Wo ara n ma yɔɔn la hakɛ kɔrɔ, ado wo si n mara.

Romu 7:5

Ma ye ma sɔn-kɔrɛnu da kun tɔ tumɛ min, tɔn-kitabu wara-koe le ya a ma, nata-yogomɛnu wulita ma yisi rɔ. Anu tora wɔlila ma bagbuyinu tɔ ka a laban sayɛ ma ma bolo.

1 Kɔrɛnti 6:15

Wole ya a lɔn ko Kirasiti fɛrɛ-bɔnkɛ-tɔnkɔ-do le wole la, wa? A ye kama? N si Kirasiti fɛrɛ-bɔnkɛ-tɔnkɔ-do bi ka a tugun yɛlan-fɛrɛ-bɔnkɛ la, wa? Alamɛ ma kisira wo ma!

1 Kɔrɛnti 6:20

A ya wo san ka wo sɔnkɛ di. Woletɔ wo ni Alla gbiliya wo fɛrɛ-bɔnkɛ la.

1 Kɔrɛnti 6:9

Wo ya a lɔn serr, ko mɔgɔ-yogomɛnu ti Allala mansayɛ sɔrɔn. Wo kana wo nyɛrɛ mayuwaya. Sɔn-yogoma-tiginu wo, bɛsi-kɔlɛnu wo, yɛlannu wo, minnu bi anu ta-nyɔgɔ-keinu makila wo, minnu bi anu ta-nyɔgɔ-musinu makila wo,

2 Kɔrɛnti 10:4

Ma ye kɛlɛ-kɛ-fan minnu bila kɛlɛ-kɛ-tinɛ, duninyata kɛlɛ-kɛ-fen ma wonu na. Ma ye Allata kɛlɛ-kɛ-fen-sɛnbɛmɛnu bila ka Setanɛta kan-tina-latankanɛnu tinya wonu na. Anu bi hɛnkili minnu nabɔla,

2 Kɔrɛnti 5:14

Kirasitita keninteyɛ ye ma marala bawo ma ara a lɔn ko mɔgɔ kelen fagara mɔgɛ bɛɛ ye, woletɔ mɔgɛ bɛɛ fagara a fɛ ka bɔ anuna hakɛnu tɔ.

2 Kɔrɛnti 5:15

Ale Yisa fagara mɔgɛ bɛɛ ye, woletɔ minnu belinɛ, wonu kana beli anu nyɛrɛ ye tun fɔ ka beli ale ye min fagara anu ye, ado a wulita anu ye fanan.

2 Kɔrɛnti 8:5

ado anu ya nilɛ kɛ ka tenbi ma miriya la pon! Kɔnɔ min tenbira wo bɛɛ la, anu ya anu nyɛrɛ di Mari ma. Wo kɔma, anu ya anu nyɛrɛ di male fanan ma iko a di Alla ye nya min.

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”

Tɔn-Fɔɛ-Fila-Nyɔgɛ 25:16

Kensuntenu ma di wota Mari Alla ye.”

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

Kɔlɔsi 2:13

Wole Kɔlɔsi kɛnu, wo faganɛ le fɔlɔ-nun, wo hakɛ bolo. Wo ma hɔrɔya bɛ ka bɔ wo gba-kɔrɛnu tɔ mumɛ! Alla ya wo hakɛ bɛɛ makoto lunyɛ min, a ya ni-kurɛ di wo ma Kirasiti rɔ wulɔn le.

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

2 Tɛsalonaika 2:12

Anu bɛɛ si tɔrɔyɛ sɔrɔn bawo ko-yogomɛ di anu ye tonya-birɛ ko.

2 Timoti 2:15

I ni i se-koe-bɛɛ kɛ ka ma wɔli-kɛla-nyimɛ la. Alla ni i lɔn wɔli-kɛlɛ la min miliyani ma ala wɔlɛla ko la. I ni to mɔgɛnu karanna Allala tonya-kumɛ la a kilɛ fɛ.

Yemesi 4:1

Kɛlɛ anubɛ sɔsɔlɛ minnu bi wo tɛma, wonu bɔnɛ mi? Anu bɔnɛ wola natanu denu tɔ minnu bi kɛlɛla wo yisi rɔ.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

1 Pita 4:2

Nba, ka a dabira bi ma, ha ka a sigi wo siyi-toe la, wo ni to Alla sako kɛla. Wo kana to wo diyana-koenu dɔrɔn kɛla,

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.