Romu 5:6 - ALLALA KUMƐ

⁶ Allata-Mɔgɔ-Yabɔnɛ fagara male hakɛ-tiginu ye a wati-latɛgɛnɛ rɔ bawo ma ti ke ma nyɛrɛ dɛnbɛna.

Romu 5:6 ပူးပေါင်းရင်းမြစ်များ

Yaburi 1:1

Duwa-dan le wo tigi la min ti a tole sigi karagbɛlɛnuna kawandili-kan kɔrɔ, ado a ti ta hakɛ-tiginuna gbere fɛ, hali ka bila Alla-bɔrɔbɔlɛnu fɛ.

Nimisa Koe 1:6

Fen-kinyɛ min bɛɛ ye Yerusalɛm soe burɔ nun, wo bɛɛ ara ta. A kun-tiginu manɛ iko mina tenbi magala a rɔ kɔnkɛ bolo. A ti ke a burila tun donso-keminɛ kɔrɔ.

Daniyɛli 11:15

Wo kɔma, Siriya mansɛ si ta bɔnkɛ ladɛn so-latankanɛ do tarɛ kɔrɔ alako anu ni a bira-a-la. Kɔnɔ Iyipiti kɛlɛ-dan wonu ma ke anu kɛlɛla. Hali anuna kɛlɛ-kɛla-wɛ min tagbɛlɛ, wo ra ti gbɛlɛya anu ko.

Romu 11:26

Isirɛla mumɛ bɛɛ si kisi nya min, wo le kɛ la. Iko a sɛbɛnɛ Allala kitabu rɔ nya min, a ko, “Kunkalɛ si bɔ Yerusalɛm. A si ko-yogomɛ bɛɛ ban Yakoba bɔnsɔn rɔ.

Romu 4:25

Yisa fagara alako ma hakɛnu ma ni koto. A wulita alako ma la ni telen Alla ye.

Romu 4:5

Mɔgɔ ti ke wɔli-wo-wɔli kɛla min si a ma, a ni telen Alla yala. Alla si mɔgɔ-yilikinɛnu ma fɛɛbɔnɛnu na bawo a si wonu natelen a nyɛrɛ ma anuta dɛnkɛninyɛ fɛ.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

Romu 5:7

Ko mɔgɔ do ni faga mɔgɔ-gbɛrɛ ye, wo gbɛlɛ de! Kɔnɔ tumado, do si a wakila ka faga mɔgɔ-nyimɛla ko la.

Romu 5:8

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.

Romu 8:32

A ma a nyɛrɛta dan, Yisa yamasansan fɔ ka a bɔ sarakɛ la ma damala ko la. Ni a ara ala dan di ma ma, a ti fan bɛɛsi di ma ma fanan, wa?

Romu 8:34

Yon si ke wonu yilikila worɔ? Kirasiti Yisa ti ma yiliki bawo wo le fagara ma ye. A wulita tun ka niyi sɔrɔn ka ta a sigi Alla kɔɛn-nyimɛ rɔ, ado ale le ye Alla madiyala ma ye.

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Kalesiya 4:4

Kɔnɔ Allata wati-latɛgɛnɛ kera tumɛ min, Alla ya ala dan sɔ. A sɔrɔnta musi le bolo. A makolota Nɛbi Musata tɔn-kitabu kɔrɔ

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Kɔlɔsi 2:13

Wole Kɔlɔsi kɛnu, wo faganɛ le fɔlɔ-nun, wo hakɛ bolo. Wo ma hɔrɔya bɛ ka bɔ wo gba-kɔrɛnu tɔ mumɛ! Alla ya wo hakɛ bɛɛ makoto lunyɛ min, a ya ni-kurɛ di wo ma Kirasiti rɔ wulɔn le.

1 Tɛsalonaika 5:9

Alla ma a latɛgɛ ko ma ni ala diminyɛ sɔrɔn kiti-tɛgɛ-lunyɛ. A ye a fɛ, ma ni kisi-koe sɔrɔn ma Mari Yisa, Allata-Mɔgɔ-Yabɔnɛ baraka rɔ.

1 Timoti 1:9

Tɔn wonu ma sigi mɔgɔ-nyimɛnuna ko la iko i ya a lɔn nya min. Tɔn wonu sanɛ tɔn-tinyanɛnu anubɛ ko-yogoma-kɛlɛnuna ko la. Alla-lɔnbɛlɛnu wo, hakɛ-tiginu wo, dina-birabɛlɛnu wo, Alla-lafɛyalɛnu wo, minnu ya anu sɔrɔnnɛnu faga wo, mɔgɔ-gbɛrɛ-fagalɛnu wo,

Taita 2:12

Allata hinɛ wo ye ma karanna ko ma ni ma kan-kɔ sɔ wunduyogoyɛ la anubɛ duninya-natanu. Ma ni ma nyɛrɛ-bira-mɔgɛnu na anubɛ mɔgɔ-telennɛnu.

Hiburunu 8:3

Saraka-masɔla-kun-tigi-wɛ bɛɛta wɔlɛ ye min na, wo le ka kɔ-fannu anubɛ sarakɛnu masɔ Alla ye. Woletɔ fɔ fan do ni taran mata saraka-masɔla-kun-tigi-wɛ fanan bolo a si min bɔ.

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

1 Pita 1:20

Alla ya Yisa yabɔ, yanni duninya ni dan. A bɔra gbɛ rɔ tele-laban kɛnu tɔ wole, ata mɔgɛnuna ko la.

2 Pita 3:7

Kɔnɔ san-kole anubɛ dugu-kole min bi kaka, wonu maranɛ Allala kuma kelen pe wo le fɛ alako a si mɔgɔ-yoge wo kiti nya min ka anu halaki tɛ la. Anu maranɛ halaki-telela ko la, yɔ!

Yude 1:15

ka mɔgɛ bɛɛ kiti. A si Alla-lɔnbɛlɛ bɛɛ yiliki anuna kɛwɔlɛ-yogomɛla ko la. Alla-lɔnbɛlɛ wonu ya gbalo-kumɛ min fɔ Alla ma, anu si yiliki sɔrɔn wola ko la.”

Yude 1:18

Anu ya a fɔ wo ye ko, “Tele-laban-lunyɛ wa ke tumɛ min, wo mayɛlɛnnɛnu si na. Anu bilanɛ anu nyɛrɛ nata-yogomɛnu denu fɛ tolon!”

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.