Romu 5:16 - ALLALA KUMƐ

¹⁶ Nba, dan-nafarɛ ye Allata sanbɛ anubɛ ma benba Hadama wola hakɛ tɛma. Aleta hakɛ nara yiliki-koe la. Kɔnɔ Allata sanbɛ sa wo nya. Mɔgɛnu yulumu warata tumɛ min, Alla ya ata sanbɛ lana alako mɔgɛnu na ni telen a ye.

Romu 5:16 ပူးပေါင်းရင်းမြစ်များ

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Matiyu 6:14

“Ado nfan, minnu bara ko-yogomɛ kɛ wo la, ni wo ya anu makoto, wo Fa Alla min bi Arinyɛni tɔ, wo si wo fanan makoto.

Romu 8:1

Wole minnu bi Kirasiti Yisa rɔ kaka, yiliki-wo-yiliki sa wo ma

1 Kɔrɛnti 11:32

Mari ye ma kitila ka ma tɔrɔ kaka alako mabɛ dɛnkɛninyabɛlɛnu kana halaki ma nyɔgɔn fɛ kiti-tɛgɛ-lunyɛ.

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Yemesi 2:10

Hali mɔgɛ ya Allata tɔn bɛɛ bira kɔnɔ a ni kelen dɔrɔn tinya, a ara yiliki sɔrɔn a bɛɛ rɔ.