Romu 4:13 - ALLALA KUMƐ

¹³ Alla ya lanyiri kiri Iburayima anubɛ a bɔnsɔn ye ko duninya si ma anutɛ la. Ka a fɔ ko a ya lanyiri kɛ kiri bawo Iburayima ya Allata tɔn-kitabu bira, wo ma. Kɔnɔ a kirita ala dɛnkɛninyɛla ko la. Woletɔ Alla ya a lɔn mɔgɔ-latelennɛ la,

Romu 4:13 ပူးပေါင်းရင်းမြစ်များ

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Ko-Dabirɛnu 17:16

Nta duwɛ si to a kuma. A si den-kei sɔrɔn i ye. A si ma bɔnsɔn siyaman na la. Mansɛnu si bɔ a bɔnsɔn rɔ.”

Ko-Dabirɛnu 28:14

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 2:8

A ko hali n ya a manyinika le dɔrɔn, a si sibole bɛɛsi latenbi n ma. A ko duninya mumɛ si ma ntɛ la.

Yaburi 72:11

Mansɛ bɛɛ si anu madu a kɔrɔ. Sibole bɛɛ si wɔlɛ kɛ a ye.

Kɛwɔlɛnu 13:32

“Ma ara na kibara-nyimɛ wo la wo ye. Alla ya lanyiri min kiri ma benbanu ye,

Romu 4:12

Minnu kemininyanɛ, wonu fanan benba le ale Iburayima la kɔnɔ ka a tɛgɛ anuna kemininyɛ, wo ma. Iburayima mara anu benba la bawo yanni a ni keminiya tumɛ min, a ye dɛnkɛninyɛ min tɔ nun, anu denu fanan taranta dɛnkɛninya kelan wo rɔ.

Kalesiya 3:29

Ni Kirasititɛ le wole la, Iburayima bɔnsɔn le wole la worɔ, ado Alla ara lanyiri kiri Iburayima ye min na, wo si wotɛ sɔrɔn lanyiri wo rɔ.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Hiburunu 7:6

Mɛlikisidaki kɛ, Lifayi bɔnsɔn ma nun kɔnɔ a ya yaka bira Iburayima bolo. Ale Iburayima min ya Allala lanyiri sɔrɔn, ale Mɛlikisidaki duwara wo ye.