Romu 3:27 - ALLALA KUMƐ

²⁷ Nyɛrɛ-matɔgɛ sa kɛ fenfen tɔ bawo Alla ma ma latelen a nyɛrɛ ye tɔn-birɛ fɛ. Ka a tɛgɛ mata dɛnkɛninyɛ ma Yisa ma, a ara ma latelen a nyɛrɛ ye,

Romu 3:27 ပူးပေါင်းရင်းမြစ်များ

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Maraka 16:16

Min ba dɛnkɛninya ka batasi, wo si kisi. Kɔnɔ min ti dɛnkɛninya, wo si halaki.

Yɔni 3:36

Ni min dɛnkɛninyara nde, Allala dan ma, habadan-nimayɛ ye wo bolo. Ni min ti to ala danta kumɛ birala, wo tigi ti niyi sɔrɔn fɔ Allala diminyɛ min si to a kuma tɛban!”

Romu 10:5

Nɛbi Musa ya kɛ le sɛbɛ ka a bɛn telen-koe ma Alla yala tɔn-birɛ fɛ. A ko, “Ni min bi a fɛ ka to a niyi la, fɔ a ni tɔn-kitabu bɛɛ bira minnu sɛbɛnɛ Allala kitabu rɔ.”

Romu 11:6

Alla ya wonu yatɔnbɔn ala hinɛ le fɛ. A ma tɛgɛ anuta kɛwɔlɛnu ma, ado ni wonu yatɔnbɔnta anuna kɛwɔlɛnu denuna ko la nun, hinɛ wo ti ma hina-bɛrɛ la feu!

Romu 2:17

Wole don? Wo ye wo nyɛrɛ kelela ko Yahudiyanu. Wo ye wo yigi bɛɛ sala tɔn-kitabu wara-koe kuma ka wo nyɛrɛ matɔgɔ ko Allatɛ le wo la.

Romu 2:23

Wo ye wo nyɛrɛ matɔgɔla ko Allala tɔn-kitabu ye wole le bolo kɔnɔ wole don? Wo sa Alla lamiliyala wola tɔn-tinyɛ fɛ, wa?

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Romu 3:26

kɔnɔ kaka, a ye mɔgɛnuna hakɛ makotola alako ata telenbagayɛ ni bɔ gbɛ rɔ, ado minnu bara dɛnkɛninya Yisa ma, a ara wo bɛɛ latelen.

Romu 4:2

Ni ma benba Iburayima telenta Alla yala a nyɛrɛta kɛwɔlɛnu fɛ, nyɛrɛ-matɔgɔ-kunyɛ ye a bolo nun worɔ. Kɔnɔ a ti ke a nyɛrɛ matɔgɔla Alla yala mumɛ!

Romu 7:21

N bara a yen worɔ ko koe do ye mala n na. Ko-nyimɛ kɛ-sɔgɛ wa n bira tumɛ min, n ni n nyɛrɛ yen ko-yogomɛnu da kun tɔ,

Romu 7:23

Kɔnɔ ko do ye wɔlila nde rɔ, min bi Allala tɔn wara-koe kɛlɛla n yisi rɔ. Wo ara n ma yɔɔn la hakɛ kɔrɔ, ado wo si n mara.

Romu 7:25

Tabarakala Alla ma, a si n nakanan ma Mari Yisa, Allata-Mɔgɔ-Yabɔnɛ baraka rɔ! I ma a yen? A sɔgɛ ye n na, n ni ma Allala yɔɔn la n yisi rɔ kɔnɔ nta hadama-denyɛ rɔ, n bi yɔɔnyɛ la hakɛ kɔrɔ.

Romu 8:2

bawo Allata Ni-Sɛnimɛ min bi niyi dila ma ma, wo ara ma hɔrɔya Yisa Kirasiti baraka rɔ. A ya ma hɔrɔya ka ma bɔ hakɛta sɛnbɛ kɔrɔ min si na sayɛ la ma kuma.

Romu 9:11

Alla ya a fɔ Rebɛka ye ko, “Ala den-kei-sarɛ si wɔlɛ kɛ a dɔgɛ ye.” Alla ya wo fɔ ka a yira ko a ya dan min yatɔnbɔn, a ye nyinina wo le nyɛrɛ ma. Yanni anu ni sɔrɔn wati min, a ya kɛ fɔ, ado yanni anu ni hɛnkili sɔrɔn, a ya wo fɔ. Woletɔ Alla ya dan min yatɔnbɔn, a ma wo ma ka a tɛgɛ dan wola ko-ladan-nya ma. A ya wo ma bawo dan wo di a ye.

Romu 9:31

Kɔnɔ male, ata mɔgɔ-yabɔnɛ minnu tayanɛ ka telen Alla ye tɔn-birɛ fɛ nun, male ma telen Alla ye.

Romu 9:32

Kama? Ma ma telen Alla yala bawo ma ya ma yigi sa tɔn-birɛ kuma. Ma ma dɛnkɛninyɛ bira. Ma ya ma kian latugu “kin-natugu-kuri” la.

1 Kɔrɛnti 4:7

Yon ya wo lafisaya donu ko? Fan min bɛɛ ye wo bolo, Alla le ma wonu di wo ma, wa? Nba, nfenna wo ye wo nyɛrɛ matɔgɔla iko min bi wo bolo, ale le ma wo di wo ma, wa?

Kalesiya 2:16

Hali wo, ma ya a lɔn ko mɔgɔ wa dɛnkɛninya Yisa Kirasiti ma, a telennɛ le Alla yala dɛnkɛninyɛ wo fɛ worɔ. Mɔgɔ ti ke telenna tɔn-birɛ fɛ mumɛ! Male fanan bara dɛnkɛninya Kirasiti Yisa ma alako ma ni telen Alla yala mala dɛnkɛninyɛ fɛ nya min.

Kalesiya 3:22

Kɔnɔ a sɛbɛnɛ Allala kitabu rɔ ko duninya bɛɛ ye hakɛ sɛnbɛ kɔrɔ. Woletɔ lanyiri wola duwɛ ye wonu ye minnu dɛnkɛninyanɛ Yisa Kirasiti ma.