Romu 3:25 - ALLALA KUMƐ

²⁵ Alla ya ale Yisa ma hakɛ-sarakɛ la alako a ni mɔgɛnuna hakɛ makoto ata sayɛ fɛ. Min ba dɛnkɛninya wo ma, wo tigi la si telen Alla yala worɔ. Fɔlɔ-nun, Alla ya a mun mɔgɛnuna hakɛ kɔrɔ

Romu 3:25 ပူးပေါင်းရင်းမြစ်များ

Yaburi 119:142

Ila telenbagayɛ si to burubukai! Tonyɛ le ila tɔn la dɛɛ!

Yaburi 22:31

Hali minnu ma sɔrɔn bɛ, wonu si a lamɔɛn ko, “Ma tigi ara ala mɔgɛnu kisi.”

Yaburi 40:10

I ya ma lakisi nya min, n ma wo fɔɛ dogon n yisi rɔ. I ya ma dɛnbɛ nya min, n tora wobɛ ila lanayɛ wara-koe rakaranna mɔgɛnu ye. N tora ita lanayɛ anubɛ ila keninteya-dannatɛgɛbɛlɛ wara-koe fɔla ita mɔgɛnu ye ladɛn-wɛ rɔ. N ma n tade muk!

Yaburi 50:6

San-kole si a yira ma la ko kiti-tɛgɛla-latelennɛ le Alla la.

Yaburi 97:6

San-kole fanan bi ala telenbagaya-koe fɔla. Sibole bɛɛ ye ata gbiliyɛ yenna.

Yaburi 98:2

Mari ya ata nɔ-koe labɔ gbɛ rɔ. A ya a ma, sibole bɛɛ ya ala kanan-koe yen.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Saraka-Masɔlɛnuta Tɔnnu 16:10

A ti hakɛ-gben-baa wo faga kɔnɔ anu si wo kɛndɛ boloka ka a gben. A ni ta wulɛ rɔ. Baa wo tenbi tala, a si ta mɔgɛnuna hakɛ kɔrɔmɛ la wulɛ rɔ pon!” (Kɔnɔ anu ti baa wo kɛndɛ gben fɔlɔ, fɔ Aruna wa ban Maritɛ fagala.)

Saraka-Masɔlɛnuta Tɔnnu 16:15

“Isirɛla mɔgɛnu sɛninyani ma bawo anu bi hakɛ kɛla tuma-wo-tuma. Fɔ Aruna ni kan tinɛ kɛ sɛninya bawo Marita Fani-Bɔn ye mɔgɔ-sɛninyabɛlɛ kɛnu tɛma dagɛ rɔ. Aruna wa bɔ luyi ma tumɛ min, a si baa-kɔrɔn doi wo kan natɛgɛ ka wo ma Isirɛla mɔgɛnu hakɛ-sarakɛ la. A si a yele do bi ka ta a la Sɛnima-Sɛnima-Tinɛ rɔ iko tun ka a pusen tɔn-kenkirɛ da-latogɔn ma anubɛ a tɔgɔfɛ iko a ya tura-bulan wotɛ ma nya min. Marita Fani-Bɔn Sɛnima-Sɛnima-Tinɛ sɛninya-bole le kɛ la.

Yɔni 6:47

N bi tonyɛ fɔla wo ye, min ba dɛnkɛninya nde ma, habadan-nimayɛ ye wo bolo.

Kɛwɔlɛnu 14:16

Fɔlɔ-nun, Alla sɔnta ko mɔgɛ bɛɛ ni to anu nyɛrɛta kilɛ fɛ.

Kɛwɔlɛnu 15:18

Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”

Kɛwɔlɛnu 17:30

Fɔlɔ-nun, Alla ya a kolan bɔ mɔgɛnuna Alla-lɔnbɛlitayɛ la bawo anu bi min mala nun, anu ma wo lɔn. Kɔnɔ kaka, a ara a fɔ ko fɔ mɔgɛ bɛɛ ni yɛlɛma ka bɔ anuna ko-yogoma-kɛ-kilɛnu fɛ,

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Kɛwɔlɛnu 3:18

Kebi fɔlɔ, Alla ya a fɔ ala nɛbi bɛɛ baraka rɔ ko fɔ Allata-Mɔgɔ-Yabɔnɛ ni tɔrɔ, ado wo ara bɔ-a-la ka le.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

Romu 3:26

kɔnɔ kaka, a ye mɔgɛnuna hakɛ makotola alako ata telenbagayɛ ni bɔ gbɛ rɔ, ado minnu bara dɛnkɛninya Yisa ma, a ara wo bɛɛ latelen.

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

Romu 5:18

Nba, hakɛ kelan wo ya yilikiyi lana mɔgɛ bɛɛ kuma. Ko-latelenni kelan kɛ ara mɔgɛ bɛɛ hɔrɔya ka habadan-nimayɛ di bɛɛ ma.

Romu 5:9

Ata sayɛ ya a ma, ma ara telen Alla ye, ado min sanɛ wo kuma, ma si kisi Allata diminyɛ ma.

1 Kɔrɛnti 5:7

Wo ni ko-yogoma-kɛlɛ wo gben wo tɛma. Wo si ma iko biredi-yɛlɛ-fan sa dɛgɛ min tɔ wo rɔ, ado ni hakɛ sifa sa wo tɛma, wole ara ban mala iko yɛlɛ-fen sa dɛgɛ min tɔ. Kirasiti ara ban mala sarakɛ la nun. Mata saga-dan le ale la mata Kanan-Ko-Ladiyɛ rɔ.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 2:13

Ka a tɛgɛ Yisa Kirasiti ma, wole minnu fɛ-yan Alla la nun, wo gbɛrɛnnɛ Alla ma kaka. Kirasiti Yisa yele mara wola sarakɛ la.

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

Hiburunu 11:14

Mɔgɛnu ba ko-sufa kɛnu fɔ, wonu bi a lagbɛla ko anu bi anu nyɛrɛta nyamanɛ le nyini tinɛ.

Hiburunu 11:17

Alla ya Iburayima kɔrɔbɔ tumɛ min, dɛnkɛninyɛ le fɛ, Iburayima ya ala dan Isiyaka ma sarakɛ la. Alla ya lanyiri kiri Iburayima ye kɔnɔ hali wo, a rabɛnnɛ hali ka ala dan ma sarakɛ la.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

Hiburunu 9:5

Melikala muninyɛnu sɔnɛ kenkirɛ wo da-latogɔn kuma. Wonu bi Allata gbiliyɛ yirala. Anu kanbannu tafulennɛ kenkirɛ da-latogɔn kuma mɔgɛnu hakɛ yama si togon kan min. Hali n ma koe wo bɛɛ faranfasi kelen-kelenyɛ ma kaka.

1 Yɔni 1:10

Ni ma ko ma ma hakɛ kɛ, ma ara Alla ma foninya-fɔlɛ la, ado ni wo le, Allala kumɛ sa ma yisi rɔ worɔ.

1 Yɔni 2:2

ado Kirasiti nyɛrɛ mara sarakɛ la min ya ma hakɛnu makoto. Male dɔrɔnta hakɛ ma, fɔ mɔgɛ bɛɛtɛ.

1 Yɔni 4:10

Keninteya-bɛrɛ le kɛ la—ka a fɔ ko ma ya Alla keni, wo ma, fɔ ko ale ya male keni. A ya ala den Yisa lana alako a ni ma sarakɛ la min ya mala hakɛ makoto.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.