Romu 3:13 - ALLALA KUMƐ

¹³ Anuna darɔ-gboyɛ manɛ iko kanba-lakanɛ. Fenfen sa anu da rɔ fɔ yanfanteya-kumɛnu. Niyi-ragbɛrɛn-kumɛnu bi bɔla anu da rɔ iko duguma-fen-marɛ.

Romu 3:13 ပူးပေါင်းရင်းမြစ်များ

Yaburi 140:3

Anu dɛ-marɛ ye a la iko duguma-fantɛ. Anu kuman-kan mani de iko birɛ wa a duri pusen.

Yaburi 36:3

Fenfen sa a da rɔ fɔ kuma-yogoma-fɔɛ anubɛ foninya-fɔɛ. Alela ko sa hɛnkilimaya-koe anubɛ ko-nyimɛ wara-koe rɔ tun.

Yaburi 5:9

Tonya-kuma-wo-kuma sa n yoge wonu da rɔ, fɔ kasarɛ gbansan! Fenfen sa anu da rɔ fɔ yanfanteya-kuma-teleka-telekɛnu. Anuna darɔ-diya-kumɛ wonu si mɔgɛnu natuntun lakira.

Yaburi 52:2

Telen-gbɛn, i ye i mirila karagbɛlɛyɛ ma. I dɛ latugunɛ iko muru-da-diyamɛ. Tuma-wo-tuma, ile ye i mirila foninya-kurɛ le ma.

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Yɛrɛmaya 5:16

Kaburu-soe le anuna kalabɛn-bɔrɛ la wo ye. Kɛlɛ-nyana le anuna kɛlɛ-dannu na.

Isikiyɛli 13:7

Nde, Mari si a fɔ anu ye ko anu bi ko-rayirɛ anubɛ wɔlɔyiya-kumɛ minnu fɔla mɔgɛnu ye, foninyɛ le wonu na. Anu kɛnɛna anu nyɛrɛ diyala-a-la ko nde le ya a fɔ anu ye kɔnɔ foninyɛ le wo la. Nde kulu ma wonu na!

Romu 3:12

Mɔgɛ bɛɛ ara a kan-kɔ sɔ Alla la. Anu dama ara to telenbɛlitayɛ rɔ. Mɔgɔ-den-kelen sa min si ko-nyimɛ kɛ.

Romu 3:4

A sa wo nya hali! Hali mɔgɛ bɛɛ mara foninya-fɔlɛ la kɔnɔ Allatala wo telenta. Iko a sɛbɛnɛ Allala kitabu do rɔ nya min, a ko, “Tonyɛ ye i bolo kuma tinɛ. Yoe ye i bolo kiti bɛɛ kun na.”

Tɔn-Fɔɛ-Fila-Nyɔgɛ 32:33

Anu mani de iko gbɛɛ min yabasannɛ duguma-fen-marɛ la.