Romu 2:3 - ALLALA KUMƐ

³ Kɔnɔ n bɔnu, wole min bi wo dɛ bilala mɔgɛnuna koe rɔ, wole nyɛrɛ ye ko-sufa wonu mala. Wo miri ko wo si porokɔlɔ Allala kiti kɔrɔ, wa?

Romu 2:3 ပူးပေါင်းရင်းမြစ်များ

2 Samuwɛli 10:3

Amon mɔgɔ-banu ya a fɔ Mansa Henɔn ye ko, “Ile lara a la ko Mansa Dawuda ya mɔgɛ kɛnu nana i fa saya-kɔndɔli-kɛ tinɛ le? Kɛnu ma na wo la. Anu nara mala soe lakɔrɔsi tinɛ le alako anu si fɛrɛ sɔrɔn nya min ka ma nɔ.”

Yaburi 50:21

Wo ara kɛ damasi ma nun kɔnɔ n ma fenfen fɔ. Wole mirinɛ ko nde le iko wole. Kɔnɔ kaka, n bi nala bɔla gbɛ rɔ wo ye ka wo makuma.

Yaburi 56:7

E, Alla, anu tɔrɔ ka a tɛgɛ anuna karagbɛlɛyɛ ma. I ni mɔgɛ kɛnu nato ila fondo-labɔɛ la dogbe!

Hɛnkilimaya-Kumɛnu 11:21

Wo ni la a la serr, ko mɔgɔ-yogomɛ si ata tɔrɔyɛ sɔrɔn kɔnɔ mɔgɔ-telennɛ kunyɛ si bɔ tɔrɔyɛ rɔ.

Hɛnkilimaya-Kumɛnu 16:5

Mɔgɔ-wasinɛ wo fenfen ma di Mari ye. Wo ni la a la serr, ko anu bi tɔrɔla le, yɔ!

Isikiyɛli 17:15

Kɔnɔ Yuda mansɛ wo murutiyara. A ya kilayɛnu nata Iyipiti nyamanɛ rɔ alako a ni kɛlɛ-soeenu anubɛ kɛlɛ-den-siyaman sɔrɔn. A si ke wo bɛɛ mala le, wa? Ade, a ti sarama-kan wo tinya, a tɔrɔbɛlɛ ni to!

Isikiyɛli 17:18

Sarama-kan min bi anu tɛma, Yuda mansɛ wo ya a waralɛ tinya woletɔ a kunyɛ ti bɔ a rɔ.

Daniyɛli 10:19

A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Matiyu 23:33

Wo sɔn yogo iko duguma-fannu anubɛ duguma-fen-dannu! Wo si kisi nyahanama ma kama?

Matiyu 26:53

I ma a lɔn nun ko n si ke ka n Fa Alla kele ko a ni n dɛnbɛ? Ni n ya wo ma, a si melika-kɛlɛ-bolon waga-tan-ni-fila (12,000) lana n ma tiriya!

Luka 12:14

Yisa ya a fɔ a ye ko, “N bɔ, yon ya wo sɛnbɛ di n ma ko n ni ma kiti-tɛgɛlɛ anubɛ fen-faralɛ la wo filɛ tɛma?”

Luka 22:58

A ma mɛ wo kɔma, kei do ya a yen. Wo ko, “Kelen de ile fanan na!” Kɔnɔ Pita ya a fɔ ko, “Nde ma de!”

Luka 22:60

Kɔnɔ Pita ya a fɔ ko, “I ye min fɔla, nde sa wo do-wo-do kalama!” A ye wo fɔɛ kun na tumɛ min, dondɔn kekera.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

Romu 2:2

Ma ya a lɔn ko minnu bi ko-sufa kɛnu mala, yoe ye Alla bolo ka wonu kiti.

Romu 9:20

Yon bi ile la ka Allala kumɛ sɔsɔ? Bɔnku-dagɛ ti ala sɔlɛ manyinika ko, “Nfenna i wara n nadan ka?”

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.