Romu 2:27 - ALLALA KUMƐ

²⁷ Wole Yahudiyanu, hali wo kemininyara, wo si miliya sibolo-gbɛrɛnu ye bawo wole ye Nɛbi Musata tɔn-kitabu tinyana, hali wo ye tɔn-kitabu wo kalama. Anu denu kemininyabɛlɛ kɔnɔ anu bi tɔn-kitabu wara-koe birala.

Romu 2:27 ပူးပေါင်းရင်းမြစ်များ

Matiyu 3:15

Kɔnɔ Yisa ya a yabi ko, “A ni ma wo nya na bawo a bɛnnɛ, ma ni koe bɛɛ kɛ iko a di Alla ye nya min.” Wo le ya a ma, Yɔni sɔnta.

Kɛwɔlɛnu 13:22

Wota wati tenbinɛ, Alla ya Dawuda ma anuna mansɛ la. Alla ya kɛ le fɔ Mansa Dawudala ko la, a ko, ‘N bara a yen ko Yɛsila dan Dawuda le si n hɛnɛ kati! Wo le si n diyana-koe bɛɛ kɛ.’

Romu 13:10

Wo ara minnu keni, wo ti ko-yogomɛ ma wonu na ni! Keninteyɛ le tɔn-kitabu bɛɛ lakanbalila worɔ.

Romu 2:15

Anu kɛ-nya si a yira ko tɔn-kitabu wara-koe sɛbɛnɛ anu yisi rɔ. Anu sɔndɔmɛ fanan bi sereyɛ bɔla ko tonyɛ le wo la. Wo ye mala bawo wati do, anu nyɛrɛ miriya si anu yiliki. Wati-gbɛrɛ, anu miriya si anu fɛka.

Romu 2:20

Wole miri fanan ko sɔn-yogoma-tiginu anubɛ ko-lɔnbɛlɛnu karan-mɔgɛ le wole la. Allata tɔn-kitabu ye wo bolo min kɛ, wo miri ko lɔnnɛ anubɛ tonya-bɛrɛ ye wole le bolo.

Romu 2:25

Ni minnu ya tɔn-kitabu wara-koe bira, anuta kemininyɛ si ko nyinya anu ma. Kɔnɔ ni minnu ma tɔn-kitabu wara-koe bira, a fisa, anu bilakore ni to nun.

Romu 2:26

Sibolo-gbɛrɛ minnu kemininyani ma, ni wonu ya tɔn-kitabu wara-koe bira, Alla si anuna kemininyabɛlitayɛ wo yɛlɛma anu ye kemininyɛ la.

Romu 2:29

Kɔnɔ Yahudiya-bɛrɛ le wo mɔgɛ la min telennɛ Alla ye. Woletɔ kemininya-bɛrɛ ye mɔgɔ-yisi le tɔ. Allala Ni-Sɛnimɛta wɔlɛ le wo la. Tɔn-birɛ mako sa wo la. Yahudiya-bɛrɛ si matɔgɔlɛ sɔrɔn Alla bolo. A ti a sɔrɔn mɔgɛ bolo.

Romu 3:30

Alla kelen de! A si ma bɛɛ latelen a nyɛrɛ ye dɛnkɛninyɛ fɛ, a Yahudiya wo, a sibolo-gbɛrɛ wo.

Romu 8:4

Alla ya kɛ ma le alako male ni tagama iko Allata tɔn-kitabu ya min fɔ yati! Ma sa ko ladanna tun iko ma sɔndɔmɛ ye nyinina a ma nya min kɔnɔ ma ye ko ladanna iko Allata Ni-Sɛnimɛ ye nyinina a ma nya min.

1 Kɔrɛnti 7:19

N bi wo fɔla bawo kemininyɛ wo, kemininyabɛliyɛ wo, dan-nafara wo dan-nafara sa wo la Alla yala bawo Allata tɔn-birɛ, wo le kolo.

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

Kalesiya 5:14

ado tɔn bɛɛ kuri le tɔn kelan kɛ la ko, “I ni i sigi-nyɔgɛ keni iko i nyɛrɛ.”

Ɛfɛsa 2:11

Sibolo-gbɛrɛnu denu bi wonu na, Yahudiyanu ma de! Yahudiya minnu si kemininya ka a yira ko Allatɛ le anu denu na, wonu bi a fɔla wole ma ko, “Alla-lɔnbɛlɛ-bilakorenu.” (Ado nfan, kemininyɛ wo ye mala hadama-den-bole le la.)

2 Timoti 3:15

Kebi i dennɛ, i wara Allala kitabu-sɛnimɛnu lɔn. Wonu denu si ke hɛnkili dila i ma alako i si dɛnkɛninya Yisa Kirasiti ma nya min ka kisi.

Hiburunu 11:3

Dɛnkɛninyɛ le fɛ, ma ya a lɔn ko duninya bɛɛ danta Allala kumɛ le fɛ. Ma si fan minnu yen kaka, wonu bɔra fan wonu denu tɔ mɔgɔ ti ke minnu yenna.