Romu 2:24 - ALLALA KUMƐ

²⁴ Ado nfan, a sɛbɛnɛ Allala kitabu rɔ ko, “Ka a tɛgɛ wole Yahudiyanu sɔn ma, sibolo-gbɛrɛnu bi Alla rasɛla.”

Romu 2:24 ပူးပေါင်းရင်းမြစ်များ

2 Samuwɛli 12:14

Kɔnɔ bawo i wara tɛgɛ Mari rɔ, Batasiba ara dan min sɔrɔn i ye wo la, wo si faga.”

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Isikiyɛli 20:27

“Woletɔ ile hadama-dan, wo Tigi Mari ye nala min fɔla i ye, i ni wo latenbi Isirɛla mɔgɛnu ma. Anu benbanu ya n nafɛya telenbɛlitayɛ le fanan na.

Matiyu 18:7

Gbalo ye duninya ye bawo fan donu bi a rɔ minnu bi mɔgɛnu nasamala! Ko sifa wonu bi kɛla tuma-wo-tuma kɔnɔ minnu bi wo mala, gbalo-belebele ye wonu kuma!

1 Timoti 5:14

Woletɔ min fisa, kɛɛ-musu-fonikenu ni sigi furi rɔ ka to dannu sɔrɔnna. Anu ni anuna bɔnnu fɛ-bira alako ma kana fɛrɛ di ma yogenu ma ka kuma-yogomɛ fɔ ma ma,

1 Timoti 6:1

Yɔɔn bɛɛ ni a lɔn ko a bɛnta, anu ni anu tigi gbiliya. Ni anu ya wonu gbiliya, mɔgɔ-wo-mɔgɔ ti kuma-yogomɛ fɔ Alla anubɛ mala karan ma.

Taita 2:5

Musu-fonike wonu ni ma nyɛrɛ-bira-mɔgɛnu na anubɛ mɔgɔ-sɛnimɛnu. Anu ni ma furu-musu-nyimɛnu anubɛ ko-nyima-kɛlɛnu na minnu bi anuna keinuna kumɛ birala. Ni wo mara, mɔgɔ-wo-mɔgɔ ti kuma-yogomɛ fɔ Allala kumɛ ma.

Taita 2:8

I wa mɔgɛnu karan, i ni kuma-latelennɛnu fɔ alako ko-yogoma wo ko-yogoma kana taran anu yisi rɔ malela ko la. Ni i tora kuma-latelennɛnu fɔla, anu si miliya bawo anuna kumɛ, kolo sa a rɔ.

2 Pita 2:2

Hali wo, mɔgɔ siyaman si bila anu sɔn-yogomɛ fɛ. Mɔgɛnu si kuma-yogomɛ fɔ ka a bɛn kila-bɛrɛ ma foninya-karan-mɔgɔ wonuna ko-ladan-nya ma.