Romu 2:22 - ALLALA KUMƐ

²² Wo ko, “Mɔgɔ kana yɛlɛnyɛ kɛ,” kɔnɔ wole don? Wo sa yɛlɛnyɛ kɛla? Wo ko bɛsi-kɔɛ ma di wo ye kɔnɔ wo sa kankanyɛ kɛla bɛsi wonu kɔ tinɛnu tɔ?

Romu 2:22 ပူးပေါင်းရင်းမြစ်များ

Yaburi 50:17

Wo sa sɔnna, n ni wo latelen. Wo ye wo banna nna tɔnnu na.

Yɛrɛmaya 5:7

Mari ko nde ni ma makoto-kunya fɔ a ye bawo wole, ata mɔgɛnuna ko sa ala ko rɔ tun. Wo dama ara wo gboro bɛsɛnu tɔ Alla ma minnu na. Alla ko a ye wo hayu bɛɛ kasala kɔnɔ hali wo, wo telenni ma a ye. Wo kɛnɛ wo nyɔgɔn kɔma yɛlɛnnuna bɔn la.

Yɛrɛmaya 9:2

Alako bon-nɛ taranta n bolo wulɛ rɔ nun, n si to n dan na kan min. Ni wo mara, n si ke bɔla le wole, nta mɔgɛnu tɛma worɔ. N si n masɛgi wo la worɔ. N bi wo mala bawo wo do-wo-do ma telen Alla ye. Wo dama ara wo kan-kɔ sɔ Mari la.

Isikiyɛli 22:11

Donu bi anu tɛma, anu bi yɛlɛnyɛ kɛla mɔgɛnuna musinu fɛ. Donu bi anu sala anu mama-nyaganɛ anubɛ anu fa-kelen-tirisannu fɛ.

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.

Malakayi 1:8

Wo taranta kolo-fen-fiyon minnu dila a ma sarakayɛ la, wo kin? Wo taranta kolo-fen-namarɛ minnu dila a ma, wo kin? Wo taranta kolo-fen-kirɛ minnu dila a ma, wo kin? Nba, wo ni wo to wonu sufa dila wola mansɛnu ma, wa, ni anu si sewa wo la. Wo ye nyinina minnu ma mansɛ wonu bolo, anu si wonu di wo ma?

Malakayi 3:8

Kɔnɔ Alla ye wo manyinikala ko a bɛnnɛ mɔgɛ ni ale Alla kensun, wa? Wo ma telen kɔnɔ a ko wo ye a kensunna. Wole ye a fɔla ko, “Ma ye a kensunyala kama?” A ko wo ye a kensunna yakanu anubɛ kɔ-fannu tɔ.

Matiyu 12:39

Yisa ya a fɔ anu ye ko, “Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe.

Matiyu 16:4

Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe.” Woletɔ a bɔra anu fɛ ka ta.

Maraka 11:17

A ya mɔgɛnu karan ko, “A sɛbɛnɛ Allata kitabu rɔ ko, ‘Anu si nna Bato-Bɔn kele ko madiyali-kɛ-bɔn sibole bɛɛ ye’ kɔnɔ wole ye a mala kankannu dogon tinɛ la!”

Kɛwɔlɛnu 19:37

Wo ara na mɔgɛ minnu na yan, wonu ma kankanyɛ kɛ bɛsi-kɔ-tinɛnu tɔ. Wonu ma kuma-yogomɛ fɔ mala bɛsi-musumɛ le ma.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.