Romu 2:21 - ALLALA KUMƐ

²¹ Wo ye donu karanna, nfenna wo ti wo nyɛrɛ karan? Wo ye kawandili bɔla ko, “Mɔgɔ kana kankanyɛ kɛ,” kɔnɔ wole don? Wo sa kankanyɛ kun na?

Romu 2:21 ပူးပေါင်းရင်းမြစ်များ

Aiseya 42:20

Wole Isirɛla mɔgɛnu, wo ara ko-siyaman tayen wo yɛ la kɔnɔ wo sa anu nya-yenna, wa? Ko-lamɔɛn-tole ye wo bolo kɔnɔ wo ara wo tengberenya.”

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Isikiyɛli 22:27

Anuna nyamanita-mɔgɔ-banu mani de iko suluki minnu bi soge rafarala anu nyɔgɔn tɛma. Anu bi mɔgɔ-fagɛ kɛla alako anu ni ma-a-la.

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Matiyu 21:13

A ya a fɔ anu ye ko, “A sɛbɛnɛ Allata kitabu rɔ ko, ‘Anu si nna Bato Bɔn kele madiyali-kɛ-bɔn kɔnɔ wole ye a mala kankannu dogon tinɛ la!’ ”

Luka 11:46

Yisa ya a fɔ a ye ko, “Gbalo ye wole tɔn-karan-mɔgɛnu fanan kuma bawo dunɛ min bi-koe gbɛlɛ, wo ye wo sala mɔgɛnu kuma kɔnɔ wole nyɛrɛ ti wo bolo-nɔlɔnɛ tugun dunɛ wo la ka anu dɛnbɛ.

Luka 12:47

“Wɔli-kɛlɛ min ya a tigi diyana-koe lɔn bɛrɛkɛ, ado a ma a nyɛrɛ rabɛn ka wo ma, wo si gbeseli-belebele sɔrɔn.

Luka 19:22

A tigi ya a fɔ wo ye ko, ‘Ile, wɔli-kɛla-yogomɛ! N si i yiliki i nyɛrɛla kumɛ fɛ! I ya a lɔn ko nna ko ragbɛlɛ, nyɛ? Nta ma min na, n bi wo le tɛgɛla, ado nde ma wo ki, nyɛ?

Luka 4:23

Yisa ya a fɔ anu ye ko, “N lanɛ a la serr, ko wo si na tili kɛ tɛgɛ n ye ko, ‘Bɛsi-bɔlɛ, i nyɛrɛ lakɛndɛya.’ Wo si a fɔ n ye fanan ko, ‘Ma ya koe minnu namɔɛn i wara-koe rɔ Kapereniyam soe burɔ, i ni wonu ma i nyɛrɛta soe burɔ yan fanan.’

1 Kɔrɛnti 9:27

N bi n nyɛrɛ fɛrɛ-bɔnkɛ ragbɛlɛyala ka n madegen feu! N bi wo mala alako n ba kawandili bɔ donu ye tumɛ min, tɔ-a-la, anu kana na ntɛ bɔ buri-kɛ ma.

Kalesiya 6:13

Hali minnu kemininyanɛ anu tɛma, wonu sa tɔn-kitabu birala. Anu bi a fɛ, wole ni kemininya alako anu si ke ka anu nyɛrɛ matɔgɔ ko wo ara sɔn kemininya-koe ma anu bolo.