Romu 2:15 - ALLALA KUMƐ

¹⁵ Anu kɛ-nya si a yira ko tɔn-kitabu wara-koe sɛbɛnɛ anu yisi rɔ. Anu sɔndɔmɛ fanan bi sereyɛ bɔla ko tonyɛ le wo la. Wo ye mala bawo wati do, anu nyɛrɛ miriya si anu yiliki. Wati-gbɛrɛ, anu miriya si anu fɛka.

Romu 2:15 ပူးပေါင်းရင်းမြစ်များ

Ko-Dabirɛnu 20:5

Ala kei le ma a fɔ n ye nun ko a tirisan-musi le, ado musi kɛ fanan ko a tirisan-kei le? N ya musi kɛ bi nun kɔnɔ n ma a lɔn ko n bara ko-yogoma ma.”

1 Mansɛnu 2:44

Mansɛ ya a fɔ Simayi ye tun ko, “Ile nyɛrɛ ya a lɔn i ya ko-yogomɛ min ma n fa la. Wola ko la Mari Alla si ila ko-yogomɛ wo sara i la.

Yobu 27:6

Ka a fɔ telenbagɛ le nde la, n ti fara wo fɔɛ la mumɛ! N yili latɛgɛni de wo ma feu!

Makawandili Kumɛnu 7:22

ado ile nyɛrɛ ya a lɔn ko i wara mɔgɛnu tanama-kuma-siyaman fɔ.

Yɔni 8:9

Anu ya kɛ lamɔɛn tumɛ min, anu dama bɔra kelen-kelenyɛ ma ka a dabira kinanu ma ka yigi. Yisa kelen pe le tora anubɛ musi wo sɔnɛ a yakɔrɔ.

Kɛwɔlɛnu 23:1

Pɔli ya Yahudiyanuna kun-tiginu mafɛlɛn sin! A ko, “N kɔrɔnu! N bara wɔlɛ min bɛɛ kɛ Alla yala, fɛɛ sa n na wo la feu! Ha bi, n sɔndɔmɛ ma n yiliki ko-yogomɛ kɛla ko la hali!”

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

Romu 2:14

Yahudiya ma minnu na, wonu sa Nɛbi Musata tɔn-kitabu kalama. Kɔnɔ anu ba ko-latelennɛ kɛ iko tɔn-kitabu ya a fɔ nya min, wo si a yira ko min telenta, anu bi wo kalama. Min ma telen, anu bi wo fanan kalama.

Romu 2:27

Wole Yahudiyanu, hali wo kemininyara, wo si miliya sibolo-gbɛrɛnu ye bawo wole ye Nɛbi Musata tɔn-kitabu tinyana, hali wo ye tɔn-kitabu wo kalama. Anu denu kemininyabɛlɛ kɔnɔ anu bi tɔn-kitabu wara-koe birala.

Romu 9:1

Kirasititɛ le nde la. N sa foninyɛ fɔla fɔ tonyɛ. Allata Ni-Sɛnimɛ anubɛ n sɔndɔmɛ le n sere la ko n ba a fɔ ko n yisi tɔrɔnɛ, n sa foninyɛ fɔla bawo ata Ni-Sɛnimɛ ye n sɔndɔmɛ marala. Nna mɔgɛnuna kinikininɛ ye n tɔ. Male Yahudiyanu, ma bɛɛsi, yele kelen de ma la. Alamɛ n donta Allala dankɛ kɔrɔ, ado Kirasiti ni a ban n na, ni wo si a ma, anu ni kisi.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 5:11

Ma kilannɛ Mari la min kɛ, ma ye ma rayala ko mɔgɛ bɛɛ ni a yɛ lamunun Mari la. Alla ya ma lɔn feu, ado wole ya nde lɔn wo yisi rɔ wo nya na le fanan.

1 Timoti 4:2

Yanfantenu si foninya-karan wo nyɛnsɛn. Anu sɔndɔmɛ faganɛ iko fɛrɛ min bara mintan kɔrɔma la nɛgɛ-kalamɛ bolo. Woletɔ anu ti ko-nyimɛ anubɛ ko-yogomɛ dan-nafarɛ lɔn.

Taita 1:15

Fen bɛɛ sɛnima mɔgɔ-sɛnimɛnu ye kɔnɔ fenfen sɛninyani ma sɔn-yogoma-tiginu ye anubɛ dɛnkɛninyabɛlɛnu bawo anu hɛnkili anubɛ anu sɔndɔmɛ latinyanɛ.