Romu 2:14 - ALLALA KUMƐ

¹⁴ Yahudiya ma minnu na, wonu sa Nɛbi Musata tɔn-kitabu kalama. Kɔnɔ anu ba ko-latelennɛ kɛ iko tɔn-kitabu ya a fɔ nya min, wo si a yira ko min telenta, anu bi wo kalama. Min ma telen, anu bi wo fanan kalama.

Romu 2:14 ပူးပေါင်းရင်းမြစ်များ

Kɛwɔlɛnu 10:35

Min ba kilan a la ka ko-latelennɛ kɛ, a si mɔgɛ wo rabira, a mara mɔgɔ su-wo-su la.

Kɛwɔlɛnu 14:16

Fɔlɔ-nun, Alla sɔnta ko mɔgɛ bɛɛ ni to anu nyɛrɛta kilɛ fɛ.

Kɛwɔlɛnu 17:30

Fɔlɔ-nun, Alla ya a kolan bɔ mɔgɛnuna Alla-lɔnbɛlitayɛ la bawo anu bi min mala nun, anu ma wo lɔn. Kɔnɔ kaka, a ara a fɔ ko fɔ mɔgɛ bɛɛ ni yɛlɛma ka bɔ anuna ko-yogoma-kɛ-kilɛnu fɛ,

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Romu 2:12

Alla ya tɔn-kitabu min di Nɛbi Musa ma, sibolo-gbɛrɛnu sa tɔn-kitabu wo kalama. Hali anu sa wo kalama, anu si halaki anu nyɛrɛta ko-yogomɛla ko la, ado Yahudiya minnu bi tɔn-kitabu wo kalama, wonu fanan bi ko-yogomɛ kɛla. Wo le ya a to, anu denu fanan bi halakila tɔn-tinyɛ wola ko la.

Romu 2:15

Anu kɛ-nya si a yira ko tɔn-kitabu wara-koe sɛbɛnɛ anu yisi rɔ. Anu sɔndɔmɛ fanan bi sereyɛ bɔla ko tonyɛ le wo la. Wo ye mala bawo wati do, anu nyɛrɛ miriya si anu yiliki. Wati-gbɛrɛ, anu miriya si anu fɛka.

Romu 2:27

Wole Yahudiyanu, hali wo kemininyara, wo si miliya sibolo-gbɛrɛnu ye bawo wole ye Nɛbi Musata tɔn-kitabu tinyana, hali wo ye tɔn-kitabu wo kalama. Anu denu kemininyabɛlɛ kɔnɔ anu bi tɔn-kitabu wara-koe birala.

1 Kɔrɛnti 11:14

ado Alla ya mɔgɛ dan nya min, wo nyɛrɛ ye wo karanna ko ni kei kun-sigi siya, miliya-koe le wo la ale ye.

1 Kɔrɛnti 9:21

N tenbi sibolo-gbɛrɛnu tɛma, n si n nyɛrɛ ma iko n sa Yahudiyanuta tɔnnu kɔrɔ lefan alako n ni sibolo-gbɛrɛnu masɔrɔn nya min bawo wonu sa anuna tɔnnu kɔrɔ. Ka a fɔ ko n sa Allala tɔn birala, wo ma de, ado n bi Kirasitita tɔn le kɔrɔ, yɔ!

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!

Tɔn-Fɔɛ-Fila-Nyɔgɛ 4:7

Musa ya a fɔ kɛ kɔma tun ko, “Hali sibolo-gbɛrɛkɛ-mɔgɛnu siya ka tenbi ma la, anuta bɛsɛnu sa anu dɛnbɛna iko mata Mari Alla ye ma fɛ nya min ka ma dɛnbɛ ni ma ya a tɔgɛ rakele wati min.

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!