Romu 15:5 - ALLALA KUMƐ

⁵ Nba, Alla min bi munyu anubɛ yisi-kimɛ dila ma ma, alamɛ wo ya wo dɛnbɛ alako wo ni to sɔn kelen tɔ wo nyɔgɔn fɛ ka bila Kirasiti Yisala misalɛ fɛ.

Romu 15:5 ပူးပေါင်းရင်းမြစ်များ

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Yɛrɛmaya 32:39

A si anu to ko kelen tɔ ka anu miriya ma kelen na alako anu ni to ale Mari gbiliyala tuma-wo-tuma. Wo si ma tɔnɛ la anubɛ anuna dannu ye.

Isikiyɛli 11:19

N si a ma, anu sɔndɔmɛ ni sa anu nyɔgɔn kuma ka miriya-nyimɛ di anu ma. Sɔndɔmɛ min gbɛlɛyanɛ iko kuri, n si wo bɔ anu burɔ ka tɔn-bira-sɔn di anu ma.

Kɛwɔlɛnu 4:32

Nba, dɛnkɛninya-mɔgɔ-nyama bɛɛ taranta kan kelen anubɛ yisi kelan rɔ. Mɔgɔ-wo-mɔgɔ ma a fɔ a bolo-fannuna ko la ko atɛ le kɔnɔ fan min bɛɛ ye anu bolo, anu ya wonu tafara anu nyɔgɔn tɛma.

Romu 12:16

Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

Romu 15:3

ado Kirasiti ma a raya a nyɛrɛ-hɛnɛ-koe la. A sɛbɛnɛ Yaburi kitabu rɔ ko, “Anu bi mɔɛn-kumɛ minnu natala ile Alla ma, wo ye sɛgila nde, ala wɔli-kɛlɛ le ma.”

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

2 Kɔrɛnti 7:6

Alla min si mɔgɔ-kɔndɔfilinɛ yisi-kimɛ, wo ya ma yisi-kimɛ Taitala nɛ fɛ.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 2:2

Nba, ni tonyɛ le wo bɛɛ la, n bi wo madiyala ko wo ni nna sewɛ lakanbali worɔ. Miriya kelen anubɛ keninteya kelen ni taran wo tɛma. Wo sɔndɔmɛ anubɛ wo hɛnkili fanan ni ma kelen na.

Filipai 3:16

Kɔnɔ a fɛrɛ sa fɔ ma ni to tala yarɔ iko ma ara wuli a mala nya min nun.

Filipai 4:2

Yuyodiya anubɛ Sintiki, wo yandi, n bi wo madiyala. Wo ni wo raya ka diya wo nyɔgɔn ye iko na-kelenmɛnu Mari rɔ.

1 Pita 3:20

Wo tumɛ Nowa ye kulɔn ladanna, Alla ya a munyu mɔgɔ wonu kɔrɔ kati, bawo anu ma sɔn ala kumɛ birala. Mɔgɔ siyaman ma don kulɔn wo rɔ fɔ anu mɔgɔ segin pe minnu kisira yi-fɛ wo ma,

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

2 Pita 3:15

Iko ma na-kelen-nyɔgɛ, Pɔli min di ma ye, wo ya a sɛbɛ wo ma nya min, wo ni Marila munyu-koe lɔn ko a ye fɛrɛ le dila wo ma alako wo si kisi nya min. Alla ya hɛnkili min di a ma, a ya hɛnkilimaya-kumɛ wonu fɔ wo ye.

2 Pita 3:9

Mari kun kimayani ma ata lanyiri-lakanbaliya-koe rɔ iko doinu bi anu mirila nya min. Kɔnɔ a munyunɛ wolela ko la bawo a ma di a ye, mɔgɔ-wo-mɔgɔ ni halaki kɔnɔ a ye a fɛ, mɔgɛ bɛɛ ni yɛlɛma ka bɔ anu hakɛ rɔ.