Romu 15:24 - ALLALA KUMƐ

²⁴ A di n ye hali kaka, n ni ta ke wo ma. N tenbi tala Sipeni nyamanɛ rɔ tumɛ min, n si ke wo ma. N ba wati-kundu-ni kɛ wo fɛ diyanayɛ rɔ tumɛ min, wo si n madɛnbɛ tala nyɔ.

Romu 15:24 ပူးပေါင်းရင်းမြစ်များ

Hɛnkilimaya-Kumɛnu 25:17

A ye wo nya na le fanan, mɔgɔ kana na to a sigi-nyɔgɛ warɛ fɛrɛgbɛ-fɛrɛgbɛ! Ni wo ma, ila ko si gboya a ye.

Kɛwɔlɛnu 15:3

Marita mɔgɛ minnu bi Antiyaki, wonu ya kɛnu nata Yerusalɛm. Wonu tenbira Finisiya anubɛ Samariya nyamanɛnu tɔ tumɛ min, sibolo-gbɛrɛnu yɛlɛmanta nya min Alla ye, anu ya dantɛgɛlɛ wo sa nyɔ-dɛnkɛninya-mɔgɛnu ye. Wo ya a ma, Mari Yisata mɔgɛ bɛɛ sewara bɛrɛkɛ!

Kɛwɔlɛnu 19:21

Koe kɛ bɛɛ tenbinɛ, Pɔli ya a latɛgɛ a yisi rɔ ko a tenbi tala Yerusalɛm, a ni ta Masidoniya anubɛ Akeya sigisɔnnu tɔ. A ko, “N ba bɔ nyɔ rɔ tumɛ min, fɔ n ni ke Romu soe fanan.”

Kɛwɔlɛnu 21:5

Ma ya lɔgɔkun kelen ban anu fɛ tumɛ min, ma tara kulun bi tinɛ. Anu dama tara ma bila-silala kilɛ fɛ, hali anuna musinu anubɛ anuna dannu. Ma dama ya ma nyɛnkin gbele ma ka Alla matara.

Romu 1:12

N bi min ma, wo le ko ma ni ma nyɔgɔn dɛnbɛ. Nde si do sɔrɔn wota dɛnkɛninyɛ fɛ. Wo si do sɔrɔn ntɛ fɛ.

Romu 15:28

N ba ban wodi wo dantɛgɛla anu ma, n tenbi tala Sipeni, n si tenbi wo kɔndɔnna nyɔ.

2 Kɔrɛnti 1:16

n ya a latɛgɛ nun ko n tenbi tala Masidoniya, n ni wo kɔndɔn. N sɛgimatoe fanan, n ni wo kɔndɔn tun ka dɛnbɛnɛ sɔrɔn wo bolo nna tagamala ko la Yudiya nyamanɛ rɔ.

3 Yɔni 1:6

Anu bara ila keninteya-koe fɔ chɔchi-mɔgɛnu ye yan. I yandi, i ni to anu dɛnbɛna nya do ma min si Alla hɛnɛ anu tagama rɔ