Romu 14:6 - ALLALA KUMƐ

⁶ Minnu miriya ko tele do ma tenbi tele do la, anu bi wo mala Marita gbiliyɛla ko la. Minnu bi fan bɛɛ dɔnna, anu bi wo mala Marita gbiliyɛla ko la fanan, ado anu bi baraka birala Alla ye dɔn-fan wola ko la. Minnu sa fan donu dɔnna, wonu fanan bi wo mala Marita gbiliyɛla ko la, ado anu fanan bi baraka birala Alla ye.

Romu 14:6 ပူးပေါင်းရင်းမြစ်များ

Bɔ-Koe-Iyipiti 12:14

Wo si to wo mirila tele kɛ ma. San-bo-san, wo si tele kɛ ma ladɛn-tele la nde, Mari ye, ka to kɛ mala habadan!”

Bɔ-Koe-Iyipiti 12:42

Anu ya anu hɛnkili to wo suyi ko bawo Mari ya anu nabɔ Iyipiti nyamanɛ rɔ ka a fonde to ata mɔgɛ wonu ko suyi wo nyɛrɛ rɔ. Suyi wo nyɛrɛ rɔ, Mari kira anu kumafɛlɛnna ha anu damasi banta bɔla Iyipiti nyamanɛ rɔ. Woletɔ san-bo-san, Isirɛla mɔgɛnu si ki anu ya la tele wo nyɛrɛ suyi rɔ.

Bɔ-Koe-Iyipiti 16:25

Musa ko, “Wo ya minnu namara, wo ni wonu dɔn bi kamasɔrɔn Sulen-Tele le kɛ la min sɛninyanɛ Mari ye. Wo ti dɔn-fan kɛ fenfen taran dugi ma Sulen-Tele ma. Wo si to a makɔla tele wɔrɔ kɔrɔ. A tele wɔrɔnfila nyɔgɛ ma, wo ti dɔn-fen wo dɔn-fen taran nyɔ.”

Aiseya 58:5

A ko sun-donna-bɛrɛ si min ma, wo le kɛ la. A bɛnta, mɔgɛ ni nimisa nya min a sɔnla ko la, wo le kɛ la. A ko a ma di a ye wo ni to wo nyɛrɛ lakunbɛnna iko binyɛ. A ma di a ye, wo ni kasa-kurɛnu tasa ka gbangban don wo ma ka wo sa wonu kuma. A ko wo ara wonu denu ma wola sun-don-bole la. A ko wo le miri ko sun-don-bole le wo la, wa? A ko wo miri ko wo kɛ-nya si ale Mari hɛnɛ?

Sakaraya 14:21

Dagɛ min bɛɛsi ye Yuda anubɛ Yerusalɛm, dagɛ wonu dantɛgɛnɛ si to Mari Sɛnbɛ-Bɛɛ-Tigi ma. Saraka-bɔlɛnu si dagɛ kɛnu ma saraka sogo-te-fan la. Wo wati wa ke, yila-wo-yila ti taran Mari Sɛnbɛ-Bɛɛ-Tigi Bato-Bɔn la.

Matiyu 14:19

A ya a fɔ mɔgɛnu ye ko anu ni sigi binyɛ kuma. Wo kɔma, a ya biredi loli anubɛ yɛgɛ filɛ wonu bi. A ya a yɛ layɛlɛ san ma ka baraka bira Alla ye. A ya biredi loli wo rakerikeri ka a don ala karan-dannu bolo. Karan-dannu ya wonu di mɔgɛnu ma.

Matiyu 15:36

Wo kɔma, a ya biredi wɔrɔnfilɛ anubɛ yɛgɛ wonu bi ka baraka bira Alla ye. A ya anu takerikeri ka anu don ala karan-dannu bolo. Karan-dannu ya a di mɔgɛnu ma.

Yɔni 6:28

Anu ya a manyinika worɔ ko, “Male si nfen ma ko ma ni Allala wɔlɛ kɛ iko a ye nyinina a ma nya min?”

Kalesiya 4:10

Wo ye tele donu anubɛ karɛ donu anubɛ wati donu anubɛ san donu gbiliyala Alla hɛnɛ-koe la,