Romu 14:22 - ALLALA KUMƐ

²² Wo lanɛ min na koe kɛnu tɔ, wo ni wo lamara wo nyɛrɛ anubɛ Alla tɛma. Ni mɔgɛ ya a lɔn ko a ye ko-latelennɛ le mala, ado a ma sika a nyɛrɛ rɔ, wo tigi sewanɛ le.

Romu 14:22 ပူးပေါင်းရင်းမြစ်များ

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

Romu 14:14

N bi Mari Yisa rɔ min kɛ, wo ara a yira n na yati, ko dɔn-fen wo dɔn-fen sa min natinyanɛ Alla yala. Kɔnɔ ni mɔgɛ do lanɛ a la ko dɔn-fan do latinyanɛ le, a la ara tinya ale ye worɔ.

Romu 14:2

Mɔgɛ do lanɛ a la ko a si ke fan bɛɛ dɔnna. Mɔgɛ minta dɛnkɛninyɛ ma kolo, wo ti soge dɔn fɔ sɛnita-fannu gbansan!

Romu 14:23

Kɔnɔ ni a sikanɛ ala dɔn-fan rɔ, a wa a dɔn tumɛ min, Alla si a yiliki bawo a ma a dɔn dɛnkɛninyɛ fɛ, ado ni wo ya ko-wo-ko ma wo sikanɛ min tɔ, hakɛ le wo la.

Romu 14:5

Donu miriya ko tele do tenbira do la. Donu miriya ko tele bɛɛ kelen. Wo ye min mala, bɛɛ ni wo latɛgɛ a nyɛrɛ yisi rɔ.

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

Romu 7:15

N bi min mala, n ma wo lɔn, ado n bi a fɛ ka min ma, n sa wo mala, ado min ma di n ye, n bi wo le mala.

Romu 7:24

E, mɔgɔ-tɔrɔnɛ le nde la feu! Yon si n nakanan hakɛ ma min bi n halakila n fɛrɛ-bɔnkɛ kɛ rɔ?

1 Kɔrɛnti 8:7

Kɔnɔ dɛnkɛninya-mɔgɛ bɛɛ ma kɛ lɔn. Mɔgɛ donu durunɛ bɛsɛ kɛnu na ko ha bi, fen de wo la niyi ye min tɔ, woletɔ anu sɔndɔmɛ rafaganɛ Alla wara-koe rɔ. Bɛsɛnu si kɔ soge minnu na, anu ba wonu dɔn tumɛ min, anu sɔndɔmɛ ti gbɛ soge wonu dɔn tinɛ.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Kalesiya 6:1

N na-kelen-nyɔgɛnu, wole min bilanɛ Allata Ni-Sɛnimɛ fɛ, ni wo ya mɔgɛ do bira ko-yogoma-kɛ la, wo ni a latelen. Wo ni a kɛ dinyɛ rɔ. Kɔnɔ wo ni a ma wo fɛrɛma alako wo fanan kana na ko-yogomɛ ma.

Yemesi 3:13

Hɛnkilimɛ anubɛ ko-lɔnnɛ do ye wo tɛma, wa? A ni wo yira a tagama-nya anubɛ a kɛ-nya-nyimɛnu tɔ. A ni wonu kɛ famayigi anubɛ hɛnkilimayɛ rɔ.

1 Yɔni 3:21

Woletɔ n diyana-mɔgɛnu, ni ma sɔndɔmɛ ma a fɔ ma ye ko ma ya ko tinya, ma wa sɔ Alla yakɔrɔ wati min, ma yisi ti gbala.