Romu 14:21 - ALLALA KUMƐ

²¹ Min fisa, sogo-dɔn wo, gbɛɛ-minyɛ wo, ko-wo-ko min si a ma, wo na-kelen-nyɔgɛ la ni bui ala dɛnkɛninyɛ rɔ, wo kana wonu ma.

Romu 14:21 ပူးပေါင်းရင်းမြစ်များ

Malakayi 2:8

Kɔnɔ wole saraka-masɔlɛnu, a ko kaka wo ara ka kila-telennɛ ma, ado wola karan-bole ara a ma, mɔgɔ-siyaman bara don ko-yogoma-kɛ rɔ. A ko wo sarata min ma, wo ara wotɛ tinya.

Matiyu 13:21

Kɔnɔ a ma don a yisi rɔ bɛrɛkɛ! A ti mɛ a rɔ. Nba, tɔrɔyɛ anubɛ gbɛlɛyɛ wa na tumɛ min kumɛ wola ko la, a si a boloka tiriya!

Matiyu 16:23

Yisa ya a yɛ lamunun Pita la, a ko, “Ile, bɔ n fɛ. I ye Setanɛta kumɛ fɔ tinɛ wo la! Lagbaran-fan le ile la kilɛ la nde ye bawo ila miriya kɛ, mɔgɛnu miriya le wo la kɔnɔ Allata miriya ma wo la!”

Romu 14:13

Woletɔ ma ni fara ma nyɔgɔn tasɛla, ado wo ni a latɛgɛ ko wo kana ko-wo-ko ma min si wo na-kelen-nyɔgɔn kian latugu. Wo kana a ma, a ni bui hakɛ rɔ.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

1 Kɔrɛnti 8:13

Nba, ni dɔn-fan si a ma, n na-kelen-nyɔgɛ ni hakɛ kɛ, nde nyɛrɛ ti soge dɔn tun wo rɔ mumɛ! N kana n na-kelen-nyɔgɛnu nabui hakɛ rɔ.

1 Kɔrɛnti 8:9

Wo ni a ma wo fɛrɛma. Minnu sɔndɔmɛ rafaganɛ, wola hɔrɔyɛ kɛ kana na a ma, wonu ni bui hakɛ rɔ.

Filipai 1:10

Wo wa wonu sɔrɔn tumɛ min, wo si ke ka ko kɛndɛ yabɔ. Kirasiti wa na kiti tɛgɛ tinɛ lunyɛ min, alamɛ wo tankara ko-nɔgɔnɛ bɛɛ ma woletɔ mɔgɔ ti fɛɛ yen wo la.

Hiburunu 12:13

Wo ni tagama kila-latelennɛnu fɛ, woletɔ minnu kian ra ma gbɛlɛ, wonu kana bui, ado anu kiannu ta si gbɛlɛya.

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.