Romu 14:2 - ALLALA KUMƐ

² Mɔgɛ do lanɛ a la ko a si ke fan bɛɛ dɔnna. Mɔgɛ minta dɛnkɛninyɛ ma kolo, wo ti soge dɔn fɔ sɛnita-fannu gbansan!

Romu 14:2 ပူးပေါင်းရင်းမြစ်များ

Ko-Dabirɛnu 1:29

Wo kɔma Alla ko, “Wo ni wo tole masɔ n na. Fui-fan anubɛ ki-fan min bɛɛ si gbɔ dugu-kole kuma, n bara wonu di wo ma ka anu ma wo beli-fan la.

Ko-Dabirɛnu 9:3

Nima-fan min bɛɛ ye dugu-kole kuma, wonu si ma dɔn-fan la wo ye. N bara nima-fan bɛɛ di wo ma iko n ya fui-fannu di wo ma nya min nun.”

Hɛnkilimaya-Kumɛnu 15:17

Yanni wo ni to sogo-kɛɛnmɛ dɔnna, koninteyɛ ye wobɛ wo na-kelen-nyɔgɛnu tɛma, a fisa, wobɛ wo na-kelen-nyɔgɛnu ni to sɔsɛ dɔnna keninteyɛ rɔ.

Daniyɛli 1:12

“Dɔn-fen-mɛsɛnɛnu anubɛ yi-gbansan di ma ma. I ni ma lakɔrɔsi tele tan kɔrɔ.

Daniyɛli 1:16

Ka a dabira wulɔn ma, anu makandannɛ tora dɔn-fen-mɛsɛnɛnu dila anu denu ma. Anu ma mansɛta dɔn-fen-hakikɛ wo dɔn tun.

Romu 14:1

Mɔgɛ minnuta dɛnkɛninyɛ ma kolo wo tɛma, wo ni wonu tabira. Ka a fɔ ko kɛ bɛnta, kɛ ma bɛn, wo sɔsɔli-sufa kana na wo tɛma.

Romu 14:14

N bi Mari Yisa rɔ min kɛ, wo ara a yira n na yati, ko dɔn-fen wo dɔn-fen sa min natinyanɛ Alla yala. Kɔnɔ ni mɔgɛ do lanɛ a la ko dɔn-fan do latinyanɛ le, a la ara tinya ale ye worɔ.

Romu 14:20

Alla ara min nadan, mɔgɔ kana wo tinya dɔn-fanla ko la. Dɔn-fan bɛɛ si dɔn kɔnɔ min si mɔgɔ do labui hakɛ rɔ, wo dɔn ma telen.

Romu 15:1

Sɛnbɛ ye male min na dɛnkɛninyɛ la, a bɛnta, min tafaganɛ, ma ni wonu sɛnbɛ don ka anu dɛnbɛ anuna dunɛnu bila. Ma kana bila ma nyɛrɛ diyana-koenu dɔrɔn fɛ.

1 Kɔrɛnti 10:25

Anu bi soge min bɛɛ mayirala feri-kɛ-tinɛ, wo ni wonu dɔn fasai! Hali wo ma nyinikali kɛ wo sɔndɔmɛla ko la,

1 Kɔrɛnti 8:9

Wo ni a ma wo fɛrɛma. Minnu sɔndɔmɛ rafaganɛ, wola hɔrɔyɛ kɛ kana na a ma, wonu ni bui hakɛ rɔ.

1 Kɔrɛnti 9:22

Minnu sɔndɔmɛ rafaganɛ, fɔ n ni n nyɛrɛ ma iko anu denu fanan alako n ni wonu masɔrɔn nya min. Fɔ ni n mara fan bɛɛ la mɔgɛ bɛɛ ye alako n ni donu kisi anu tɔ.

Kalesiya 2:12

Pita anubɛ ma na-kelen-nyɔgɔ dɛnkɛninya-mɔgɛ sibolo-gbɛrɛnu denu duruta fen-dɔn kɛla miran kelen tɔ nun. Kɔnɔ Yemesi ya mɔgɛ donu nana tumɛ min, a ya a bɔ wonu fɛ. A ma sɔn ka fen-dɔn anu fɛ tun bawo a kilanta Yahudiyanu na minnu ko fɔ sibolo-gbɛrɛnu ni kemininya iko anu denu.

1 Timoti 4:4

Alla ya fan min bɛɛ dan, wo bɛɛ kin. A ma bɛn, mɔgɛ ni a ban wo fenfen na. Alako a ni Alla ko-nyima lɔn dɔrɔn,

Taita 1:15

Fen bɛɛ sɛnima mɔgɔ-sɛnimɛnu ye kɔnɔ fenfen sɛninyani ma sɔn-yogoma-tiginu ye anubɛ dɛnkɛninyabɛlɛnu bawo anu hɛnkili anubɛ anu sɔndɔmɛ latinyanɛ.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.