Romu 13:7 - ALLALA KUMƐ

⁷ Ni yili ye minnu na, anu ni anu sara. Wo ni wola duti bɛɛ sara fanan. Wo ni mɔgɛnu gbiliya iko a bɛnta, wo ni anu gbiliya nya min.

Romu 13:7 ပူးပေါင်းရင်းမြစ်များ

1 Mansɛnu 3:17

Musi kelan ko, “Nba mansɛ, mabɛ musi kɛ le ye bon kelan la ha n ya nna dan kɛ sɔrɔn.

Bɔ-Koe-Iyipiti 20:12

“Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Hɛnkilimaya-Kumɛnu 24:21

Nna den, Mari gbiliya. Wo kɔma, i ni mansɛ fanan gbiliya. Ni a sɔgɔ sa i la ka Mari anubɛ mansɛta tɔrɔyɛ sɔrɔn, i kana i dɛndɛn mɔgɔ-murutiyanɛnu na

Hɛnkilimaya-Kumɛnu 3:27

Ni ko-nyimɛ kɛ-fɛrɛ ye i bolo, minnu makoe ye i la, i ni wo kɛ anu ye.

Saraka-Masɔlɛnuta Tɔnnu 19:3

Wo ni wo fanu anubɛ wo nanu gbiliya iko n ya a fɔ nya min wati tenbinɛ rɔ. Wo ni Sulen-Tele ma tele-latankanɛ la fanan. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 19:32

“Wo ni wola kinanu gbiliya ka wo famayigi anu ye. Wo ni kilan nde la bawo nde, wota Mari Alla ya kɛ le fɔ wo ye.

Matiyu 17:25

Pita ya a yabi ko, “Ɔnde.” Pita donta bɔn la tumɛ min, Yisa fɔlɔn kumara. A ko, “Saimon, i miriya ye kama? Duninya-kɛ-mansɛnu si gbɛsɛgbɛsɛ anubɛ duti makele yon bolo, dugurannu, ka, sundannu bolo?”

Matiyu 22:21

Anu ya a yabi ko, “Romu nyamanɛ kun-tigi-ba.” Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.”

Maraka 12:17

Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.” Anu kawara a ma bɛrɛkɛ!

Luka 20:22

Nba, i miriya ye kama? Ka duti sara Romu nyamani-kun-tigi ma, wo telenta, ka, a sa wo nya?”

Luka 20:25

Wo le ya a to, Yisa ko, “Nba, wo le. Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.”

Luka 23:2

Anu ya a maburɛ dabira. Anu ko, “Ma ya kei kɛ bira bawo a ye mala mɔgɛnu nasamala. A ye a fɔla anu ye ko anu kana duti di Romu kun-tigi-wɛ ma. A ko ale nyɛrɛ le Allata-Mɔgɔ-Yabɔnɛ la, mansɛ, kɔni.”

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

Romu 13:6

Wo ye duti sarala kɛ le fananna ko la bawo kun-tigi wonu bi anuta wɔlɛ kɛla Alla le kɔrɔ.

Ɛfɛsa 5:33

Kɔnɔ a ye male fananna ko fɔla ko kei bɛɛ ni ala musi keni iko a nyɛrɛ. Wo kɔma, musinu ni anuna keinu gbiliya.

Ɛfɛsa 6:5

Wole yɔɔnnu, wo ni wo tiginuna kumɛ bira kilan anubɛ yɛrɛyɛran rɔ. Wo ni wola wɔlɛ kɛ wo yisi bɛɛ la iko wo ye a kɛla Kirasiti ye nya min.

1 Timoti 5:13

Wo kɔma, anu si anuna wati tinya tagamana mɔgɛnuna bɔnnu na. Kɔnɔ min yogo wo ko, anu si to nafigiyɛ anubɛ kolandiyɛ kɛla. Anu si kumɛ donu fɔ, a ma bɛn, anu ni minnu fɔ.

1 Timoti 5:17

Chɔchi-mɔgɔ-ba minnu bi kun-tigiya-wɔlɛ kɛla a kilɛ fɛ, a bɛnnɛ, wonu ni gbiliyɛ anubɛ sara-kɛndɛ sɔrɔn, katarala minnu bi wɔlila bɛrɛkɛ kawandili bɔ tinɛ anubɛ mɔgɔ karan-tinɛ,

1 Timoti 6:1

Yɔɔn bɛɛ ni a lɔn ko a bɛnta, anu ni anu tigi gbiliya. Ni anu ya wonu gbiliya, mɔgɔ-wo-mɔgɔ ti kuma-yogomɛ fɔ Alla anubɛ mala karan ma.

1 Pita 3:7

Keinu fanan, wo ni wo miri wola musinu ma. Wo ni a lɔn ko wota sɛnbɛ kolo anutɛ ko, woletɔ wo ni anu bira a kin na ka anu gbiliya, ado Alla ye duwɛ min kɛla ka habadan-nimayɛ di wo ma, wo dama rakɛn wo sɔrɔn-koe rɔ Alla bolo. Ni wo ya wo ma, fenfen ti wola Alla-matarɛ tinya.

1 Samuwɛli 12:18

Samuwɛli ya madiyali kɛ. Tele wo nyɛrɛ rɔ, Mari ya bandɛ anubɛ san-gbalamɛ layigi. Wo ya a ma, Isirɛla mɔgɛ damasi kilanta Mari anubɛ Samuwɛli la.