Romu 12:20 - ALLALA KUMƐ

²⁰ Woletɔ iko a sɛbɛnɛ Allata kitabu rɔ nya min, a ko, “Ni kɔnkɛ ye i yoge la, i ni a de-nyini. Ni a kan-lagbalanɛ, i ni yi di a ma. I tenbi wo mala, a si miliya i ye ka a tɛgɛ a sɔn wo ma.”

Romu 12:20 ပူးပေါင်းရင်းမြစ်များ

Ko-Dabirɛnu 42:25

Yusufu ya a fɔ ala wɔli-kɛlɛnu ye ko anu ni a kɔrɔnuna bɔrɛnu nafa dɔn-fannu na. Anu ni anuna wodinu sa anuna dɔn-fannu kuma anuna bɔrɛnu tɔ ka dɔn-fan do di anu ma fanan anu si min ma anu kila-fandɛ la. Wonu ya a ma iko Yusufu ya a fɔ anu ye nya min.

2 Mansɛnu 6:22

Nɛbi Ilaisa ko, “I kana anu faga. Minnu bara anu niyi latenbi i ma, mɔgɔ ti wo faga. I si min ma, i ni anu de-nyini ka anu nasɛgi anu tigi ma.”

Yaburi 120:4

A ye wo tɔrɔla kɛlɛ-dannu kalabɛn-lasulennɛ anubɛ ta-wɔlɔn le la!

Yaburi 140:10

Alamɛ ta-wɔlɔn rawuyara anu ma. I ni a ma, anu na ni fili denka-rayan-bɛ rɔ, anu ti ke bɔla min tɔ.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Luka 6:27

“Wole minnu bi n kan lamɔɛnna, n bi a fɔla wo ye ko wo ni wo yogenu keni. Minnu bara wo kɔn, wo ni ko-nyimɛ kɛ wonu ye.

Romu 12:21

Wo kana sɔn, ko-yogomɛ ni nɔ-ko sɔrɔn wo ma. Wola ko-nyimɛnu ni nɔ-ko sɔrɔn ko-yogomɛnu ma.

1 Samuwɛli 26:21

Mansa Sɔli ya a fɔ a ye tun ko, “Nde le wara hakɛ kɛ i la. Nna den Dawuda, na n bara. Nba, i wara n niyi latanka bi suyi rɔ, n ti ko-wo-ko ma i la tun. N bara yuwayɛ le ladan i la wo la. N bara sama dɔgɔma-ma-de!”