Romu 12:19 - ALLALA KUMƐ

¹⁹ N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

Romu 12:19 ပူးပေါင်းရင်းမြစ်များ

Hɛnkilimaya-Kumɛnu 20:22

Mɔgɔ kana a tayili sara. I ni dinya Mari kɔma, ale si ila koe bɛɛ latelen i ye.

Hɛnkilimaya-Kumɛnu 24:29

Mɔgɔ kana a tayili sara a ta-nyɔgɛ la. I kana a fɔ ko, “Kɛ ya min ma n na, n si wo fanan ma ale la gben!”

Yɛrɛmaya 51:36

Nba, Mari ya a fɔ Yerusalɛm kɛnu ye ko a si anu tayili sara anu yogenu na ka a tɛgɛ Babilɔn ya anu bira boloko-yogomɛ min kɛ. Bɛ minnu bi yigila Babilɔn nyamanɛ rɔ, Mari ko a si wonu kunyɛ gbala.

Isikiyɛli 25:12

“Nde, wo Tigi Mari ko Idɔm nyamanita-mɔgɛnu fanan bara tayili-sara-yogomɛ min kɛ Yuda mɔgɛnu na, wo ara a ma, Idɔm kɛnu bara to yiliki-banbɛlɛ kɔrɔ.

Saraka-Masɔlɛnuta Tɔnnu 19:18

Ni mɔgɛ do ya ko-yogomɛ ma i la, i kana i tayili sara a la. I kana ala ko sigi i burɔ. Kɔnɔ yanni mɔgɛ ni wo sufa ma, a ni a ta-nyɔgɛ keni iko a nyɛrɛ. Nde, wota Mari Alla ya kɛ le fɔ wo ye.

Matiyu 5:39

Kɔnɔ kaka, n bi a fɔla wo ye ko min ba ko-yoge ma i la, i kana i tayili sara. Min ba i dɛ fan kelan ratii, i ni doi fanan tintan a la, a ni wo bɛrɛn tatii.

Romu 12:14

Minnu bi wo niyi ragbɛrɛnna, wo ni duwa anu ye. Wo kana anu danka fɔ ka duwa anu ye.

Romu 12:17

Ni mɔgɛ do ya ko-yogomɛ ma wo la, wo kana wo tayili sara ko-yogomɛ la. Koe minnu kin mɔgɛ bɛɛ yala, wo ni wo raya koe wonu ma tinɛ.

Romu 13:4

Allala wɔli-kɛlɛ le anu na wo munanfaga-koe la. Kɔnɔ ni i wara ko-yogomɛ kɛ, i ni kilan anu na bawo sɛnbɛ ye anu bolo ka mɔgɛnu tɔrɔ. Allala wɔli-kɛlɛ le anu na min bi Allala diminyɛ labɔnna ko-yogoma-kɛlɛnu kuma.

Ɛfɛsa 4:27

min si a ma, a ni fɛrɛ di Setanɛ ma.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

Hiburunu 10:30

Ma ya a lɔn ko Alla ko a si a tayili sara mɔgɛ wo la ka a tɔrɔ, ado Mari ya a fɔ fanan ko a si ata mɔgɛnu kiti.

1 Samuwɛli 25:26

Mari le dɔrɔn ya a ma, i ma i ya-lamunun i yogenu na ka anu damasi faga. N bara n keli Mari la ko i yogenu si tɔrɔyɛ sɔrɔn iko Nebali kɛ, ado mɔgɔ-wo-mɔgɔ ya a miri ko-yogomɛ ma i wara la, wo tigi si tɔrɔyɛ sɔrɔn iko n buin Nebali kɛ.

1 Samuwɛli 25:33

I wara n nasɛgi mɔgɔ fagɛ anubɛ tayili-sara-kilɛ min ma bi, n si baraka bira Alla ye ita hɛnkili-nyimɛla ko la.

1 Samuwɛli 26:10

N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.

1 Samuwɛli 26:11

Kɔnɔ Mari ara min ma mansɛ la, ka a fɔ nde ni wo faga, alamɛ Mari ya n tanka wo ma. Ma ta ala tanbɛ anubɛ ala yi-kɛ-barɛ la dɔrɔn ma bolo.”