Romu 12:16 - ALLALA KUMƐ

¹⁶ Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

Romu 12:16 ပူးပေါင်းရင်းမြစ်များ

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

Yobu 36:5

Alla makawara kɔnɔ mɔgɔ-wo-mɔgɔ ma gbo a ye. Ko-wo-ko sa nyɔ a ma min lɔn.

Hɛnkilimaya-Kumɛnu 17:5

Min bi yɛlɛnna bolo-kolɔn ma, wo ara bila a Dali-Mari la. Min bi yɛlɛnna mɔgɔ-magboyanɛ ma, wo fanan si ata tɔrɔyɛ sɔrɔn.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Hɛnkilimaya-Kumɛnu 19:22

Yanni mɔgɛ ni ma kɔrɔnditore la ka a bolo-fan kumagbesi, a fisa worɔ, a ni ma bolo-kolɔn la bawo miliya-koe le foninya-fɔɛ la.

Hɛnkilimaya-Kumɛnu 19:7

Bolo-kolɔn ma di a na-kelen-nyɔgɛ ye kan min, a si na diya mɔgɔ-gbɛrɛkɛ le ye wo rɔ, wa? Hali a ya diyanayɛ nyini mɔgɛ yakɔrɔ, a ti a diyana-mɔgɛ sɔrɔn.

Hɛnkilimaya-Kumɛnu 26:12

Mɔgɛ min bi a fɔla a nyɛrɛ ma ko, “Nde hɛnkili kolo,” yigi ye kun-takolɔn la ka tenbi wo tigi la.

Hɛnkilimaya-Kumɛnu 26:5

Ado nfan, i ni kun-takolɔnla kumɛ yabi a bolo, ni wo ma, a si a nyɛrɛ lɔn hɛnkilimɛ la.

Hɛnkilimaya-Kumɛnu 3:7

I kana to i mirila ko i kelan le ya ko lɔn. Mari kelen peta kumɛ bira tun. I ni i ban ko-yogomɛ kɛla.

Aiseya 5:21

Gbalo ye wo ma bawo wo miri ko wo hɛnkili da-rakolo, ado wo halli.

Yɛrɛmaya 32:39

A si anu to ko kelen tɔ ka anu miriya ma kelen na alako anu ni to ale Mari gbiliyala tuma-wo-tuma. Wo si ma tɔnɛ la anubɛ anuna dannu ye.

Yɛrɛmaya 45:5

Nfenna wo rɔ, ile Baruki yili ye kun-nadiyɛ ko? A ko hali i ma i miri wo ma. A si kasarɛ lana mɔgɛ bɛɛ ma kɔnɔ i taranta kan-bo-kan, a ko i si ta i niyi dɔrɔn na i bolo.

Matiyu 11:5

Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.

Matiyu 26:11

Bolo-kolɔnnu si taran wo fɛ wati bɛɛ kɔnɔ nde ti taran wo fɛ wati bɛɛ.

Luka 14:13

Min fisa, i wa ladiyɛ ladan tumɛ min, bolo-kolɔnnu wo, tonkannɛnu wo, namarɛnu wo, fiyɔnnu wo, i ni wonu denu kele.

Luka 6:20

Yisa ya a yɛ sɔ ala karan-dannu na, a ko, “Mɔgɔ-sewanɛ le wole bolo-kolɔnnu na bawo Allala mansayɛ, wotɛ le!

Kɛwɔlɛnu 4:32

Nba, dɛnkɛninya-mɔgɔ-nyama bɛɛ taranta kan kelen anubɛ yisi kelan rɔ. Mɔgɔ-wo-mɔgɔ ma a fɔ a bolo-fannuna ko la ko atɛ le kɔnɔ fan min bɛɛ ye anu bolo, anu ya wonu tafara anu nyɔgɔn tɛma.

Romu 11:20

tonyɛ le kɔnɔ wo hɛnkili ni to kɛ ko. Anu kerita a la le bawo anu ma dɛnkɛninya Alla ma. Wole ara to anu gbɛ rɔ bawo wo ara dɛnkɛninya a ma. Kɔnɔ wo kana wasi wola ko la fɔ wo kun ma ni kɔ.

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

Romu 15:5

Nba, Alla min bi munyu anubɛ yisi-kimɛ dila ma ma, alamɛ wo ya wo dɛnbɛ alako wo ni to sɔn kelen tɔ wo nyɔgɔn fɛ ka bila Kirasiti Yisala misalɛ fɛ.

Romu 6:2

Ade! A manɛ iko ma ara faga alako hakɛ kana sɛnbɛ sɔrɔn ma kuma tun. Ma si to hakɛ kɛla kama worɔ tun?

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.

1 Kɔrɛnti 4:10

Kuntan le male la Kirasitila ko la kɔnɔ hɛnkili-bɔrɔ-tigi le wole la Kirasiti rɔ! Sɛnbɛ sa male bolo kɔnɔ sɛnbɛ ye wole bolo duk! Male lafɛyanɛ kɔnɔ wole gbiliyanɛ,

1 Kɔrɛnti 6:5

Miliya-koe le wo la. Hɛnkilima kelen bɛrɛn sa wo tɛma min si ke sɔsɔlɛ banna wole dɛnkɛninya-mɔgɛnu tɛma, wa?

1 Kɔrɛnti 8:2

Minnu miri ko anu hɛnkili waranɛ, wonu ma fenfen lɔn iko a bɛnta, anu ni a lɔn nya min.

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 3:16

Kɔnɔ a fɛrɛ sa fɔ ma ni to tala yarɔ iko ma ara wuli a mala nya min nun.

Filipai 4:2

Yuyodiya anubɛ Sintiki, wo yandi, n bi wo madiyala. Wo ni wo raya ka diya wo nyɔgɔn ye iko na-kelenmɛnu Mari rɔ.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 5:3

Mɔgɛ minnu kerifanɛ wo la, wo kana wo raya ka wola sɛnbɛ mayira wonu na fɔ ka ma misala-nyimɛ la anu ye.

3 Yɔni 1:9

N bara kɛdi-kundu-ni sɛbɛ chɔchi ma kɔnɔ ale Dayotefasi ti a tole masɔ wo la. A di a ye, ale ni ma kun-tigi la.