Romu 12:13 - ALLALA KUMƐ

¹³ Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Romu 12:13 ပူးပေါင်းရင်းမြစ်များ

2 Mansɛnu 4:10

Ma ni bon-nɛ do sɔ a ye, mala bɔn kɛ kuma. Ma si sa-fan, anubɛ tebulu, anubɛ waganɛ, anubɛ lɛnpu ladon nyɔ. A wa na ma kɔndɔn tinɛ tuma-wo-tuma, nyɔ si ma a yiyɛ la.”

Yaburi 41:1

Mɔgɔ-sewanɛ le wo tigi la min si kinikini bolo-kolɔnnu ma bawo anu denu fanan tenbi yakɔrɔ-mamɔɛ rɔ, Mari si anu dɛnbɛ.

Hɛnkilimaya-Kumɛnu 31:20

A si bolo-kolɔnnu kɔ sewɛ rɔ ka anu dɛnbɛ.

Matiyu 25:35

Kɔnkɛ ya n bira tumɛ min, wo ya dɔn-fan di n ma. N kan lagbalata tumɛ min, wo ya yi di n ma. A taranta, bɔn sa n bolo min kɛ, wo ya n yiya wo warɛ.

Kɛwɔlɛnu 10:4

A ya melika mafɛlɛn sin! A kilanta dɔgɔma-ma-de! A ko, “N fa, nfen mara?” Melika ya a fɔ a ye ko, “I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.

Kɛwɔlɛnu 4:35

ka a don Yisata kilayɛnu bolo. Anu ya wodi wo rafara anu nyɔgɔn tɛma iko mɔgɛ bɛɛ makoe ye a la nya min.

Romu 12:8

Ni mala sanbɛ le ka donu sɛnbɛ don, ma ni wo ma. Ni nɔnfuli ye min bolo ka donu kɔ, ma ni wo ma ma yisi bɛɛ la. Ni mata sanbɛ le kun-tigiyɛ la, ma ni wo kɛ a kilɛ fɛ. Ni mata sanbɛ le ko-nyima-kɛ la, ma ni a kɛ sewɛ la.

1 Kɔrɛnti 16:15

Wo ya Sitɛfanasi anubɛ ala denbayɛ wara-koe lɔn. Dɛnkɛninya-mɔgɔ-fɔlɔtɛ le wonu na Akeya sigisɔn rɔ. Anu bara anu nyɛrɛ di Alla ma ka ma wɔli-kɛlɛnu na Allata mɔgɛnu kɔrɔ fasai! N na-kelen-nyɔgɛnu, n bara wo madiya ko

2 Kɔrɛnti 9:1

Nba, hali n ma kɛdi sɛbɛ wo ma ka a tɛgɛ Allala mɔgɛnu dɛnbɛn-koe ma Yudiya nyamanɛ rɔ.

2 Kɔrɛnti 9:12

Wola dɛnbɛnɛ ma Allala mɔgɛnu makoe dɔrɔn nyinya. Wo si a ma, mɔgɛnu ni baraka bira Alla ye fanan.

Kalesiya 6:10

Woletɔ ma wa fɛrɛ sɔrɔn tumɛ min, ma ni ko-nyimɛ kɛ mɔgɛ bɛɛ ye kɔnɔ katarala ma na-kelen-nyɔgɛnu ma dɛnkɛninyɛ rɔ.

1 Timoti 3:2

Fɛɛ-wo-fɛɛ kana taran chɔchi-mɔgɔ-ba la. A ni a telen ala musi ye. A ni ma sɛbɛna-mɔgɛ la koe bɛɛ rɔ. A ni ma nyɛrɛ-mara-mɔgɛ la anubɛ ala ko-ladan-nya ni telen. A ni sundannu tabira a kin na! A ni kusanya mɔgɛnu karanna.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

Taita 1:8

A ni ma sundan-rabiralɛ la, ado ko-nyima-kɛ ni diya a ye. A ni ma nyɛrɛ-mara-mɔgɛ la anubɛ mɔgɔ-latelennɛ. Mɔgɛnu ni a taran, a sɛninyanɛ, a kolonɛ buda!

Taita 3:14

I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

Failiman 1:7

N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Hiburunu 13:16

Wo kana nyina ka ko-nyimɛ kɛ wo nyɔgɔn dɛnbɛn tinɛ bawo sarakɛ le wo la min di Alla ye.

Hiburunu 13:2

Wo ni wo hɛnkili to sundannu ko ka anu yiya wola bɔnnu na. Mɔgɛ donu ya wo ma tumɛ min, anu ya melikanu yiya, anu ma taran a kalama.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

1 Pita 4:9

Wo ni wo nyɔgɔn yiya, ado yisi-magboyɛ kana taran a rɔ.

1 Yɔni 3:17

Ni nɔnfuli ye mɔgɛ do bolo, a ni a yen ko a na-kelen-nyɔgɛ makoe ye fan do la kɔnɔ a ma kinikini a ma, wo si a fɔ kama ko Allala keninteyɛ ye a yisi rɔ?

3 Yɔni 1:5

N diyana-mɔgɛ, i wara n na-kelen-nyɔgɛnu dɛnbɛ min kɛ, hali i ma sundan minnu lɔn, i wara ko-nyimɛ kɛ wonu ye.