Romu 11:7 - ALLALA KUMƐ

⁷ Nba, koe minnu bara ma, n bi wonu denu fɔla wo ye. Isirɛla mɔgɛnu bi telenbagayɛ min nyinina Alla yala nun, anu ma wo yen kɔnɔ minnu ya wo yen, Alla ya mɔgɔ-dande le dɔrɔn yatɔnbɔn anu tɔ. A toenu tole gbɛlɛyara Allata keleli ma.

Romu 11:7 ပူးပေါင်းရင်းမြစ်များ

Hɛnkilimaya-Kumɛnu 1:28

“Wo wa nde, hɛnkilimayɛ rakele wo tumɛ rɔ, n ti wo denkun. Hali wo ya n nyini furr, wo ti n yen

Aiseya 44:18

Kun-takolɔn le mɔgɔ-sufa wonu na. Anu ma a lɔn anu bi min kun na. Fan do burunnɛ anu yɛ la. Anu sɔn-kunyɛ-dɛ latogonnɛ alako anu kana na tonyɛ lɔn.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Maraka 6:52

anu ma biredi-koe wo nya-yen bɛ min kɛ nun. Anu yisi gbɛlɛyara, ado anu ma ke kɛ fanan nya-yenna.

Luka 13:24

“Wo ni wo raya ka don da-dɔgɔmɛ la. N ni a fɔ wo ye, mɔgɔ siyaman si anu taya ka don kɔnɔ anu ti ke donna.

Yɔni 12:40

“Alla ara anu fiyonya alako anu kana fen yen. A ara anu yisi gbɛlɛya alako anu hɛnkili kana ko nya-yen. Wo le si a ma, anu ti na a wara anu nakɛndɛya-koe la.”

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

Romu 11:5

Hali kaka, a ye wo nya na le. Anu dande le nyɔ Alla ara minnu yabɔ ka hina anu na.

Romu 3:9

Kɛ ye kama? Male Yahudiyanu fisa sibolo-gbɛrɛnu ko, wa? Ade! Ma ara ban a labɔla gbɛ rɔ ko a Yahudiya wo, a sibolo-gbɛrɛ wo, hakɛ ara sɛnbɛ sɔrɔn ma bɛɛsi kun na.

Romu 6:15

Nba, a ye kama worɔ? Ma ye Allala hinɛ kɔrɔ min kɛ, ma sa tɔn kɔrɔ tun, ma ni to hakɛ kɛla worɔ, wa? Ade!

Romu 9:18

Woletɔ Alla ye a fɛ ka kinikini min ma, a si kinikini wo ma. A ye a fɛ ka min yisi ragbɛlɛya, a si wo yisi ragbɛlɛya.

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

1 Kɔrɛnti 10:19

N bi nfen ma kɛ la? Mɔgɛnu bi bɛsɛ min kɔla wo, anu bi a kɔla dɔn-fan min na wo, fen-kolomɛ le wonu na, wa?

2 Kɔrɛnti 3:14

Isirɛla mɔgɛ wonu yisi gbɛlɛyara, ado ha bi, anu tenbi Allata sarama-kan karanna, a manɛ iko fan do burunnɛ anu yɛ la, ado wo ti bɔ mɔgɔ yɛ la fɔ a wa tugun Kirasiti la wati min.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

Filipai 1:18

Tana ma wo la! N sewanɛ wo bɛɛ rɔ. Alako tun, Kirasitila kawandili-koe ni bɔ nya bɛɛ ma. A bɔra kɛ-nya-yogomɛ rɔ wo, a bɔra a nyimɛ rɔ wo, n si to sewala tun

Hiburunu 12:17

A banta wo mala tumɛ min, a ye nyinina a fa ni duwa a ye kɔnɔ a fa ma sɔn. A ara min ma nun, fɛrɛ sa a ye ka wo yɛlɛma tun. Hali a ya-yi bɔra biribiri, a ti ke wo sɔrɔnna tun.

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.