Romu 11:33 - ALLALA KUMƐ

³³ Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

Romu 11:33 ပူးပေါင်းရင်းမြစ်များ

Ɛsita 2:22

Mɔdekɛyai ya kalasɔrɔn wo ma tumɛ min, a tara wo fɔ a dɔgɔ ye, mansɛla musi Ɛsita, kɔni. Ɛsita fanan tara Mɔdekɛyai kan kɛ rakaran ala kei Mansa Sakasi ye.

Yobu 10:13

Kɔnɔ kaka gbɛ, n bara a lɔn ko kɛ bɛɛ rɔ, i kɔnkɔnnɛ n ma ko-yogomɛ kɛ-koe la.

Yobu 15:8

I tole masɔnɛ nun, Alla ye koenu tabɛnna wati min? A fɔra i ye ko hadama-denya-hɛnkili ye ile le kelan bolo?

Yobu 23:14

Alla ara min natɛgɛ nde ye, a si wo lakanbali. A ara miriya min suma ka bɛn n ma, wo kelen de kɛ la.

Yobu 26:14

N bara koe min bɛɛsi rakaran kɛ, a dɔgɔmɛ le wonu na. Allata fanka-wɛwɛ le wonu na. Nba, yon si ke ata fanka kuma-yɛlɛnɛ nya-yenna worɔ?

Yobu 33:13

Nfenna ile ye a fɔla ko Alla ti hadama-danta yasere-masɛ lamɔɛn?

Yobu 37:19

Nba Yobu, ma si min fɔ Alla ye, ma labila wo la bawo ma ye pinpi le tɔ kɛ la. Ma sa ko-wo-ko kalama.

Yobu 37:23

Ma ti ke ma gbɛrɛnna Alla Sɛnbɛ-Bɛɛ-Tigi ma ka a tɛgɛ ata kabana-koe wonu ma. A telennɛ mɔgɛnu ye tede!

Yobu 5:9

Male ti Allata ko-makawanɛ-dan lɔn, ado ala kabana-koenu dan sa.

Yobu 9:10

Alla ye kabana-koe min bɛɛsi ladanna, ma ti ke wonu dan lɔnna, ado ala ko-makawanɛnu-dan sa.

Yaburi 139:6

I ya n lɔn nya min, wo da-rakolo. N ti ke wo nya-yenna.

Yaburi 145:3

Mari makawara, ado a bɛnta, mɔgɛ ni a matɔgɔ. A makawa-nya ti yen.

Yaburi 36:6

Ila telenbagayɛ yan iko kɔnkɔ-layan-bɛnu. Ni mɔgɛ si kɔgɔ-yi-dumɛ kɔrɛ lɔn, mani, mɔgɛ si ile Marita kiti-tɛgɛ-nya lɔn. Hadama-dannu anubɛ sogenu namaranɛ ile Mari le bolo.

Yaburi 40:5

Mata Mari Alla, i wara ko-siyaman ma ma ye. I nyɔgɔn sa! I wara kabana-ko-miriya-siyaman tabɛn ma ye. N ti ke anu damasi wara-koe rakaranna. N ma anu dan-natɛgɛ lɔn.

Yaburi 77:19

Kilɛ sanɛ i bolo kɔgɔ-yi-dumɛ tɛma kɔnɔ mɔgɔ-wo-mɔgɔ ti i kin-gbɛ yen.

Yaburi 92:5

Ila ko-ladan-bolenu makawara. I miriya-kɔrɔ ti yen muk!

Yaburi 97:2

Mari lafoonɛ banda-fin-digidigi-wɛ anubɛ pinpi-fin-bɛ la. A si mɔgɛ bɛɛ mara telenbagayɛ anubɛ lafisayabɛlitayɛ la.

Hɛnkilimaya-Kumɛnu 25:2

Ma si Alla gbiliya bawo a sa-koe bɛɛsi sala ma ye gbɛ ma. Ma si mansɛnu fanan gbiliya bawo anu si koenu fɛsɛfɛsɛ a kilɛ fɛ.

Hɛnkilimaya-Kumɛnu 25:3

Ni mɔgɛ si ke san-kolo-burɛ anubɛ kɔgɔ-yi-kɔrɛ lɔnna, nba, mani mɔgɛ si ke mansɛ miriya lɔnna worɔ.

Makawandili Kumɛnu 3:11

A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Makawandili Kumɛnu 7:24

ado hɛnkilimayɛ nya-yen ma di. Yon si ke hɛnkilimayɛ nya-yenna?

Makawandili Kumɛnu 8:17

n ti a lɔn Alla ye min kun na. Hali mɔgɛ ya a raya nya-wo-nya, a ti ban Alla wara-koe nya-yenna. Hali hɛnkilimɛ donu si a fɔ ko anu ya Alla wara-koe lɔn kɔnɔ anu foni.

Aiseya 28:29

Hɛnkili kɛ bɛɛ ye bɔla Mari Sɛnbɛ-Bɛɛ-Tigi le bolo. Ata miriya makawara. Hadama-den wo hadama-den ti ke ala kabana-koe lɔnna.

Aiseya 40:28

Wo ma a lɔn, ba? Wo ma a lamɔɛn nun, ba? Habadan-Alla le Mari la. Ale le ya duninya dan, yɔ! A ti bandan. A ti yunkun. Mɔgɔ-wo-mɔgɔ ti ke a miriya lɔnna.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

1 Kɔrɛnti 2:10

Alla ara male lalɔn ala gbundu-koe ma ata Ni-Sɛnimɛ baraka rɔ, ado ata Ni-Sɛnimɛ ye koe bɛɛ nya-nyinina a kilɛ fɛ, hali Allata ko-dogonnɛnu.

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 2:7

Alla ya a latɛgɛ wo nya na le alako a ni ala hina-waranɛ labɔ gbɛ ma, ado a ya hinɛ wo yira ma la Yisa Kirasiti le tɔ.

Ɛfɛsa 3:10

A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

Ɛfɛsa 3:16

N bi Alla matarala ko a ni sɛnbɛ di wo ma ata Ni-Sɛnimɛ baraka rɔ alako wo ni sɛnbɛ sɔrɔn wo yisi rɔ iko ala gbiliya-waranɛ ye nya min.

Ɛfɛsa 3:18

Alamɛ wole sibolo-gbɛrɛnu anubɛ Allata mɔgɔ-toenu ya sɛnbɛ sɔrɔn ka Kirasitita keninteyɛ wara-nya lɔn, ado ala keninteyɛ dan sa.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.