Romu 11:25 - ALLALA KUMƐ

²⁵ N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

Romu 11:25 ပူးပေါင်းရင်းမြစ်များ

Yaburi 107:43

Hɛnkilimɛnu ni anu hɛnkili to kumɛ kɛ ko ka anu miri Marita keninteya-dannatɛgɛbɛlɛ ma.

Yaburi 127:1

Ni Mari ma a kɔɛn don bɔn-sɔɛ rɔ nun, bon-sɔlɛnu bi tɔrɔ-fu le kɛla wo rɔ. Wo rɔ, ni Mari ma a kolonkɛ bɛn soe ma a latanka-koe la, so-kandannɛnu bi wɔli-fu le kɛla wo rɔ.

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Hɛnkilimaya-Kumɛnu 26:12

Mɔgɛ min bi a fɔla a nyɛrɛ ma ko, “Nde hɛnkili kolo,” yigi ye kun-takolɔn la ka tenbi wo tigi la.

Hɛnkilimaya-Kumɛnu 26:16

Mɔgɔ-sufa wo kɛnɛna tɛgɛla hɛnkilima wɔrɔnfilɛla kawandili rɔ.

Aiseya 5:21

Gbalo ye wo ma bawo wo miri ko wo hɛnkili da-rakolo, ado wo halli.

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Yɔni 10:16

Saga-dogbɛrɛnu bi n bolo minnu sa saga-kulɛ kɛ rɔ. Fɔ n ni na wonu fanan na. Anu si anu tole masɔ n kan la. Wonu si ma kurun kelen na saga-fɛ-birala kelan wo kɔrɔ.

Romu 1:13

N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

Romu 11:12

Yahudiyanuna hakɛ ya a ma, duwa-belebele nara duninya rɔ. Anuna bɔnɛ niyi wara-koe rɔ, wo yɛlɛmanta tɔnɛ la wole sibolo-gbɛrɛnu ye, ado Yahudiyanu ba kofu wo ma tumɛ min, duwɛ si wara duninya rɔ.

Romu 11:24

Wole sibolo-gbɛrɛnu mani de iko firarɔ-kɔn-bolɔn min kerinɛ a la ka tugun a kɔn-bɛrɛ la, kelen ma wobɛ min na, kɔni. Yahudiyanu mani de iko kɔn-bɛrɛ kɛ. A ti gbɛlɛya Alla bolo worɔ ka bolon-kerinɛ kɛnu tugun kɔn-kuru-kɔrɛ wo la tun.

Romu 12:16

Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

Romu 16:25

Ma ni gbiliyɛ di Alla ma bawo ale le si ke ka wo lasɔ wola dɛnkɛninyɛ rɔ yiri iko Yisa, Allata-Mɔgɔ-Yabɔnɛ wota kibara-nyimɛ ye nya min, n bi min nakela wo ma, kɔni, ado tonyɛ kɛ dogonnɛ wo ma nun kebi fɔlɔ

Romu 9:18

Woletɔ Alla ye a fɛ ka kinikini min ma, a si kinikini wo ma. A ye a fɛ ka min yisi ragbɛlɛya, a si wo yisi ragbɛlɛya.

1 Kɔrɛnti 10:1

N na-kelen-nyɔgɛnu, ma benba minnu bilara Musa fɛ, n bi a fɛ, wo ni wo yili to wonu ko. Banda-fin-gbɛ le ya anu yamatogon ha anu dama kɛndɛ tenbira Kɔgɔ-Yi-Wulan rɔ.

1 Kɔrɛnti 12:1

Nba, n na-kelen-nyɔgɛnu, n bi a fɛ ka kuma wo ye Allata Ni-Sɛnimɛta fandɛnu bara-koe rɔ. N bi a fɛ, wo ni tonyɛ lɔn wonuna ko la.

1 Kɔrɛnti 2:7

Kɔnɔ n bi hɛnkili min nabɔla, Allala gbundu-ko-hɛnkili le wo la, min dogonnɛ mɔgɛnu ma kɔrɔma la, ado yanni duninya ni dan, Alla ara ban a latɛgɛla nun ko hɛnkili wo si gbiliyɛ lana ma ma.

1 Kɔrɛnti 4:1

Wo ni male lɔn Kirasitita wɔli-kɛla-gbansan la Allala gbundu-koe kerifanɛ minnu na,

Ɛfɛsa 3:9

Alla min ya fan bɛɛ dan, wo le ya ala gbundu-koe dogon fɔlɔ-mɔgɛnu ma kɔnɔ a ya fɛrɛ di nde ma ko n ni kawandili bɔ alako mɔgɛ bɛɛ ni ata gbundu-koe kɛ nya-yen.

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

2 Pita 3:8

Kɔnɔ n diyana-mɔgɛnu, wo kana nyina ko kelan kɛ ko! Mari yala, dan-nafara mumɛ sa tele kelan anubɛ san waga kelan tɛma. Wo filɛ bɛɛ rakɛn de ale yala.

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.

Lankɛnimayɛ 10:7

Melika wɔrɔnfila nyɔgɛ wa ata buri fɛ tumɛ min, Alla si ala gbundu-ko-latɛgɛnɛ kɛ iko a ya a fɔ ala wɔli-kɛlɛnu ye nya min, ala nɛbinu, kɔni.”

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 7:9

Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.