Romu 11:20 - ALLALA KUMƐ

²⁰ tonyɛ le kɔnɔ wo hɛnkili ni to kɛ ko. Anu kerita a la le bawo anu ma dɛnkɛninya Alla ma. Wole ara to anu gbɛ rɔ bawo wo ara dɛnkɛninya a ma. Kɔnɔ wo kana wasi wola ko la fɔ wo kun ma ni kɔ.

Romu 11:20 ပူးပေါင်းရင်းမြစ်များ

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Yaburi 138:6

Hali i ye san ma pon, mɔgɔ-famayiginɛnuna hinɛ ye i rɔ. Wasintenu ti ke anu dogonna i ma.

Hɛnkilimaya-Kumɛnu 28:14

Mɔgɛ min bi tola Mari gbiliyala, wo tigi si sewa. Kɔnɔ min bi tola a yisi gbɛlɛyala, wo tigi si tinya pɔ!

Hɛnkilimaya-Kumɛnu 28:26

Mɔgɔ-wo-mɔgɔ lara a nyɛrɛ la ha, kun-takolɔn le wo tigi la. Mɔgɛ min bi tagamana hɛnkilimayɛ rɔ, wo tigi si simayɛ sɔrɔn.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Aiseya 7:9

A ko Isirɛla mɔgɛnu ta ma gbɛlɛ ka ke anuna so-karantan Samariya kɛnu tɔ. Samariya kɛnu fanan ta ma gbɛlɛ ka ke anuna Mansa Peka rɔ. Mari ko ni wo ya a kuman-kan to a gbɛ rɔ, wo si simayɛ sɔrɔn.

Habakuku 2:4

Kilayɛ wo le kɛ la. ‘Karagbɛlɛ wonu ti to anu niyi la kɔnɔ mɔgɔ-latelennɛnu si to anu niyi la bawo anu telennɛ nde, Alla sako-kɛ-tinɛ.’ ”

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Kɛwɔlɛnu 18:6

Kɔnɔ tɔ-a-la, anu ya a sɔsɔ ka a manyini. Woletɔ a ya ala duruki ragbɔngbɔn anu kan ma. A ya a fɔ anu ye ko, “Ni wo halakira, wo ti mɔgɔ ta-a-la! Nta sa a rɔ. Ka a dabira bi ma, n si ta sibolo-gbɛrɛnu wara la.”

Romu 11:18

Woletɔ bolɔn wo minnu kerita a la, wo kana wonu nafɛya. Wo wasinɛ kama? Kɔn-bolɔn le wole la dɔrɔn. Wole ma kɔn-suli bira, kɔn-suli le ya wole bira.

Romu 11:21

Yahudiya minnu manɛ kɔn-bolon-fɔlɔtɛ la, Alla ma kinikini wonu ma. Wo ye wo mirila ko a si kinikini wole fanan ma, wa?

Romu 12:16

Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

Romu 3:3

Kɔnɔ Yahudiyanubɛ Alla ya sarama-kan min kiri, ni Yahudiyanu bara anutɛ tinya, wo ti a ma, Alla ni atɛ tinya, wa?

1 Kɔrɛnti 10:12

Woletɔ ni min bi a mirila ko a sɔnɛ gben, wo ni a ma a fɛrɛma alako a kana na bu boloko-yogomɛ-kɛ.

1 Kɔrɛnti 15:1

Nba, n na-kelen-nyɔgɛnu, n ya kibara-nyimɛ min nake wo ma, n bi a fɛ ka wo hɛnkili bila wo ko, ado wo ara kibara-nyimɛ wo rabira ka la a la gben!

1 Kɔrɛnti 16:13

Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don.

2 Kɔrɛnti 1:24

Male sa kun-tigiyɛ kɛla ka a fɔ wo ye wo si dɛnkɛninya min ma! Ma ye wɔlila ma nyɔgɔn fɛ wo nyɛrɛta sewɛla ko la bawo ma ya a lɔn ko wo sɔnɛ dɛnkɛninyɛ rɔ yiri!

2 Kɔrɛnti 10:5

anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Kɔlɔsi 2:7

Wo ni wo suli layigi ale rɔ pon, iko kɔlɔma ye suli layigila dugi la nya min! Wo si a ma, wo si sɛnbɛ sɔrɔn ale rɔ. Wo sɛnbɛ ni don wola dɛnkɛninyɛ rɔ iko wo karanta nya min. Ka a tɛgɛ a ara min ma wo ye, wo ni to baraka birala a ye dɛɛ!

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

Hiburunu 3:19

Ma ara a yen worɔ ko anu ma ke donna bawo anu ma dɛnkɛninya Allata kumɛ ma.

Hiburunu 4:11

Nba, ma ni ma raya worɔ alako ma ni sulen tinɛ wo masɔrɔn. Ma fenfen kana ma kuma-birabɛlɛ la iko anu denu ya a ma nya min. Wo le ya a ma, anu foora Allata sulen tinɛ la.

Hiburunu 4:6

Minnu fɔlɔn ya kibara-nyimɛ lamɔɛn, wonu ma anu sulen tinɛ sɔrɔn bawo anu ma dɛnkɛninya Alla ma. Kɔnɔ donu bi nyɔ minnu si sulen tinɛ sɔrɔn, yɔ!

Yemesi 2:19

I lanɛ a la ko Alla kelen pe le nyɔ, nyɛ? Wo kin! Nyinɛnu fanan lanɛ wo la ka yɛrɛyɛrɛn kilan bolo.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

1 Pita 5:12

Sailasi ara n dɛnbɛ kɛdi-kundu-nɛ kɛ sɛbɛla wo ma, ado n bara ale yatɛ n na-kelen-nyɔgɛ lanaya-mɔgɛ la. N bi a fɛ ka wo makawandi anubɛ ka nta sereyɛ bɔ wo ye ko Allala hina-bɛrɛ le kɛ la. Wo ni wo sɔ a rɔ yiri!

1 Pita 5:9

Wo ni wo sɔ dɛnkɛninyɛ rɔ gben! Wo ni wo sɔ Setanɛ kan ma bawo wo ya a lɔn ko wo ta-nyɔgɛ dɛnkɛninya-mɔgɔ min bɛɛ ye duninya rɔ, wonu fanan bi tɔrɛ-su-kɛ sɔrɔnna.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’

Lankɛnimayɛ 3:17

Wo ye wo kɔgɔ rakala ko nɔnfulu-tigi le wole la. Wo ko wola nɔnfuli ara wara. Wo ko wo makoe ye min bɛɛ la, wo ye wo bolo. Kɔnɔ wo makinikininɛ nya min wo, wo tɔrɔnɛ nya min wo, wo ma wo lɔn feu! Wo bolo-kolɔn gbɛ! Wo fiyonyanɛ. Kura sa wo ma.