Romu 10:17 - ALLALA KUMƐ

¹⁷ Woletɔ fɔ mɔgɛnu ba sarakanɛ lamɔɛn ka a bɛn Yisa ma, yanni anu ni dɛnkɛninya a ma. Fɔ mɔgɛnu ba Kirasitila ko fɔ anu ye alako anu si a lamɔɛn nya min.

Romu 10:17 ပူးပေါင်းရင်းမြစ်များ

Yobu 42:5

Fɔlɔ nun, n bi i wara-koe lamɔɛnna mɔgɔ-dogbɛrɛnu bolo kɔnɔ kaka, n bara i yen n nyɛrɛ yɛ la.

Maraka 4:24

A ya a fɔ anu ye fanan ko, “Wo ni a ma wo fɛrɛma worɔ ko-lamɔɛn tinɛ. Wo ye fan sumanna doinu ye nya min, Alla si a suma wole fanan ye wo nya na le, ado wotɛ si gbɛlɛya anutɛ ko.

Luka 11:28

Kɔnɔ Yisa ya a fɔ a ye ko, “Minnu sewanɛ ka tenbi wo la, wo le, minnu bi Allala kumɛ lamɔɛnna ka a bira gben!”

Luka 8:11

“Tili kɛ kɔrɛ le kɛ la. Sugi wo, Allala kumɛ tamasere le wo la.

Luka 8:21

Yisa ya a fɔ anu dama ye ko, “Minnu bi Allala kumɛ lamɔɛnna ka a bira, n na anubɛ n dɔgɛnu le wonu na.”

Yɔni 1:37

Ala karan-den filɛ, wonu ya a kan kɛ lamɔɛn min kɛ, anu bilara Yisa fɛ gbɛ!

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 10:14

Kɔnɔ anu si Mari rakele kama, ni anu ma dɛnkɛninya a ma wɛ? Anu si dɛnkɛninya a ma kama, ni anu ma ala sarakanɛ wo lamɔɛn bɛ? Anu si sarakanɛ wo lamɔɛn kama, ni mɔgɔ ma a fɔ anu ye?

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

Kalesiya 3:2

N bi min lɔn-koe rɔ wo bolo, wo le kɛ la—wo ya Allala Ni-Sɛnimɛ sɔrɔn tɔn-birɛ le fɛ, wa? Ade! Wo ya kibara-nyimɛ lamɔɛn min kɛ ka la a la, wo ya ata Ni-Sɛnimɛ sɔrɔn wo le fɛ.

Kalesiya 3:5

Alla le ya ata Ni-Sɛnimɛ di wo ma ka kabana-koenu kɛ wo tɛma. A ya wo ma le ka a tɛgɛ tɔn-kitabu ara min fɔ, wa? Ade, a ya wo ma ka a tɛgɛ wo ara kibara-nyimɛ lamɔɛn nya min ka dɛnkɛninya Yisa ma.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

Hiburunu 4:2

Male fanan bara kibara-nyimɛ lamɔɛn iko anu denu. Anu ya karan wo lamɔɛn kɔnɔ wo ma ko-wo-ko nyinya anu ma bawo anu ya a lamɔɛn tumɛ min, anu ma la a la nun ko Alla si a ma, anu ni anu sulen.

1 Pita 1:23

Wo ara sɔrɔn a kurɛ la Allala habadan-kuma-nimɛ baraka rɔ. Alla min ti faga, wo ara ma wola dannu na!

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.