Romu 10:10 - ALLALA KUMƐ

¹⁰ ado ma si telen Alla yala mala dɛnkɛninyɛ le fɛ. Ma wa Marila sereyɛ bɔ ma dɛ la, ma si kisi,

Romu 10:10 ပူးပေါင်းရင်းမြစ်များ

Maraka 9:23

Yisa ko, “Nfenna i ko ni n si ke? Dɛnkɛninyɛ ye min bolo, wo si ke koe bɛɛ kɛla.”

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Kɛwɔlɛnu 8:37

Filipi ya a fɔ a ye ko, “Ni i wara dɛnkɛninya i yisi bɛɛ la, i si batasi.” A ya a yabi ko, “N bara dɛnkɛninya. N bara la a la ko Allala dan le Yisa la.”]

Romu 10:11

ado a sɛbɛnɛ Allala kitabu rɔ ko, “Min ba dɛnkɛninya a ma, wo tigi ti baya,”

Romu 10:9

Ni min ya sereyɛ bɔ a dɛ la ko, “Yisa, Mari le,” ka dɛnkɛninya a yisi rɔ ko Alla le ya a lawuli ka bɔ furinu tɛma, wo tigi si kisi,

Kalesiya 2:16

Hali wo, ma ya a lɔn ko mɔgɔ wa dɛnkɛninya Yisa Kirasiti ma, a telennɛ le Alla yala dɛnkɛninyɛ wo fɛ worɔ. Mɔgɔ ti ke telenna tɔn-birɛ fɛ mumɛ! Male fanan bara dɛnkɛninya Kirasiti Yisa ma alako ma ni telen Alla yala mala dɛnkɛninyɛ fɛ nya min.

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

1 Yɔni 4:15

Min si a lawasa a dɛ la ko Yisa, Allala dan le, Alla ye wo tigi rɔ, ado wo ye Alla rɔ.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!