Romu 1:30 - ALLALA KUMƐ

³⁰ ka kuma-yogomɛ fɔ anu nyɔgɔn ma. Alla wara-koe gboyanɛ anu ye, ado tagasibɛlɛ le anu na anubɛ mɔgɔ-wasinɛnu anubɛ nyɛrɛ-matɔgɔlɛnu. Anu bi ko-yogoma-kurɛ rabɛnna tuma-wo-tuma. Anu ti anu sɔrɔnnɛnuna kumɛ bira muk!

Romu 1:30 ပူးပေါင်းရင်းမြစ်များ

1 Mansɛnu 20:11

Mansa Ehabu ya kilayɛ wo kɔfili a ko, “Wo ta a fɔ Mansa Bɛnhedadi ye ko kɛlɛ-den-bɛrɛbɛrɛ ti a nyɛrɛ matɔgɔ fɔ kɛlɛ wa ka-a-la.”

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

2 Ko-Kɔrɔta-Karan 25:19

Ile Hamasa ara Idɔm kɛnu nɔ min kɛ, woletɔ i wara wasi. I tɔgɛ wo min bara bɔ, wo ni i wasa. I ni a dan wo ma kɔɛ! I ni to ila bɔn la. A sɔgɛ ye i la, i ni nanparan sanba wobɛ ila mɔgɛnu ma, wa?”

Yaburi 10:3

Karagbɛlɛnu kɛnɛna anu wasila anuna karagbɛlɛyɛnu tɔ. Kensuntenu bi Alla mamɔɛnna ka a lafɛya.

Yaburi 106:39

Anu kɛ-nya ya anu natinya, ado anu denu ma telen Alla ye.

Yaburi 5:5

A ma di i ye, i ni mɔgɔ-wasinɛnu yen i kolan la, ado minnu bi tɔn tinyana, wonu gbo i ye.

Yaburi 52:1

Nfenna ile fen-ba-tigi wa ko-yogomɛ kɛ Alla diyana-mɔgɛ la, i si i nyɛrɛ matɔgɔ wola ko la? Allata lanayɛ si to burubukai!

Yaburi 81:15

Nde, Mari gbo minnu ye, wonu kun ma si kɔ n yarɔ kilan bolo, ado dan sa anuna tɔrɔyɛ la.

Yaburi 94:4

Ko-yogoma-kɛlɛnu si to anu wasila a la ha wati nyamintan? Anu bi anu wasila anuna ko-yogomɛnu na tolon!

Yaburi 97:7

Min bɛɛ ye bɛsɛnu kɔla, wonu si miliya. Mɔgɛnu bi fan min bɛɛsi kɔla, wonu si anu madu Mari kɔrɔ.

Yaburi 99:8

E, mata Mari Alla, i ya ila mɔgɛnuna madiyalɛ yabi. Hali i ya anu tɔrɔ anu hakɛla ko la, i ya a yira anu na fanan ko Alla le ile la min si makotoli kɛ.

Hɛnkilimaya-Kumɛnu 24:8

Ni mɔgɔ-sɔn ma fenfen na fɔ ka a miri ko-yogomɛnu ma a sigi-nyɔgɛnu bara la, nanparan tatɛgɛlɛ le wo tigi la.

Hɛnkilimaya-Kumɛnu 25:23

Iko fɔnyɔ si bɔ bandɛ la kantɔɛ wara la nya min, nafigi si kɛlɛ-nyɔgɔnyɛ lana wo nya na le.

Hɛnkilimaya-Kumɛnu 30:17

Mɔgɛ min bi a na anubɛ a fa bɔrɔbɔla, a bɛnta, a furi-bolokanɛ ni to. Mansa-wala-kona anubɛ dogɛnu ni a furi dɔn.

Hɛnkilimaya-Kumɛnu 8:36

Kɔnɔ mɔgɛ min sa sɔnna n nyinina, wo ara a nyɛrɛ tanban, ado a ara sayɛ keni.”

Makawandili Kumɛnu 7:29

Kɔnɔ nde ya kɛ le dɔrɔn yen kɛ rɔ, Alla ya ma latelennɛ dan. A ma ma pirinkan. Male le wara ma nyɛrɛ pirinkan.

Isikiyɛli 14:5

bawo bɛsɛ wonu bara-koe ara a ma, Isirɛla mɔgɛnu bara bɔ n bolo. Kɔnɔ n bi anu yabila nya min, wo si a ma, anu ni sɛgi n ma tun.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Yilan-Yilan Koe 10:35

Kɔnɔ ni anu bi tɔn-kenkirɛ bila tuma-wo-tuma ka ta, Musa si a kan mayɛlɛ ka a fɔ ko, “E, Mari, i lakɔɛnma ka i yogenu tanyɛnsɛn ma yarɔ. I ma di mɔgɛ minnu ye, wonu ni anu buri i kɔrɔ.”

Matiyu 15:4

Alla ko, ‘I ni i na anubɛ i fa gbiliya.’ A ko fanan, ‘Mɔgɔ-wo-mɔgɔ wa kuma-yogomɛ fɔ a na anubɛ a fa ma, wo ni wo faga serr!’

Matiyu 16:21

Ka a dabira wati wo ma, Yisa wulita a fɔla ala karan-dannu ye ka a gbɛ anu ye ko a fɛrɛ sa fɔ a ni ta Yerusalɛm ka tɔrɔyɛ siyaman sɔrɔn kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. A ko anu si a faga nyɔ. A tele sawa nyɔgɛ, Alla si a lawuli tun ka bɔ furinu tɛma.

Luka 21:16

Wo sɔrɔnnɛnu wo, wo na-kelen-nyɔgɛnu wo, wo kebila-nyɔgɛnu wo, wo diyana-mɔgɛnu wo, wonu dama si wo don wo yogenu bolo tɔ, ado anu si donu faga wo rɔ.

Yɔni 7:7

A ma bɛn, wo ni gboya duninya ye kɔnɔ nde le gboyanɛ anu ye bawo tuma-wo-tuma n bi anu sɔn fɔla anu ye.

Kɛwɔlɛnu 5:36

Wati tenbinɛ, Tudasi wulita ka a nyɛrɛ ma tɔgɔlamɛ la, ado kemini kɛmɛ nani nyɔgɔn (400) bilara a fɛ. Kɔnɔ mɔgɛ do ya wo faga. A gba-fɛ-bilalɛ bɛɛ nyɛnsɛnta. Ala koe mara fuyi la.

Romu 2:17

Wole don? Wo ye wo nyɛrɛ kelela ko Yahudiyanu. Wo ye wo yigi bɛɛ sala tɔn-kitabu wara-koe kuma ka wo nyɛrɛ matɔgɔ ko Allatɛ le wo la.

Romu 2:23

Wo ye wo nyɛrɛ matɔgɔla ko Allala tɔn-kitabu ye wole le bolo kɔnɔ wole don? Wo sa Alla lamiliyala wola tɔn-tinyɛ fɛ, wa?

Romu 3:27

Nyɛrɛ-matɔgɛ sa kɛ fenfen tɔ bawo Alla ma ma latelen a nyɛrɛ ye tɔn-birɛ fɛ. Ka a tɛgɛ mata dɛnkɛninyɛ ma Yisa ma, a ara ma latelen a nyɛrɛ ye,

2 Kɔrɛnti 10:15

Woletɔ donu bara wɔlɛ min kɛ, ma wasini ma wonu na fɔ Alla ara min don male bolo. Kɔnɔ ma yigi le ko wola dɛnkɛninyɛ si to koloyala. Wo le si a ma, Alla ara dan min sa, ma si ke ka wɔlɛ kɛ ka ke a dan ma.

2 Kɔrɛnti 12:20

N kilannɛ ko n ba ke nyɔ tumɛ min, n bi wo taranna nya-gbɛrɛ ma iko a ma di n ye ka wo taran nya min. Wo fanan si n taran nya do ma iko a ma di wo ye ka n taran nya min. Sɔsɔlɛ wo, keliyɛ wo, yisi-bɔɛ wo, kɔrɔndiyɛ wo, lafɛyɛ wo, nafigiyɛ wo, wasinteyɛ wo, sɔnkɔ-sɔnkɛ wo, n kilannɛ ko wo donu si taran wo tɛma.

Tɔn-Fɔɛ-Fila-Nyɔgɛ 27:16

“ ‘Alamɛ Allata dankɛ taranta wo mɔgɛnu kuma minnu ti sɔn anu fa anubɛ anu na gbiliya-koe ma.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 7:10

Mari ti foo wo mɔgɛnu na minnu ma la ale la ka anu ban a la.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

2 Timoti 3:2

Mɔgɛnu si to hɔnna anu nyɛrɛ la alako ka fan bɛɛ ladɛn anu nyɛrɛ ye. Anu si ma nyɛrɛ-matɔgɔlɛnu na ha ka anu yɛ layigi a mɔgɔ-toenu ma. Anu si ma mɔgɔ-lafɛyalɛnu na ka anu sɔrɔnnɛnuna kumɛ tinya. Anu si ma fisiri-fasarɛnu na anubɛ dina-birabɛlɛnu.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Yemesi 3:5

Ma dɛ fanan manɛ le iko lalɛ kɛ. A dɔgɔ kɔnɔ a si a nyɛrɛ matɔgɔ ko-wɛnu tɔ. Ta-nɛ si fira-belebele mintan.

Yemesi 4:16

Kɔnɔ kaka, wo wasinɛ. Wo ye wo nyɛrɛ matɔgɔla, ado nyɛrɛ-matɔgɔ-su wo yogo.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

Yude 1:16

Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.