Romu 1:28 - ALLALA KUMƐ

²⁸ A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Romu 1:28 ပူးပေါင်းရင်းမြစ်များ

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

2 Samuwɛli 22:27

Mɔgɛ min sɛninyanɛ, Mari si kun-nadiyɛ le kɛ wo tigi ye. Mɔgɛ min karagbɛlɛ, ale si a lagbɛlɛya wo tigi kuma.

Yaburi 69:27

I yandi, anu hakɛ sɛbɛ. I ni anu namara. A ma, hali kisi-ko-kundunɛ, anu kana a sɔrɔn i bolo.

Hɛnkilimaya-Kumɛnu 1:22

A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Hɛnkilimaya-Kumɛnu 1:29

bawo wo ko wo mako sa ko-lɔn la, ado wo sa sɔnna Mari gbiliyala.

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 17:16

Hali yuwɛ ya karan san, a ti ko nyinya a ma bawo yi sa a kunyɛ rɔ.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 6:30

A ko wole, ala mɔgɛnu si kele ko, “Wodi-gbɛ ani a boe.” Wo ara ma wodi-gbɛ-munke la bawo Mari ara a ban wo la.

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Isikiyɛli 14:5

bawo bɛsɛ wonu bara-koe ara a ma, Isirɛla mɔgɛnu bara bɔ n bolo. Kɔnɔ n bi anu yabila nya min, wo si a ma, anu ni sɛgi n ma tun.

Isikiyɛli 20:25

“Wo kɔma, n ya tɔnnu di anu ma minnu si anu tɔrɔ, ado ni anu ya wonu bira, anu si siyimayɛ sɔrɔn.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Kɛwɔlɛnu 17:23

N bi wola soe ratagamana tumɛ min ka wola batoli-kɛ-tinɛnu mafɛlɛn, n ya saraka-bɔ-tinɛ do fanan yen, a sɛbɛnɛ min ma ko, ‘Alla-min-lɔnni-ma, wotɛ le kɛ la.’ Wo ye sarakɛnu bɔla alla wo ye kɔnɔ wo ma a lɔn a kilɛ fɛ. N bi wo le wara-koe fɔla wo ye kɛ la.

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

Romu 1:18

Alla ye ala diminyɛ yirala mɔgɛnu na ka bɔ Arinyɛni tɔ ka a tɛgɛ anuna hakɛ anubɛ anuna ko-yoge bɛɛ ma. Wonuna ko-yogoma-kɛ le tonyɛ masɛgila anu na.

Romu 1:21

Anu ya Alla lɔn kɔnɔ anu ma a gbiliya, ado anu ma baraka bira a ye hali! Anu miriyɛ bɛɛ manɛ fufafuyi la! Anu hɛnkili rabasannɛ pirikali!

Romu 1:24

Nba, hadama-dannu kuntanyara min kɛ, woletɔ Alla ya anu to anu sɔn-yogomɛnu da kun tɔ. Anu ya kisimiriya-koenu ma anu nyɔgɛnu na.

Romu 1:26

Alla ya anu to anu sako-latinyanɛ rɔ. Hali anuna musinu, anu ya anuna keinu to nyɔ ka to anu sala anu nyɔgɔn fɛ, ado wo ma daga.

1 Kɔrɛnti 15:34

Wo ni wo hɛnkili masɔ ka fara hakɛ la. N ya a fɔ min kɛ ko donu bi wo tɛma, wonu ma Alla lɔn, miliya-koe le wo la.

2 Kɔrɛnti 10:5

anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.

Ɛfɛsa 5:4

A ma bɛn, wo ni kuma-yogomɛ anubɛ kuntanya-kumɛ anubɛ kuma-gbondanɛnu fɔ foro-gbesi tinɛ. Yanni wo ni wo ma, wo ni to baraka birala Alla ye tolon!

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

2 Timoti 3:8

Mɔgɛ kɛnu fanan bi tonyɛ kan ma iko Yanisi anubɛ Yanbarisi minnu ya Nɛbi Musa sɔsɔ wulɔn. Mɔgɛ wonu hɛnkili rabasannɛ, ado anuna dɛnkɛninyɛ ma mɔnɔ bɔ!

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Failiman 1:8

I na-kelen-nyɔgɛ le nde la Kirasiti rɔ min kɛ, sɛnbɛ ye n bolo ka a fɔ i ye i si min ma.

2 Pita 3:5

Anu si a lawuli a ma ka nyina ko kelan kɛ ko, wo le, kebi fɔlɔ, Alla kumara, san-kole anubɛ dugu-kole danta. Dugu kole danta ka bɔ yi rɔ, ado a lafoonɛ yi le la.