Romu 1:25 - ALLALA KUMƐ

²⁵ Anu ya Allala tonyɛ mafelen foninyɛ la. Anu wɔlita dali-fannu denu ye ka wonu denu kɔ. A bɛnnɛ anu ni Dali-Mansɛ min tanto, anu bara wo to nyɔ tolon! Tonyɛ le wo la.

Romu 1:25 ပူးပေါင်းရင်းမြစ်များ

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Yɛrɛmaya 13:25

A ko kɛ le ye nala sigila wo ma. A miriya bɛnnɛ min ma wo wara la, wo le kɛ la. Kɛ bɛɛ ye sigila wo ma bawo wo ara wo kan-kɔ sɔ ale Mari la ka la bɛsɛnu na.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Habakuku 2:18

Tɔnɔ-nyamintan ye bɛsɛnu na? Mɔgɛnu denu ya bɛsɛ wonu nadan. Bɛsɛ wonu bi foninyɛ le dɔrɔn fɔla wo ye. Ni bɛsi-tigi ya a yigi sa ala bɛsi-kumabɛlɛ wo rɔ, wo si tɔnɔ-nyamintan di a ma?

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Matiyu 6:24

“Mɔgɔ ti ke wɔli-kɛla tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya le. Wo ti Alla anubɛ nɔnfuli nyini nya-kun-kelen.

Yɔni 2:8

Wo kɔma, a ya a fɔ anu ye ko, “Wo ni yi wo do bi ka ta a to furu-kiri-mɔgɔ-ba ma.” Anu tara a la a ma.

Romu 1:18

Alla ye ala diminyɛ yirala mɔgɛnu na ka bɔ Arinyɛni tɔ ka a tɛgɛ anuna hakɛ anubɛ anuna ko-yoge bɛɛ ma. Wonuna ko-yogoma-kɛ le tonyɛ masɛgila anu na.

Romu 1:23

Habadan-Alla min bi nyɔ, anu ti sɔn wo gbiliyala fɔ niyi sa fan minnu tɔ, anu bi wonu denu kɔla. Anu ya wonu nadan anu bole le la, ado mɔgɛnuna muninyɛ le wonu na anubɛ konanu anubɛ sogenu anubɛ nima-fan bɛɛ.

Romu 9:5

Anu bɔra anu benbanu benba-tɔgɔlamɛnu denu tɔ, ado Allata-Mɔgɔ-Yabɔnɛ bɔra sibole kɛ le tɔ hadama-danta kilɛ fɛ. Alla min bi mansayɛ kɛla bɛɛ kuma, alamɛ wo ya tantolɛ sɔrɔn habadan, amina!

2 Kɔrɛnti 11:31

Alamɛ ma Mari Yisa Fa Alla tɔgɛ ni tanto tolon! Alla le ya a lɔn ko n sa foninya fɔla.

Ɛfɛsa 3:21

Alamɛ gbiliyɛ dira ale Alla ma chɔchi la, Kirasiti Yisa baraka rɔ wati bɛɛ rɔ habadan! Amina!

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

1 Timoti 1:11

N bi kibara-nyimɛ min nakela mɔgɛnu ma, tonya-karan wo si taran wo rɔ, ado a kerifanɛ nde le la. Alla min gbiliyanɛ, duwɛ ye bɔla min bolo, kɔni, kibara-nyimɛ kɛ bɔnɛ wo le bolo.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

2 Timoti 3:4

Anu si ma mɔgɔ-bolo-labiralɛnu na anubɛ tengberannu. Anu wasinɛ ha ka a dan natenbi. Anu nyɛrɛ-diyana-koe di anu ye ka tenbi Alla wara-koe la.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.