Romu 1:24 - ALLALA KUMƐ

²⁴ Nba, hadama-dannu kuntanyara min kɛ, woletɔ Alla ya anu to anu sɔn-yogomɛnu da kun tɔ. Anu ya kisimiriya-koenu ma anu nyɔgɛnu na.

Romu 1:24 ပူးပေါင်းရင်းမြစ်များ

Saraka-Masɔlɛnuta Tɔnnu 18:22

Mɔgɔ kana a sa a ta-nyɔgɔ-kei fɛ. Wo ma di Alla ye mumɛ!

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Kɛwɔlɛnu 14:16

Fɔlɔ-nun, Alla sɔnta ko mɔgɛ bɛɛ ni to anu nyɛrɛta kilɛ fɛ.

Kɛwɔlɛnu 7:42

Woletɔ Alla ya a kan-kɔ sɔ anu na feu, alako anu ni tele anubɛ karɛ anubɛ lolenu bato san ma, ado a sɛbɛnɛ nɛbinuta buku do rɔ ko, ‘Isirɛla mɔgɛnu, wo ya kolo-fan minnu kan natɛgɛ ka wonu ma sarakɛ la san bi-nani kɔrɔ wulɛ rɔ, wo ma wonu di nde ma wo yisi bɛɛ la.

Romu 6:12

Wo kana sɔn, hakɛ ni nɔ-ko sɔrɔn wo ma alako wo ni to wo nyɛrɛ wasala wo diyana-koenu tɔ.

1 Kɔrɛnti 6:13

Dogbɛrɛ si a fɔ ko, “Buyi ye dɔn-fanla ko la. Dɔn-fan fanan ye buyila ko la.” Tonyɛ le kɔnɔ wo filɛ bɛɛ si ban Alla bolo. Kɔnɔ fɛrɛ-bɔnkɛ ma dan yɛlɛnyɛla ko la fɔ ka wɔli Mari ye, ado Mari le ye ko-nyinyala fɛrɛ-bɔnkɛ ma.

1 Kɔrɛnti 6:18

Wo ni wo buri yɛlɛnyɛ kɔrɔ! Mɔgɛ si hakɛ-gbɛrɛ min bɛɛ kɛ, wo bɛɛ ti a fɛrɛ-bɔnkɛ tɔrɔ iko kɛ. Mɔgɛ wa yɛlɛnyɛ kɛ, wo ye hakɛ-su kɛla min si a nyɛrɛ fɛrɛ-bɔnkɛ tɔrɔ.

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!

1 Tɛsalonaika 4:4

Kei kelen-kelennamɛ-bɛɛ ni a lɔn a si a nyɛrɛ fɛrɛ-bɔnkɛ mara sɛninyɛ rɔ nya min.