Romu 1:23 - ALLALA KUMƐ

²³ Habadan-Alla min bi nyɔ, anu ti sɔn wo gbiliyala fɔ niyi sa fan minnu tɔ, anu bi wonu denu kɔla. Anu ya wonu nadan anu bole le la, ado mɔgɛnuna muninyɛ le wonu na anubɛ konanu anubɛ sogenu anubɛ nima-fan bɛɛ.

Romu 1:23 ပူးပေါင်းရင်းမြစ်များ

Yaburi 106:20

Anu ya Allata gbiliyɛ mayɛlɛma ka a di bin-dɔn-sogela muninyɛ kɛ ma.

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 40:26

I yɛ layɛlɛ san-kole ma. I yɛ ye lole minnu na wo la, yon ya wonu dan? Min bi anu tatalala iko kɛlɛ-dannu, wo le ya anu yirika lɔn, ado a bɛɛ kelen-kelennamɛ tɔgɛ ye a bolo. A fanka makawara, hali lolo kolo-kelen-bɛrɛn ti tantan sɔgɔ.

Aiseya 44:13

Kɔlɔma-lɛsɛlɛ wo si kɔlɔma suma. A si bɛsɛ wo ladan-bole suma kɔlɔma wo ma ka a lɛsɛ dabira. A si a ladan a kin na iko hadama-dan. A wa ban a ladanna, a si ta a sigi a kɔ tinɛ rɔ.

Isikiyɛli 8:10

N donta. N ma fenfen taran dandan ma nyɔ fɔ duguma-fannuna muninyɛ anubɛ sogo-haramunɛnuna muninyɛnu anubɛ Alla gboyana-bɛsɛnu Isirɛla bɔnsɔn-mɔgɛnu bi minnu kɔla.

Kɛwɔlɛnu 10:12

Sogo-su siyaman anubɛ sagan-fannu anubɛ konanu bi a rɔ.

Kɛwɔlɛnu 17:29

Nba, ni ala dannu le male la, ma kana ma miri ko Allayɛ manɛ iko sɛnɛ anubɛ wodi-gbɛ, ni wo ma, kuri min lɛsɛnɛ mɔgɛnuna halliyɛ anubɛ hɛnkili la.

Romu 1:25

Anu ya Allala tonyɛ mafelen foninyɛ la. Anu wɔlita dali-fannu denu ye ka wonu denu kɔ. A bɛnnɛ anu ni Dali-Mansɛ min tanto, anu bara wo to nyɔ tolon! Tonyɛ le wo la.

1 Kɔrɛnti 12:2

Yanni wo ni dɛnkɛninya Yisa ma tumɛ min, wo le ya a lɔn ko niyi sa bɛsɛ minnu tɔ, wonu ya wo lasama kila-bɛrɛ ma.

Tɔn-Fɔɛ-Fila-Nyɔgɛ 5:8

“A ko fan minnu bi san-kole rɔ wo, fan minnu bi dugu-kole kuma wo, fan minnu bi yi kɔrɔ wo, wo kana wonuna muninyɛ fenfen ladan

1 Pita 4:3

ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.