Romu 1:22 - ALLALA KUMƐ

²² Anu ko hɛnkilimɛ le anu na kɔnɔ kun-takolɔn le anu na.

Romu 1:22 ပူးပေါင်းရင်းမြစ်များ

Hɛnkilimaya-Kumɛnu 25:14

Mɔgɛ min si mɔgɔ yili-madiya fen-ni-koe rɔ, ado a ti a ni, wo mani de iko bandɛ wa fin, fɔnyɔ ni sigi a kɔrɔ, a ni foo.

Hɛnkilimaya-Kumɛnu 26:12

Mɔgɛ min bi a fɔla a nyɛrɛ ma ko, “Nde hɛnkili kolo,” yigi ye kun-takolɔn la ka tenbi wo tigi la.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Aiseya 47:10

Mari ko ile Babilɔn min bara la i nyɛrɛta karagbɛlɛyɛ la, i miri ko mɔgɔ-wo-mɔgɔ ya sa i la. Ila hɛnkilimayɛ anubɛ ila ko-lɔn ara i lasama kilɛ ma. I ye a fɔla ko Alla le ile la. I ko i nyɔgɔn sa.

Yɛrɛmaya 10:14

Hɛnkili sa bɛsi-ladannɛ do-wo-do la. Siyakinu bara miliya anuna bɛsɛ wonu na, anu denu ya minnu nadan, kɔni. Anuna bɛsi-fuyi wonu niyi sa anu tɔ.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Matiyu 6:23

Kɔnɔ ni mɔgɛ yɛ ma kɛndɛ, a fɛrɛ-bɔnkɛ si to pinpi rɔ. A yɛ min si waan ladon a fɛrɛ-bɔnkɛ rɔ, ni a yɛ wo ma kɛndɛ, a si ma pinpi-makilannɛ la worɔ!

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.